Papan Anggegana Internasional Polonia

Saka Wikipédia, bauwarna bébas basa Jawa
Polonia International Airport
Papan Anggegana Internasional Polonia
Polonia intl departure.jpg
IATA: MESICAO: WIMM
Ringkesan
Tipe Airport Sipil / Militer
Operator PT Angkasa Pura II
Lokasi Medan, Sumatera Utara, Indonésia
Elevasi AMSL 114 ft / 35 m
Koordinat 03°33′29″N 098°40′18″E / 3.55806°L 98.67167°W / 3.55806; 98.67167
Website www.poloniaairport.com
Runways
Direction Dawa Lumah
m ft
05/23 3,000 9,850 Aspal
Sumber: DAFIF[1][2]

Papan Anggegana Internasional Polonia (kode IATA: MES; kode ICAO: WIMM) inggih punika satunggaling papan anggegana internasional ingkang dumunung sakitar 2 km saking pusat kutha Medan, Indonésia. Papan Anggegana punika nglayani penerbangan dhateng kutha-kutha ageng ing Indonésia, kados Jakarta, Batam, Malaysia (Kuala Blethok, Penang, Ipoh), Singapura lan Thailand (Bangkok). Dipunetang saking jumlah arus panumpang, Polonia minangka papan anggegana ingkang paling ageng angka sekawan wonten ing Indonésia sasampunipun Soekarno-Hatta, Juanda, lan Ngurah Rai.[3]

Sajarah[besut | besut sumber]

Rumah Michalski pada tahun 1870-an
Fokker F.VII di lapangan terbang Medan (sekitar tahun 1940)

Nama Polonia asalipun saking nama Nagara asal para pambangunipun, Polandia (Polonia minangka nama "Polandia" wonten ing Basa Latin). Saderengipun dados papan anggegana, kawasan kasebut minangka lahan perkebunan kagunganipun tiyang Polandia ingkang nama Michalski. Taun 1872 piyambakipun pikantuk konsensi saking Pamarentah Walanda saperlu mbikak perkebunan tembakau ing Pesisir Timur Sumatera papanipun wonten ing laladan Medan. Lajeng piyambakipun nyukani nama laladan punika kanthi nama Polonia, ingkang wekdal punika dereng mardika.

Data lan Statistik[besut | besut sumber]

Perkembangan muatan panumpang ing Polonia (Januari-Juli)[3]
Tahun Penumpang
penerbangan
domestik
(wonten ing ewonan)
Penumpang
penerbangan
mancanagara
(wonten ing ewonan)
2002 400,1 170,9
2003 603,3 157,4
2004 825,0 210,9
2005 956,9 251,7
2006 1.062,3 248,3
2007 1.176,2[4] 253,2[5]
2008 1.190,2[6] 262,7[6]
2009 1.190,3[6] 248,1[6]

Papan Anggegana Polonia kagungan wiyar 144 hektar. Panjang landasan pacu wekdal punika antawis 2.900 meter, ananging ingkang saged dipunginakaken antawis 2.625 meter (saengga saged displaced threshold antawis 275 meter). Bab punika kadadosan amargi kathahipun barang ingkang ngalangi ing sakitaring papan lepas landhas lan mendarat. Polonia ugi kagungan 4 taxiway lan apron wiyaripun 81.455 meter. Polonia dipunrancang saperlu ngamot maksimum sakitar 900.000 panumpang.[7]

Saking taun dhateng taun, arus panumpang Polonia ngalami unggah-unggahan antawis 15 dumugi 20 %. Nalika taun 2003, arus panumpang dumugi angka 2.736.332 tiyang, minggah saking 2.090.519 tiyang ing taun saderengipun.[8] Jumlah pergerakan pesawat inggih punika 36.359 nalika taun 2003, minggah saking 29.894 nalika taun 2002. Kacathet wonten 13.713 penerbangan domestik lan 4.387 penerbangan internasional saking Polonia taun 1998. Nalika taun 2004 jumlahipun sampun dumugi angka 35.100 penerbangan domestik lan 8.266 penerbangan internasional.

Wonten ing bidang transportasi barang, nalika taun 2005 pergerakan kargo ing Polonia dumugi angka 31.347 ton.[7]

Cathetan Suku[besut | besut sumber]

Pranala Njaba lan referensi[besut | besut sumber]