Wong Asmat

Saka Wikipédia Jawa, bauwarna bébas abasa Jawa
(Dilih saka Suku Asmat)
Suku Asmat
Orang Asmat.jpg
An Asmat woodcarver
Populasi total
70,000 est.
Pedunung wigati ing
Laladan Asmat saka Provinsi Papua, Indonesia. Juga misuwur minangka Papua Kulon
Basa

Asmat languages

Agama

Indigenous beliefs, Christianity

Suku bangsa cedhak dhéwé

Adat masyarakat Papua saka Papua Kulon lan Papua Nugini, liyané kayata Melanesia

Suku Asmat punika suku bangsa ingkang dumunung wonten ing tlatah Papua kutha krajan Jayapura. Cacahipun kirang langkung 65.000 jiwa.[1] Suku Asmat manggèn wonten ing laladan rawa-rawa wonten ing bagéyan kidul propinsi Irian Jaya.[1] Suku Asmat punika dados suku asli Papua.[1] Suku Asmat gesang wonten ing dhusun-dhusun.[1] Saben dhusun cacahipun kirang langkung 35 ngantos 2000 jiwa.[1] Nalika taun 50an, sadèrèngipun wonten tiyang sangkan (pendatang), suku Asmat punika akrab kaliyan perang suku, mbebedag sirah manungsa, kanibalisme.[1] Griya-griyanipun suku Asmat punika dipunbangun wonten ing sacaketipun lèpèn.[1] Punika angkahipun supados mangertosi menawi wonten mengsah ingkang badhé nyerang.[1] Nalika abad kaping-20an, griya-griya suku Asmat dipunbangun wonten ing pinggir-pinggir seganten (pesisir), dipunbangun wonten ing panggènan ingkang inggilipun kirang langkung kalih mèter utawi langkung.[1] Tujuwanipun kanggé ncegah banjir ingkang dipunsebabaken lèpèn ingkang rob (lubèr toyanipun).[1] Wonten ing sakupengipun pagunungan Jayawijaya, suku Asmat gesang wonten ing sanginggilipun griya wit ingkang inggilipun kirang langkung gangsal ngantos selangkung mèter saking siti.[1] Kejawi saking punika, suku Asmat ugi mbangun pos-pos kanggé njagi laladanipun.[1] Pos punika inggilipun kirang langkung 30 mèter saking siti.[1] Suku Asmat punika kalebet suku ingkang remen mbebedag saha ngempalaken tetedhan saking wit sagu, mancing saha mbebedag babi wana, kasuari saha baya.[1] Kejawi punika suku Asmat ugi sinau kanggé tetanén jangonon saha ngingu kéwan ingon-ingon.[1] Suku Asmat ugi wonten ingkang sampun ngginakaken peralatan saking métal.[1] Kanggé mirsani budaya Suku Asmat ugi saged dipunpirsani wonten ing Muséum Asmat Taman Mini Indonésia Indah.[2]

Cathetan suku[besut | besut sumber]

  1. ^ a b c d e f g h i j k l m n o p (id)lestariweb.com(dipunundhuh tanggal 3 Oktober 2011)
  2. ^ (id)mlancong.com(dipunundhuh tanggal 3 Oktober 2011)


Sumber artikel punika saking kaca situs web: "https://jv.wikipedia.org/w/index.php?title=Wong_Asmat&oldid=1073760"