Robert G. Edwards

Saka Wikipédia Jawa, bauwarna bébas abasa Jawa
Robert G. Edwards
Lair (1925-09-27)27 Sèptèmber 1925
Manchester
Pati 10 April 2013(2013-04-10) (umur 87)
London
Kabangsan Inggris
Institusi University of Cambridge
Alma mater University of Wales, Bangor
University of Edinburgh
Misuwur amarga reproductive medicine
in-vitro fertilization
Notable awards Penghargaan Nobel Fisiologi atau Kedhokteran (2010)

Robert Geoffrey Edwards (lair ing Manchester, 27 Sèptèmber 1925 – pati ing London, 10 April 2013 ing yuswa 87 taun) ya iku sawijining ahli fisiologi warga-nagara Inggris kang nampaPenghargaan Nobel Kedhokteran taun 2010 bareng karo Patrick Steptoe kanggo penemuane ana ing babagan kesuburan in vitro kang dadi dhasar saka laire bayi tabung Louise Joy Brown.[1] Edwards nampa gelar dhoktor saka Edinburgh University, Sekotlan, ana ing taun 1955, lan tesise kang isiné " perkembangan embrio pada tikus".[1] Nalika taun 1958, dhèwèké kerja dadi staf ilmuwan National Institute Medical Research ana ing London lan miwiti nglakokaké riset ngenani prosès fertilisasi ana ing manungsa.[1] Banjur, dhèwèké kerja ana ing Cambridge nganti tekan dhèwèké pensiun.[1] Dia olèh gelar profesor emeritus (profesor kang pensiun) saka University of Cambridge.[1] Nalika taun 1969, kanggo pisanan Edwards bisa nglakokaké pembuahan sel telur manungsa ana ing cawan laboratorium, nanging sel iku ora urip kaya kang dipengenake.[1] Mula, dhèwèké duwé pikiran yèn sel telur luwih apik diumbarke mateng ana ing ovarium dhiseik sadurunge dipindahake menyang njaba kanggo dibuwahi.[2] Kancane, ginekolog Patrick Steptoe, ngembangaké teknik laparoskopi (operasi dengan sayatan kecil) kanggo pengamatan marang ovarium kanthi instrumen optik.[2] Steptoe migunakaké laparoskopi kanggo mindahake sel telur saka indung telur lan Edwards nglakokaké kultur sel lan uga nambahake sperma.[2] Kasile saka, sel telur bisa nyigar lan mbentuk embrio awal (ukuran 8 sel).[2] Embrio kang ukurane 8 sel iki kang dibalekake manèh menyang rahim wanita.[2]

Pranala njaba[besut | besut sumber]

Cathetan suku[besut | besut sumber]