Jehotang

Saka Wikipédia Jawa, bauwarna bébas abasa Jawa
Jehotang

Jehotang (제호탕) ya iku ombenan tradisional kas Koréa kang digawé saka bahan herba lan biyasane disajekake ing mangsa ketiga.[1][2] Ombenan iki kawiwitan saka resep masakan pura Dinasti Joseon kang duwé manfaat minangka ombenan kang bisa nambani ngelak ing mangsa ketiga.[2] Ing wulan kaping 5 ing dina Dano miturut kalender tradisional, nalika hawane isih panas, klinik pura karajan wiwit gawé jehotang lan diwènèhake marang raja.[2]

Bahan mliginé jehotang ya iku godhogan sari bahan-bahan herba kaya ta tanduran arrowroot (ganyong), omija (Schisandra chinensis), ginseng, liriope graminifolia, aprikot lan jahe.[2] Ombenan iki duwé manfaat kanggo keséhatan ya iku kanggo nambani diare lan watuk.[2] Sebutane mau bisa tinemu ing dokumen pengobatan kuno Dongui Bogam karyane dhokter pura Heo Jun kang nulisake manfaat lan carane gawé jehotang.[2]

Cathetan suku[besut | besut sumber]

  1. ^ Jehotang, seoul.go.kr. Diundhuh tanggal 31 Mèi 2010.
  2. ^ a b c d e f Han Bok-jin (1999). "Traditional Summer Beverages" (PDF). Koreana 19 (2): 80–83. Dijupuk 12 September 2010.  Paramèter |month= sing ora kawruhan dikiwakaké (pitulung)