Chuseok
| Chuseok | ||||||||
|---|---|---|---|---|---|---|---|---|
| Koreanthanksgiving-chuseok.jpg | ||||||||
| Jeneng Koréa | ||||||||
|
Chuseok utawi ingkang dipunserat minangka Chusok (Dinten wulan purnama) inggih punika dinten libur resmi ingkang wonten ing Koréa ingkang dipunrayakaken kanthi ageng nalika wulan kaping 8, dinten kaping 15 kalender lunar [1]. Perayaan punika wujud pista dhahar kanggé ngaturaken panuwun awit saking kasilipun panèn, saéngga dipunsebat minangka dinten panèn, Festival wulan mangsa panèn, utawi Hangawi ("han" = "raya", "gawi" = "tengah", "hari raya ing tengahipun mangsa palastra".
Sajarah
[besut | besut sumber]Hangawi sampun dipunmangertosi saking periode wiwitanipun Karajan Silla (57 SM-935) kanthi wujud lomba nenun antawisipun kalih kelompok. Ing dinten Hangawi, kelompok kanthi asiling tenunan ingkang paling dawa punika dados jawara, déné kelompok ingkang kalah kedah nraktir kelompok ingkang menang kanthi manéka jinis dhaharan ingkang sarwi écho.
Tradisi
[besut | besut sumber]
Wonten ing jaman sapunika, karaméan Chuseok kalebet wekda kanggé tiyang Koréa supados kondur ing tlatah asalipun piyambak kanggé sowan ing altar leluhur. Nalika énjing, tiyang Koréa ngawontenaken pakurmatan dhumateng arwahipun para leluhur kanthi wujud ziarah ing makam supados ngresiki tuwuhan lan lemah ing sakiwa tengenipun makam. Arwah leluhur ugi dipunparingi dedhaharan, woh-wohan, lan unjukan. Kasiling panèn taun mau ugi dipunparingaken dhateng arwah para leluhur [2].
Perayaan Chuseok ugi minangka wekdal kanggé ngaturaken panuwun dhumateng arwah para leluhur. Dhaharan mirunggan liburan Chuseok punika awujud kué Songpyeon (송편) ingkang dipundamel saking glepung beras lan dipunisi kaliyan kacang utawi wijen. Ing dalu sadèrèngipun Chuseok, sadaya anggota kulawarga lenggah sesarengan damel songpyeon sinambi mirsani wulan.[3] mliginipun para jejaka lan prawan nyobi damel songpyeon ingkang saé piyambak amargi pitados bilih piyambakipun badhé pikantuk pasangan ingkang ayu lan bagus.[3] Nalika dinten Chuseok, tiyang-tiyang sarwa nedhi manéka dhaharan lan unjukan sarta ngawontenaken dolanan tradhisional.[3] Kajawi songpyeon, manéka asiling kebon lan tetanen ingkang nembé dipunpanèn ngebaki méja dhahar kados ta wijen, dangsul, kacang abang, chestnut, lan kurma Cina.[3] Dolanan lan kesenian tradhisional dipunwontenaken sesarengan kados ta sonori (dolanan sapi), geobuknori (dolanan bulus), ganggangsullae (jogèd muter) lan ssireum (bergulat).[3]
Dinten Chuseok miturut kalender Grégorius
[besut | besut sumber]- 2009: 3 Oktober
- 2010: 22 September
- 2011: 12 September
- 2012: 30 September
- 2013: 19 September
- 2014: 8 September
Cathetan suku
[besut | besut sumber]- ↑ Koréa Kidul Bersiap-siap Sambut Liburan Chuseok[pranala mati permanèn], (dipunakses tanggal 24 Fèbruari 2013)
- ↑ Hari Raya Chuseok Archived 2015-01-02 at the Wayback Machine., (dipunakses tanggal 24 Fèbruari 2013)
- ↑ a b c d e Sesi Customs Archived 2010-12-06 at the Wayback Machine., koreanculture.org.
Pranala njawi
[besut | besut sumber]- Resep Songpyeon Archived 2007-09-29 at the Wayback Machine.