Wong Bauzi

Saka Wikipédia Jawa, bauwarna bébas abasa Jawa
(Dilih saka Suku Bauzi)
Suku Bauzi
Suku Bauzi
Orang Baudi
Populasi total
2009: kurang lebih 1.500 Jiwa sampai 2.000 Jiwa.
Pedunung wigati ing
Indonésia:
Basa

basa Bauzi

Agama

Mayoritas Kristen Protestan, namun masih banyak pula yang menganut Animisme, Animatisme, Dinamisme dan Totem

Suku bangsa cedhak dhéwé

Tidak Di Ketahui

Wong Bauzi utawi tiyang Bauzi minangka salah satunggal saking 260-an suku asli ingkang sapunika dumunung ing Papua. Déning lembaga misi lan basa Amerika Serikat ingkang nama Summer Institute of Linguistics (SIL), suku punika dipunlebetaken ing dhaptar 14 suku paling terasing. Badan Pusat Statistik (BPS) Papua boten ketinggalan nglebetaken suku Bauzi ing salebeting dhaptar 20-an suku terasing ingkang sampun kaindentifikasi. Kados pundi boten, jembaripun wewengkon alas, pegunungan, lembah, rawa ugi kali-kali ageng ingkang wonten ing kawasan Mamberamo sampun damel suku punika nyaris boten nate ngenal peradaban modern. Pagesangan saben dinten suku punika taksih dipunlakoni kanthi tradhisional.[1]

Sajarah Singkat[besut | besut sumber]

Miturut sajarah panyebaranipun, suku Bauzi asalipun saking laladan Waropen utara. Ananging ing wekdal ingkang dangu nyebar ing arah danau Bira, Noiadi lan tenggara Neao, kalih laladan kasebut dumunung ing perbukitan Van Rees Mamberamo. Dawanipun wewengkon punika kirang langkung 80 kilometer. Suku Bauzi saged nyebar amargi gadhah kemampuan pindhah migunakaken perahu nyusuri kali lan mlampah. Cacahipun penduduk namung ewunan jiwa. SIL ing taun 1991 nate ngrilis data ingkang nedahaken cacah tiyang Bauzi antawis 1.500 jiwa. Suku punika nyebar ing bageyan ler lan tengah wewengkon Mamberamo. Sapunika cacahipun tiyang suku Bauzi saged dipunpesthikaken sampun tambah saben taun, ewadene dereng wonten data resmi babagan perkembangan punika.[2]

Kehidupan Beragama[besut | besut sumber]

Tiyang Bauzi umumipun taksih nganut kepercayaan suku lan adat istiadat (animisme).[3]

Ananging sapunika antawis 65 % sampun mlebet Kristen minangka dampak pepanggihan kaliyan para misionaris saking Éropah, Amerika Serikat lan Papua. Wonten ing pagesangan sosial boten nganut model kapimpinan koléktif ingkang kiat saéngga saged dados panutan kangge anggota komunitas ingkang sanes. Nalika kadadosan konflik antawis suku, mesthi angel kapisahaken. Para ahli basa (linguist) ingkang ugi misionaris saking SIL kaliyan kabantu déning penterjemah lokal sampun ngupaya nyinaoni basa lan dialek suku Bauzi lumayan dangu. Upaya punika kasil kanthi penerbitan maneka literature babagan suku punika, kalebet penerjemahan Alkitab versi Perjanjian Baru ing basa Bauzi déning Dave lan Joice Briley. Saking cathetan SIL, basa Bauzi gadhah antawis 1350 tembung ingkang kaperang ing 3 dialek utama, inggih punika dialek Gesda Dae, Neao lan Aumenefa.[4]

Wiwit penemuan suku punika ing taun 1980-an, lajeng terus dipundidik déning para misionaris asing lan lokal ingkang kejawi kerja wartakaken injil Kristen, ugi nindakaken misi pelayanan sosial. Kasil saking pakaryan punika medalaken pambangunan gereja ingkang dipunginakaken minangka papan ngibadah, ugi dados papan pelayanan sosial kangge suku Bauzi. Pegawéan penginjilan lan pelayanan dhumateng suku punika ugi dipun tindakaken Yayasan Penginjilan lan Pelayanan Masirei (YPPM) antawis taun 1990-an. Tugas punika dipunlajengaken déning Yayasan Bethani. Wiwit taun 1995, Yayasan Amal Kasih ugi makarya nangani Suku Bauzi ing Kampung Fona dumugi sapunika.[3]

Cathetan Suku[besut | besut sumber]

Rujukan[besut | besut sumber]

  • little-dead-monster.co.cc
Sumber artikel punika saking kaca situs web: "https://jv.wikipedia.org/w/index.php?title=Wong_Bauzi&oldid=1074356"