Banchan

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Banchan

Banchan utawi panchan punika dedhaharan tambahan wonten ing tradhisi olah-olahan Koréa. Manéka warna jinising Banchan dipuncawisaken wonten ing piring-piring alit nalika badhé dipunrahapi. Salah satunggaling jinis saking Banchan ingkang paling umum punika Kimchi. Banchan punika dipuncawisaken mawi porsi ingkang alit kanthi ancas supados langsung telas nalika dipundhahari. Sansaya resmi satunggaling pasamuan, pramila sansaya kathah ugi banchan ingkang dipuncawisaken. Tinandhing kaliyan wewengkon sanèsipun, jinising banchan ingkang dipuncawisaken ing Provinsi Jeolla punika langkung kathah werninipun.

Manéka warna Banchan[besut | besut sumber]

Kimchi[besut | besut sumber]

Kimchi punika manéka sayur ingkang dipundamel fèrmentasi. Ing antawisipun jinising kimchi ingkang paling kondhang inggih punika kimchi sawi putih (baechu kimchi).

Jeneng Jeneng Koréa Wedharan
Nabak-kimchi 나박김치 kimchi sawi putih lan lobak ingkang langkung kathah toyanipun.
Dongchimi 동치미 kimchi sayur ingkang boten mawi lombok. Nabak-kimchi lan dongchimi dipunsebat mul kimchi utawi kimchi toya.
Geotjeori[1] 겉절이 kimchi sawi putih ingkang tasih énggal lan dèrèng dipundamel fèrmentasi.
Kkakdugi 깍두기 kimchi saking lobak ingkang dipuntugel dados kothak lan mawi bumbu lombok.
Oi sobak-i 오이 소박이 kimchi saking timun mawi lombok lan ron bawang.
Chonggak kimchi 총각김치 kimchi mawi bumbu saking lobak wutuh ingkang ukuranipun alit.

Namul[besut | besut sumber]

Various namul

Namul (나물) ingkang dipunolah mawi bumbu kados lenga wijèn, sarem (uyah), cuka, bawang, ron bawang, bubuk lombok lan kécap asin.

Jeneng[2][3] Jeneng Koréa Wedharan
Kongnamul 콩나물 thokolan wonten ing lenga wijèn.
Sigeumchi-namul 시금치나물 spinacia ing lenga wijèn, bawang lan kécap asin.
Miyeok-muchim[4] 미역무침 miyeok (rumput laut utawi wakame) kaliyan cuka, gula, lan sarem.
Mu-saengchae/Mu-chae[5] 무생채/무채 asinan lobak ingkang dipuniris alit lajeng dipunparingi cuka, gula, sarem lan lombok.
Gosari-namul 고사리나물 tumis pucuk pakis.

Jorim[besut | besut sumber]

Jorim punika sebatan kanggé dhaharan ingkang dipunolah ngginakaken saos.

Jeneng Jeneng Koréa Wedharan
Dubu-jorim (두부조림) tahu ingkang dipunmasak kaliyan saos campuran saking kécap asin, lenga wijèn, bawang lan ron bawang.[6]
Jang-jorim (장조림) daging sapi (ati sapi) ingkang dipunmasak kaliyan kecap asin lan tigan ayam ingkang dipungodhog.[7]

Jjim[besut | besut sumber]

Jjim punika dhaharan ingkang dipunkukus.

Jeneng Jeneng Koréa Wedharan
Gyeran-jjim (계란찜) tigan ingkang dipunkukus mawi bumbu.[8]

Jeon[besut | besut sumber]

Jeon punika sebatan kanggé manéka dhaharan ingkang dipun-gorèng ing wajan.[9] salah satunggaling jinis jeon ingkang paling kondhang inggih punika Buchimgae (adonan tepung terigu lan sayuran ingkang dipun-goreng tipis kadosdéné panekuk). Wonten ing Jepang, Buchimgae dipunwastani chijimi ingkang asalipun saking nama dhaharan ing dhialèk Gyeongsang (jijimi).

Jeneng Jeneng Koréa Wedharan
Pajeon (파전) panekuk isi ron bawang, lan saged dipundamel tanpa ngginakaken tepung terigu (namung tigan ayam lan ron bawang).[9]
Kimchijeon (김치전) panekuk mawi kimchi ingkang sampun kecut.[9]
Gamjajeon (감자전) panekuk kentang saka Koréa.[10]
Saengseon jeon (생선전) nilam ingkang dipuncampur tigan lajeng dipun-gorèng.[11]
Donggeurang ttaeng (동그랑땡) perkedèl campuran tahu, daging, lan sayuran.[12]

Sanèsipun[besut | besut sumber]

Jeneng Jeneng Koréa Wedharan
Japchae (잡채) tumis sayuran ingkang dipuncampur kaliyan sohun.

Pranala njaba[besut | besut sumber]

Rujukan[besut | besut sumber]

  1. 겉절이 (ing basa Korean). Doosan Encyclopedia. Dijupuk 2013-04-04. 
  2. "Korean Food: Seasoned Vegetables". Life in Korea. Dijupuk 2013-04-04. 
  3. "Herbivore’s delight – Spring namul". Korea.net (Dél-Koreai hivatalos oldala). 2012-04-10. Diarsip saka sing asli ing 2013-04-30. Dijupuk 2013-04-04. 
  4. Sook Choe Ji, Yukiko Moriyama (2003). Quick and Easy Korean Cooking for Everyone. Japan Publications Trading. k. 42. ISBN 9784889961249. 
  5. 무생채 (ing basa Korean). Doosan Encyclopedia. Dijupuk 2013-04-04. 
  6. "두부조림(dubu jorim / Braised Pan-Fried Tofu)" (ing basa Korean). Doosan Encyclopedia. Dijupuk 2013-04-04. 
  7. "JANG-JO-RIM". Trifood. Dijupuk 2013-04-04. 
  8. 계란찜 (ing basa Korean). Sports Khan. 2013-03-13. Dijupuk 5 April 2013. 
  9. a b c "A List of Korean Savory Pancakes". About.com. Dijupuk 2013-04-05. 
  10. 감자전 (ing basa Korean). Donga. Diarsip saka sing asli ing 2004-02-27. Dijupuk 5 April 2013. 
  11. "Saengseon Jeon (Pan-Grilled Fish With Egg)". Korea Timea. 2009-12-10. Dijupuk 2013-04-05. 
  12. 동그랑땡 (ing basa Korean). Donga Woman. 2006. Dijupuk 2013-04-05.