Garuda Indonésia inggih punika maskapé pamiberan nasional Indonésia.[1]Garuda sajatosipun inggih punika satunggalipun pèksi ingkang dipunmitosaken ing cariyos pawayangan.[1] Wiwit Juni2007 Garuda Indonésia boten kepareng mabur ing rute Éropa amargi alesan keslametan.[1] Amargi boten kepareng mabur ing wewengkon Éropa, Garuda Indonésia ing Juli2009 mratelakaken badhé ngluncuraken rencana ekspansi gangsal taun ingkang agresif ingkang namanipun Quantum Leap.[2] Rencana punika ugi kalebet nggantos sadaya tampilan maskapé, seragam, lan logo.[2] Ing wekdal gangsal taun, Garuda Indonésia badhé nambahi armada montor mabur saking 62 dados 116 cacahipun.[2] Quantum Leap ugi gadhah rencana ngatahaken panumpang per taun dados 27,6 juta.[2]
Nanging, kalih taun salajengipun inggih punika ing taun 2009, Garuda Indonésia sampun mabur malih ing wewengkon Éropa.[3] Ing taun 2008, Garuda Indonésia pikantuk sertifikasi IATAOperational Safety Audit (IOSA) saking IATA, ingkang werdinipun inggih punika Garuda Indonésia sampun gadhah standar keslametan pamaburan internasional.[3] Garuda Indonésia mlebet ing dhaftar maskapé bintang sekawan saking Skytrax, ingkang tegesipun Garuda Indonésia gadhah kinerja lan layanan ingkang saé.[3] Ing taun 2012 Garuda badhé ndhérék aliansi penerbangan SkyTeam.[4]
