Rosalyn Sussman Yalow

Saka Wikipédia Jawa, bauwarna mardika basa Jawa
Rosalyn Sussman Yalow
Rosalyn Yalow (1977)
Lair(1921-07-19)19 Juli 1921
New York City, New York, U.S.
PatiMèi 30, 2011(2011-05-30) (umur 89)[1]
The Bronx, New York, U.S.
BangsaAmerican
Alma materHunter College
University of Illinois at Urbana–Champaign
Kondhang ingRadioimmunoassay (RIA)
Bebungah1975 AMA Scientific Achievement Award
1976 Albert Lasker Award for Basic Medical Research
1977 Penghargaan Nobel dalam Fisiologi atau Kedhokteran
1988 National Medal of Science
Karièr ngèlmiah
BabaganMedical physics

Rosalyn Sussman Yalow (lair ing Bronx, New York, 19 Juli 1921; umur 102 taun) dados wanita ingkang angka kalih (2) ingkang menangaken Penghargaan Nobel ing babagan Kedhokteran, 1977. Kasilipun punika minangka pengembangan radioimmunoassay (RIA), sawijining "penerapan" fisika nuklir wonten ing babagan kadhokteran klinik ingkang mungkinaken para ilmuwan migunakaken "pelacak" radiotropi saperlu ngukur kadar atusan zat farmakologis lan biologis wonten ing salebeting getih lan cuwèran sanès ing badaning manungsa sarta wonten ing kéwan lan tetuwuhan. Piyambakipun manggihaken téknik punika wonten ing taun 1959 saperlu ngukur jumlah (kadar) insulin wonten ing getih tiyang diwasa "penderita" kencing manis.[2]

Nalika taun 1977 piyambakipun pikantuk Penghargaan Nobel ing babagan Fisiologi utawi Kedhokteran. Bebungah mau dipunpérang kaliyan Roger C.L. Guillemin lan Andrzej Schally.

Pagesangan Awal[besut | besut sumber]

Piyambakipun lair saking tiyang sepuh Yahudi, Clara lan Simon Sussman. Piyambakipun nglampahi pendidikan wonten ing sistem sekolah nagari New York City lan wonten ing Walton High School piyambakipun dipunsengkuyung déning guru kimianipun saperlu ngrembakakaken karier ing babagan sains. Piyambakipun lulus saking Hunter College lan pikantuk beasiswa pengajaran babagan fisika wonten ing University of Illinois. Wonten ing taun 1945, piyambakipun dados wanita ingkang angka kalih ingkang pikantuk gelar akademik Ph.D. ing babagan fisika saking Illinois.[3]

Piyambakipun kapanggih kaliyan A. Aaron Yalow, salah satunggaling mahasiswa fisika ingkang minangka putra saking satunggaling rabbi lan kekalihipun punika palakrama wonten ing tanggal 6 Juni 1943. Lajeng sesarengan kondur dhateng New York ing pundi kekalihipun pikantuk kalungguhan dhosèn ing babagan fisika, ingkang dipuncepeng dumugi taun 1950. Sadangunipun masa punika, kekalihipun gadhah kalih (2) putra, inggih punika Benjamin lan Elanna.

Karier lan Penghargaan[besut | besut sumber]

Sabibaripun PD II, Veterans Administration kapéncut nindakaken riset njajahi kamungkinan pangginaan zat radioaktif wonten ing diagnosis usada lan lelara. Veterans Administration Hospital wonten ing the Bronx dipunpilih minangka salah satunggaling papan ing pundi riset badhé dipuntindakaken. Dr. Yalow, ingkang minangka penasihat wonten ing "fasilitas" punika, dipunupah saperlu makarya wonten ing babagan fisika nuklir nalika taun 1947. Nalika taun 1950, piyambakipun dipunangkat minangka ketua fisikawan lan asisten layanan radioisotop griya sakit punika.

Dr. Yalow dipunangkat ing kedudukan ingkang langkung inggil lan tanggel jawab wonten ing griya sakit VA antawis taun-taun punika. Nalika taun 1976, piyambakipun dados wanita ingkang angka satunggal (1) ingkang menangaken Albert Lasker Award for Basic Medical Research. Antawis wonten ing taun-taun punika, Dr. Yalow dipunakoni amargi kasilipun kanthi sajumlah penghargaan ingkang "bergengsi" saking sajumlah organisasi, kelompok, universitas, lan sanès-sanèsipun.[4]

Warisan[besut | besut sumber]

Dr. Rosalyn Yalow ugi sadar ing peranipun minangka wanita lan satunggaling tiyang Yahudi. Sabibaripun Dr. Rosalyn Yalow pikantuk Bebungah Nobel, "Ladies Home Journal" gadhah pepénginan pikantuk penghargaan ingkang mligi kanggé wanita. Kanthi prasaja piyambakipun nampik tawaran punika, ingkang dipunanggepipun minangka "kutipan" "ghetto" amargi piyambakipun ngraos minangka wanita brilian, sanès ilmuwati brilian.[5]

Sadangu gesangipun ingkang ramé minangka satunggaling ilmuwati sarta istri lan ibu saking sawijining kulawarga, piyambakipun ngatur "menuanrumahi" serial drama 5 pérangan wonten ing pagesangan Marie Curie, kanggé Public Broadcasting Service ing taun 1976. Piyambakipun sampun nelasaken jam-jam ingkang dangu saben minggu wonten ing griya sakit VA. Lan lajeng wonten ing dhapur "kosyer"ipun saperlu nyamektakaken tetedhan kanggé kulawarganipun. Dr. Yalow nedahaken ènergi lan gregetipun saben-saben piyambakipun wonten ing pedamelanipun lan wonten ing kulawarganipun.

Dr. Rosalyn Yalow inggih punika rambu lan pemandu kanggé para wanita éném saperlu dumugi ing pangakon wonten ing gesangipun. Sadangu gesangipun piyambakipun sampun nedahaken bilih saben wanita gadhah hak saperlu pikantuk pedamelan ingkang misuwur kados ta gadhah kulawarga ingkang saé wonten ing gesangipun.

Cathetan suku[besut | besut sumber]

  1. Wigati: Cithakan iki ({{cite doi}}) wis lawas. Saperlu nyitir terbitan sarana doi:10.1038/474580a, anggonen waé {{cite journal}} kanthi wuwuhan |doi=10.1038/474580a.
  2. [1]
  3. [2]
  4. [3]
  5. "Archive copy". Diarsip saka sing asli ing 2013-05-30. Dibukak ing 2013-01-25.{{cite web}}: CS1 maint: archived copy as title (link)

Pranala njaba[besut | besut sumber]