Guk

Saka Wikipédia Jawa, bauwarna bébas abasa Jawa
Guk
Hangul 국, 탕
Hanja
Alihaksara sing Disampurnakaké guk, tang
McCune–Reischauer kuk, t'ang

Guk utawi Tang punika jinising sup khas saking Korea.[1][2] Wonten maneka variasi guk adhedhasar cara masak saéngga jinisipun ugi manéka warni.[2] Wigatinipun sup wonten ing kuliner Korea saged dipuntelusur saking buku masak kuno saking zaman Dinasti Joseon (1392-1910) kanthi irah-irahan Joseonmussang sinsikyori jebeop ingkang nyerataken "Guk punika masakan paling wigati angka kalih bibar sekul ing nginggilipun meja dhahar dalu lan kalebet lawuh ingkang paling wigati. Dhahar tanpa sajian guk punika sami kemawon praupan tanpa mata. Boten wonten pesta ingkang jangkep tanpa guk".[2]

Variasi guk[besut | besut sumber]

Tteokguk, jinis malgeunguk.
Seolleongtang, jinis gomguk

Wonten kathah jinis guk ingkang dipundamel saking manéka jinis bahan, kados janganan lan daging ugi dipunsajekaken minangka lawuh (lauk) utawi dhaharan utami nalika dipuncampur kalihan sekul.[2] Padatanipun guk punika dipupérang dados kategori wonten ing ngandhap punika :

Kanggé damel malgeunguk kanthi jumlah ingkang kathah punika mbetahaken kathah daging sapi lan dipunmasak kanthi wekdal ingkang dangu.[2] Supados raos saking sup punika dados gurih daging sapi kasebut dipuntugel alit-alit rumiyin, lajeng dipunparingi bumbu lan dipunoseng lan dipungodhog ing toya.[2] Malgeunguk padatanipun dipunparingi bumbu sarem lan ganjang (kecap asin).[2]

  • Tojangguk, sup ingkang dipunparingi bumbu doenjang.[2] Tojangguk dipunmasak kalihan bahan doenjang, saéngga raosipun gurih sanajan sekedhik utawi boten dipuntambah daging. Padatanipun tojangguk dipuntambah kalihan bubuk lombok (gochugaru) utawi pasta lombok (gochujang) kanggé nambah raos pedes.[2]
  • Gomguk, sup balung sapi kenthel.[2] Gomguk dipundamel kanthi cara daging lan balung sapi dipungodhog sesarengan dumugi gajih (lemak)ipun medal utawi nalika kenthelipun sampu krasa cekap.[2] Bumbu kados sarem lan kecapa asin dipuntambah sadèrèngipun sup dados kenthel. Ananging sarem saged ugi dipuntambah nalika sampun cumawis ing meja dhahar.
  • Naengguk, sup adhem.[2] Bahan naengguk padatanipun wonten timun, rumput laut, lan ganggang coklat, lajeng dipuntambah kalihan cuka.[2] Naengguk kathahipun dipundhahar nalika mangsa panas.[2]

Bahan-bahan[besut | besut sumber]

Bahan-bahan isi guk punika kathah antawisipun janganan, daging, ulam, kerang, rumput laut ingkang padatanipun cumawis adhedhasar mangsa.

Musim Jinis guk
Mangsa semi Tojangguk kalihan herba liar kados ssuk (mugwort), lan naengi (horseradish).
Mangsa panas Oi naengguk (naengguk timun), miyeok naengguk (naengguk rumput laut), kkaetguk (sup wijen), yeonggye baeksuk (sup ginseng kalihan pitik enem), chueotang (sup ulam loach), samgyetang (sup pitik ginseng).
Mangsa gugur Torantang (sup uwi talas), songitang (sup matsutake), baechutguk (sup kol Cina).
Mangsa adhem Gomguk (sup balung), seonjitguk (sup getih sapi), tteokguk (sup kue beras), lan mandutguk (sup mandu)

Bèntenipun guk kalihan tang[besut | besut sumber]

Tang punika istilah ingkang langkung formal lan kurmat ing kuliner Korea tinimbang guk.[3] Ananging dhaharan kalih punika saged dipunbédakaken. Tang langkung dados masakan khusus déné guk punika sup ingkang dipundhahar wonten ing kegiatan dhahar umum ingkang dipunsajèkaken kalihan manéka jinis lawuh sanèsipun.[3]

Pirsani ugi[besut | besut sumber]

Cathetan suku[besut | besut sumber]

  1. ^ (en)Korean Food: Soups, lifeinkorea.
  2. ^ a b c d e f g h i j k l m n o (en)Paik Jae-eun (2008). "Soup (Guk) An Essential Part of the Korean Meal" (PDF). Koreana 22 (2): 76–79.  Paramèter |month= sing ora kawruhan dikiwakaké (pitulung)
  3. ^ a b (en) Enjoy Healthy Torantang during the Chuseok Holiday, Koreana.

Cithakan:Masakan-stub

Sumber artikel punika saking kaca situs web: "https://jv.wikipedia.org/w/index.php?title=Guk&oldid=1089114"