Paul Greengard

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Paul Greengard
Lair (1925-12-11) 11 Dhésèmber 1925 (umur 93)
Kabangsan Amérika Sarékat
Babagan Ahli saraf
Institusi Rockefeller University
Misuwur amarga Sel saraf
Notable awards Penghargaan Nobel dalam Fisiologi atau Kedhokteran taun 2000

Paul Greengard (lair 11 Dhésèmber 1925; umur 93 taun) inggih punika salah satunggaling ahli saraf saking nagara Amérika Sarékat.

Piyambakipun miyos wonten ing kutha New York. Sadangunipun PD II, piyambakipun gadhah tuggas wonten ing Angkatan Laut Amérika Sarékat minangka salah satunggaling teknisi listrik wonten ing Institut Teknolgi Massachusetts ingkang makarya wonten ing sistem péngetan dhini kanggé "mendeteksi" pesawat-pesawat kamikaze Jepang. Sabibaripun perang, piyambakipun mlebet wonten ing Hamilton College lan lulus nalika taun 1948 kanthi gelar sarjana wonten ing babagan matematika lan fisika. Piyambakipun milih kanggé mendhet sarjana wonten ing babagan fisika amargi sapérangan ageng panalitn fisika pasca perang sami fokus wonten ing senjata nuklir, lan alih-alih kapénchut wonten ing biofisika. Piyambakipun miwiti studi sarjana wonten ing Johns Hopkins University ing laboratorium Haldan Keffer Hartline. Pikantuk ilham nalika kuliah Alan Hodgkin, Greengard wiwit makarya wonten ing babagan fungsi molekuler lan seluler neuron. Wonten ing taun 1953, Greengard pikantuk gelar PhD lan miwiti karya pascadhoktoral wonten ing University of London, Cambridge University, lan Universitas Amsterdam.[1]

Minangka profesor, piyambakipun sampun makarya wonten ing Albert Einstein College of Medicine, Vanderbilt University, Yale University, lan Rockefeller University.[2]

Panalitén Greengard ngutamakaken wonten ing prastawa wonten ing salebeting neuron ingkang dipunsebabaken déning neurotransmiter. Kanthi spésifik, Greengard lan kanca-kancanipun nliti solah tingkah kaskade duta kedua ingkang ngéwahi mlebetipun neurotransmiter wonten ing pencerap ing salebeting éwah-wahan tetep wonten ing. Wonten ing sarangkén eksperimen, Greengard lan kanca-kancanipun nedahaken bilih nalika berinteraksi wonten ing siji reseptor membran sel saking siji neuron, dopamin njalari tambahipun AMP siklik ing salebeting sel, ingkang wonten ing giliranipun ngaktifaken protéin kinase A, ingkang ngesangaken utawi mbrasta fungsi protéin sans lumantar reaksi fosforilasi. Protein ingkang dipunaktifaken fosforilasi punika ngéwahi DNA kanggé damel protéin énggal, mindhahaken langkung kathah reseptor ing sinaps (nambah sensitivitas neuron), utawi mindahkan saluran ion ing lumah sel (nambah eksitabilitas sel).[3]

Wonten ing taun 2000, Greengard, Arvid Carlsson, lan Eric Kandel dipunanugrahi Penghargaan Nobel ing babagan Fisiologi utawi Kedhokteran saking panemonipun babagan transduksi sinyal ing salebeting sistem syaraf.[4]

Cathetan suku[besut | besut sumber]