Tiyang Indo

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
(Dipunpindhah saking Wong Eropa-Indonesia)
Jujug: pandhu arah, pados
Tiyangn Indo
Indo
Indo-Europeanen
Populasi total
sekitar 1.000.000 di Indonésia (pendugaan), sekitar 500.000 di Walanda
Pedunung wigati ing
Walanda, Indonésia, Amerika Serikat, Australia, Selandia Baru, Britania Raya, Kanada
Basa

Walanda, Indonésia, Pecok, Inggris

Agama

Kristen, Islam, dll.

Suku bangsa cedhak dhéwé

Walanda; suku-suku di Indonésia, terutama Maluku, Jawa, Sunda dan Minahasa; Jerman

Tiyang Indo utawi kaum Indo (singedan saking nama ing basa Walanda, Indo-Europeaan, "Éropah-Hindia"[1]) inggih punika kelompok etnik Mestizo ingkang wonten (utawi naté wonten) ing Hindia-Walanda/Indonésia lan sapunika dados kelompok etnik minoritas ingkang paling ageng ing Walanda. Kelompok etnis punika gadhah ciri-ciri saking saminipun asal-usul rasial, status legal, lan kultural. Kaum Indo minangka keturunan campuran antawisipun tiyang saking etnik tartamtu ing Éropah (utaminipuna Walanda, ananging ugi Jerman, Belgia, lan Prancis/Huguenot) kanthi fenotipe Éropah lan tiyang saking etnik non-Éropah tartamtu ing Hindia-Walanda/Indonésia. Kanthi hukum, sapérangan ageng gadhah status minangka warga Éropah ing Hindia-Walanda (Europeanen). Para kaum indo njunjung nilai-nilai budaya Éropah (utaminipun Walanda) kanthi kathah pangaruh lokal Indonésia ing derajat tartamtu wonten ing pagesangan saben dintenipun. Éwadéné mekaten, ing salebeting kelompok etnik punika dipunlebetaken ugi tiyang Éropah ingkang rawuh lan netep sawetawis wekdal ingkang lumayan dangu ing Indonésia utawi mijil ing Indonésia, amargi ingn antawisipun kalangan kaum keturunan campuran piyambak wonten jarak fenotipe ingkang jembar, saéngga faktor penampilan boten saged dipundadosaken satunggaling watesan tumrap kelompok etnik punika. Kelompok keturunan campuran inggih punika sinten kemawon ingkang biasa dipunkenal minangka tiyang Indo, Mesties (Bld.)[2], utawi Mestizos (Port.), déné ingkang "darah murni" Éropah dipunkenal minangka totok (Mel.), blijvers (Bld.), utawi kreol.

Perang Dunia Kedua lan sasampunipun dados titik wiwitanipun diaspora tumrap para kaum indo, saengga sapunika keturunan kaum indo kathah dipunpanggihi ing Walanda, Indonésia, Amerika Serikat (AS), Australia, Selandia Baru, Kanada, sarta saperangan nagara sanesipun. Ing Walanda, kaum Indo sapunika dipunanggep minangka kelompok minoritas ingkangn paling ageng (total cacahipun antawis 500.000 tiyangt). Kaum punika dipunkenal kanthi maneka istilah, kadosta Indisch Nederlander utawi Indisch kemawon. Kanthi budaya para kaum indo gegayutan caket kaliyan kelompok etnik Maluku ing Walanda. Ing Amerika Serikat dipunkenal minangka Dutch Indonésian utawiIndonésian Dutch lan kathah-kathahipun dumunung ing wewengkon California. Ing Indonésia piyambak cacahipun sekedhik lan kathah keturunanipun ingkang terintegrasi/melebur kaliyan maneka kelompok etnis sanesipun ewadene kebiasaan kanthi migunakaken basa Walanda taksih dipunginakaken ing kulawarga saben dintenipun.[3]

Istilah "tiyang Indo" ing basa Indonésia wekdal punika ngalami sawijining ewah-ewahan teges lan dipunginakaken kanthi taksa (ambigu). Sebutan punika ugi dipunginakaken kangge nyebut sadaya tiyang Indonésia — minangka singedan saking "tiyang Indonésia" — ugi kangge nyebut peranakan sampuran tiyang Indonésia kaliyan bangsa sanesipun, tanpa ningali latar belakang asal-usul non-Indonésianipun, ingkang boten kedah Éropah.[4]

Caathetan Suku[sunting | besut sumber]

Pranala Njaba[sunting | besut sumber]

Sumber artikel punika saking kaca situs web: "https://jv.wikipedia.org/w/index.php?title=Tiyang_Indo&oldid=1038549"