Suku Betawi

Saka Wikipédia, bauwarna bébas basa Jawa
Suku Betawi

Suku Betawi punika suku ingkang manggen wonten ing kutha Jakarta.[1] Suku Betawi punika ngginaken dialék Betawi.[1] Dialék Betawi punika salah setunggaling logat basa Melayu.[1] Basa Betawi punika basa Melayu kanthi dialék Nusa Kalapa.[1] Nusa Kalapa saha Pakuan punika dados kutha ingkang wigati nalika jaman krajaan Pajajaran ingkang dipunpimpin Prabu Siliwangi.[1] Nusa Klapa sapunika dipunwastani kutha Jakarta.[1] Sifat campur-aduk sajroning dialék Betawi punika gambaran saking kabudayan Betawi umumipun.[1] Kabudayan Betawi punika sipunasilaken saking campuran budhaya- budhaya sanesipun saking laladan-laladan ing Nuswantara saha budhaya asing.[1] Wonten ing bidhang kesenian, umpaminipun seni Gambang Kromong ingkang asalipun saking seni musik Cina, ananging ugi wonten rebana ingkang kalebet tradhisi alat musik Arab, Keroncong Tugu ingkang taksih wonten budhaya Portugis-Arab, saha Tanjidor ingkang nggadhahi budhaya Walanda.[1]

Laladan budhaya Betawi punika kaperang dados kalih bagéyan inggih punika Betawi Tengah utawi ingkang dipunwastani Betawi Kutha saha Betawi Pinggiran.[2] Ingkang kalebet laladan Betawi Tengah punika laladan naliak jaman akir Pamerintah kolonial Walanda kalebet laladan Gemeente Batavia, kejawi Tanjung Priuk lan sakupengipun.[2] Suku Betawi gadhah jajan khas ingkang dipunwastani dhodhol utawi jenang.[2] Dhodhol kalebet jajanan ingkang raosipun legi.[2] Dhodhol punika limrahipun dipundamel kaliyan tiyang ingkang sampun kulinten supados saged ngasilaken dhodhol ingkang éco saha kualitasipun saé.[2] Kejawi dhodhol, suku Betawi ugi gadhah kesenian khas ingkang arupa topéng Betawi.[2] Topéng Betawi punika ugi saged dipunwastani lénong Betawi.[2]

Cathetan suku[besut | besut sumber]

  1. ^ a b c d e f g h i (id)pariwisatajaksel.com(dipunundhuh tanggal 1 Oktober 2011)
  2. ^ a b c d e f g (id)anakbetawi.com(dipunundhuh tanggal 1 Oktober 2011)


Sumber artikel punika saking kaca situs web: "https://jv.wikipedia.org/w/index.php?title=Suku_Betawi&oldid=1015294"