Jeon

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Jujug: pandhu arah, pados
Jeon
Pajeon variasi jeon dengan daun bawang
Hangul 전, 전유어, 전유화, 저냐, 부침개, 지짐, 지짐개
Hanja 煎, 煎油魚, 煎油花,
Alihaksara sing Disampurnakaké jeon, jeonyueo, jeonyuhwa, jeonya, buchimgae, jijim, jijimgae

Jeon (jun), buchimgae, jijimgae, utawi jijim punika sebatan kanggé sadaya dadar glepung terigu wonten ing dhaharan Korea . Wonten ing istilah kuliner astana Korea, dhaharan punika dipunsebat jeonyueo utawi jeonyuhwa (kadang kala dipunringkes dados jeonya). Adonanipun dipundamel saking campuran glepung lan toya. Isinipun punika arupi daging pitik, daging sapi, dhaharan segara utawi janganan. Bibar dipunudhak kalihan isinipun lajeng dipungoreng kanthi ngginakaken sekedhik lisah utawi minyak wijèn [1].

Jeon padatanipun dipunsajekaken minangka banchan, sajian pambuka, utawi anju (sajian nalika ngunjuk unjukan mawi alkohol). Kejawi punika, jeon kalebet dhaharan ingkang wigatos kagem jesasang (meja upacara kanggé jesa, pengetan dinten séda) lan janchi (hangul:잔치, festival). Jeon ingkang dipunsajekaken kanggé jesa punika dipunwastani gannap (hangul:간납, hanja: 干納 utawi 肝納) utawi gannam (hangul:간남, hanja:肝南). Isinipun punika arupi ati sapi, ulam, janganan lan godhong bawang.[2] Satunggaling jinis jeon ingkang raosipun legi kados panekuk[3] inggih punika hwajeon (jeon campur kembang). Wonten ing Korea Selatan, variasi jeon ingkang kondhang inggih punika bindaetteok (jeon kacang ijo), lan pajeon (jeon godhong bawang), lan kimchijeon (jeon kimchi) [4].

Variasi isi[sunting | besut sumber]

Jeon dipunparingi nama adhedhsarar bahan isi, tuladhanipun kimchijeon ateges jeon kanthi isi kimchi.

Daging[sunting | besut sumber]

  • Yukjeon (육전 肉煎): isi daging cincang
  • Wanja jeon utawi wanja (완자전): jeon awujud bunder-bunder alit dipundamel saking daging cincang, tahu, janganan, lan dipunlapisi kalihan glepung terigu lan tigan.
  • Ganjeon (간전): isi ati sapi
  • Cheonyeop jeon (처녑전): isi weteng buku saking sapi

Dhaharan laut[sunting | besut sumber]

Saenseon jeon
  • Saengseon jeon (생선전 生鮮煎): jeon ingkang saged dipundamel saking manéka jinis ulam (mliginipun ulam mawi daging werni putih). Jeon saking dhaharan segara dipunwastani haemul jeon (해물전 海物煎) ingkang kaperang saking jeon kerang (paeryu), jeon urang, lan jeon gurita.
  • Mineo jeon (민어전 民魚煎): isi ulam Nibea imbricata (jinising ulam tigawaja)
  • Daegu jeon (대구전 大口煎): isi ulam cod
  • Gul jeon (굴전): isi tiram
  • Daeha jeon (대하전 大蝦煎) utawi saewoo jeon (새우전): isi urang

Janganan[sunting | besut sumber]

Gochu jeon

Kembang[sunting | besut sumber]

Cathetan suku[sunting | besut sumber]

  1. ^ (id) Makanan Tradisional Imlek di Korea, (dipunakses tanggal 6 Maret 2013)
  2. ^ Yoon, Seoseok (윤서석) (1991). "간납" (in basa Korea).  Text "Jeonbuk Foood Culture Plaza, / Korean cuisine terms, published by Mineumsa " ignored (help)
  3. ^ (id) Kimchi Jeon, (dipunakses tanggal 6 Maret 2013)
  4. ^ (id) Kimchi Jeon, (dipunakses tanggal 6 Maret 2013)
Sumber artikel punika saking kaca situs web: "https://jv.wikipedia.org/w/index.php?title=Jeon&oldid=1014415"