Ganggangsullae

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Ganggangsullae

Ganggangsullae utawa Ganggangsuwollae ya iku sawijining jogèd tradhisional saka Provinsi Jeolla Selatan, Koréa Kidul.[1] Ganggangsullae kang uga sinebut jogèd melingkar ya iku jogèd kang kusus dipentasake déning kaum wanita kanthi cekelan tangan minangka bunderan lan nyanyi.[2] Jogèd iki lumrahé dipentasake nalika karaméan-karaméan dina riyaya kaya ta Jeongwol Daeboreum lan Chuseok ing ngisoring padhange bulan purnama kanggo jaluk berkah lan panen kang akèh.[3][4] Jogèd iki Warisan Budaya Nonbendawi Koréa Kidul Nomor 8 taun 1966 lan uga diakoni déning UNESCO minangka Karya Agung Warisan Budaya Lisan dan Nonbendawi Manusia ing taun 2009. [1][2][5]

Sajarah[besut | besut sumber]

Tradisi jogèd Ganggangsullae wis ana kawit biyèn.[3] Jaman biyèn wong Koréa nampilake minangka péranganing ritual supaya panene dadi luwih apik lan akèh saka déwa.[3]

Jogèd iki tau digunakaké déning Laksamana Yi Sun-sin minangka taktik kanggo ngalahake wadya Jepang kang nyerbu Koréa ing mangsa Perang Imjin.[1][3] Amarga jumlah prajurit Joseon luwih sitik tinimbang jumlah mungsuh, Laksamana Yi ngakon kaum wanita uppaya gunakake seragam militèr lan narekake Ganggangsullae ing dhuwur pagunungan nganti pirang-pirang wengi.[3] Nalika wadya Jepang ngerti saka kadohan, kabèh padha gumun amarga ngira Joseon duwé jumlah wadya kang akèh banget, lan kabèh mau padha mundur.[1] Kendeling para wanita lan taktik militèr Laksamana Yi ana ing obahan jogèd Ganggangsullae.[3]

Gerakan[besut | besut sumber]

Lumrahé ditarekake nalika dina-dina riyaya gedhé kaya ta dina Chuseok, kaum wanita tuwa lan nom padha kumpul lan minangka bunderan, padha cekelan tangan lan nyanyi ing ngisoring sinar bulan purnama.[1] Wanita kanthi swara kang paling merdu nyanyi kang paling wiwitan lan dieloni penari liyané.[1] Kabèh mau nyanyekake lirik lagu Ganggangsullae kang nyritakake ngenani uriping rakyat ing désa nalika nindakaké kegiyatan saben dinane, kaya ta ngerjakake sawah, golèk iwak, nganyam, masang gendhèng lsp..[2] Jeneng Ganggangsullae iku asalé saka lirik kang dinyanyekake bola-bali, sanajan tegesé ora dingertèni.[2] Jogèd iki nggambaraké harmoni, pepadan lan persahabatan antar kaum wanita sarta minangka èksprèsi kebebasan lan kegembiraan wong mau kabèh.[2] Wiwitane obahan jogèd wiwit kanthi alon-alon lan saya suwé dadi sansaya rikat saéngga katon mlayu ing bunderan.[1]

Cathetan suku[besut | besut sumber]

  1. a b c d e f g Ganggangsullae Dance, visitkorea. Diundhuh tanggal 24 April 2010.
  2. a b c d e Intangible Cultural Heritage - ICH, Ganggangsullae, unesco. Diundhuh tanggal 24 April 2010.
  3. a b c d e f Ganggang Sullae, Thanksgiving Day Festival, arirang. Diundhuh tanggal 24 April 2010.
  4. Ganggangsullae, kbs. Diundhuh tanggal 14 Mèi 2010.
  5. Pengakuan UNESCO untuk asset budaya tradhisional milik Korea sebagai warisan budaya yang tak berwujud dari kemanusiaan, kbs. Diundhuh tanggal 14 Mèi 2010.


Uga delengen[besut | besut sumber]

Pranala njaba[besut | besut sumber]

Cithakan:Karya Agung Warisan Budaya Lisan dan Nonbendawi Manusia Koréa Kidul