Charles Louis Alphonse Laveran

Saka Wikipédia Jawa, bauwarna mardika basa Jawa
Charles Louis Alphonse Laveran
Lair(1845-06-18)18 Juni 1845
Pati18 Mèi 1922(1922-05-18) (umur 76)
Paris, Prancis
BangsaPrancis
Alma materUniversitas Strasbourg
Kondhang ingTrypanosomes, malaria
BebungahBebungah Nobel Fisiologi utawa Kedhokteran (1907)

Charles Louis Alphonse Laveran (lair ing Paris, Prancis, 18 Juni 1845 – pati ing Paris, Prancis, 18 Mèi 1922 ing umur 76 taun) inggih punika fisikawan, patolog, sarta parasitolog Prancis ingkang njelasaken babagan parasit jalaran malaria dhumateng manungsa. Amargi punika piyambakipun angsal Bebungah Nobel Fisiologi utawa Kedhokteran nalika taun 1907.[1]

Piyambakipun nimba kawruh wonten ing Fakultas Kedhokteran Strasbourg. Dados dhokter bedhah nalika Perang Perancis-Prusia (1870—1871), mraktèkaké sarta ngajaraké militèr pangobatan ngantos taun 1897, pinyambakipun naté dados anggota wonten ing Institut Pasteur, Paris. Salaminipun dados dhokter bedhah militèr ing Aljazair 1880, Laveran nemu jalaran malaria nalika ngotopsi para kurban malaria. Piyambakipun ningali organisme kausatif ingkang dados protozoa, protozoa punika dipunparingi nama Oscillaria malariae, nanging nama punika lajeng dipun-gantos Plasmodium.

Laveran maringi prabawa dhumateng pangembangan panelitian wonten ing ngèlmu kadhokteran tropis, piyambakipun naliti babagan tripanosomiasis, leishmaniasis, sarta lelara protozoa sanèsipun, piyambakipun tliti anggènipun naliti malaria. Ngawontenaken Laboratorium Penyakit Tropis ing Institut Pasteur (1907) sarta Société de Pathologie Exotique (1908).

Seratan Laveran ingkang jangkep punika Trypanosomes et trypanosomiasis (dipunserat kaliyan Felix Masnil; 1904); Traite des fievres palustres avec la description des microbes du paludisme (1884); sarta Traité des maladies et épidémies des armées (1875).

Ugi pirsani[besut | besut sumber]

Rujukan[besut | besut sumber]

  1. "Charles Louis Alphonse Laveran" (html). Dibukak ing 10 Januari 2012.

Pranala njawi[besut | besut sumber]

Cithakan:Penghargaan Nobel dalam Fisiologi atau Kedhokteran