Bernard Katz

Saka Wikipédia Jawa, bauwarna bébas abasa Jawa
Bernard Katz
Bernard Katz.jpg
Miyos (1911-03-26)26 Maret 1911
Leipzig, Germany.
Tilar donya 20 April 2003 (aged 92)
London, England.
Bidhang Neurophysiology
Lembaga University College London.
Sydney Hospital.
Lulusan saking University of Leipzig
Kaahlian Neurophysiology of the synapse
Notable awards Penghargaan Nobel dalam Fisiologi atau Kedhokteran (1970)

Sir Bernard Katz FRS (lair ing Leipzig, Jerman, 26 Maret 1911 – pati ing London, Britania Raya, 20 April 2003 ing yuswa 92 taun) inggih punika salah satunggaling biofisikawan Inggris ingkang miyos wonten ing nagara Jerman.[1]

Piyambakipun dipundidik wonten ing König-Albert-Gymnasium ing kutha kelairanipun antawis taun 1921-1929 lan terus sinau babagan kedhokteran wonten ing Universitas Leipzig. Piyambakipun pikantuk dhokter nalika taun 1934, lan mlajar nuju ing Britania Raya nalika wulan Februari 1935; bangkitipun Hitler sampun damel piyambakipun minangka campuran Yahudi Rusia kaancem. Piyambakipun terus makarya ing University College of London (UCL), wiwitanipun wonten ing ngandhap perwalian Archibald Vivian Hill.[2]

Piyambakipun mungkasaken PhD nalika taun 1938 lan menangaken Beasiswa Carnegie saperlu sinau kaliyan John Carew Eccles wonten ing Sydney Hospital, Australia. Piyambakipun lajeng dipunnaturalisasikaken nalika taun 1941 lan kagabung kaliyan Royal Australian Air Force nalika taun 1942. Piyambakipun nelasaken masa Perang Pasifik minangka perwira radar. Wonten ing taun 1946, piyambakipun kondur dhateng UCL minangka direktur asisten. Katz dipunangkat minangka guru besar wonten ing UCL nalika taun 1952 lan KaBag Biofisika; piyambakipun ugi dipuntunjuk ing Royal Society. Piyambakipun tetep minangka KaBag Biofisika dumugi taun 1978 nalika piyambakipun dados profesor emeritus.[3]

Panaliténipun manggihaken sipat sinaps ingkang sajatosipun, persimpangan ing pundi sel saraf ngirimaken sinyal satunggal dhumateng sanésipun lan tumrap jinis sel ingkang sanésipun ugi. Saking taun 1950-an, piyambakipun nyinaoni biokimia lan aksi asetilkolin, sawijining molekul sinyal ingkang kaliyan punika sinaps ngubungaken "saraf motorik" kaliyan otot saperlu ngrangsang kontraksi. Katz menangaken Penghargaan Nobel ing bidang Fisiologi utawi Kedhokteran kanggé panemonipun bilih pembebasan neurotransmiter ing sinaps ingkang sifat "kuantal"—inggih punika wonten ing saben sinaps tartamtu jumlah neurotransmiter ingkang dipunbebasaken boten naté kirang saking jumlah tartamtu, lan menawi langkung mesthi minangka "perkalian" bilangan integral wonten ing jumlah punika.[3]

Karya Katz sampun "memacu" prabawa studi organofosfat lan organoklorin, basis studi pascaperang kanggé perantara saraf lan pestisida, kados ingkang dipuntemtokaken bilih siklus enzim kompleks gampil sanget kaganggu.[4]

Piyambakipun nampi Hadhiah Nobel Fisiologi utawi Kedhokteran taun 1970 sesarengan kaliyan Julius Axelrod lan Ulf Svante von Euler saking karyanipun babagan biokimia saraf. Piyambakipun dipunanugrahi gelar kebangsawanan wonten ing taun 1970.

Katz séda nalika yuswanipun sampun ngancik angka 92.

Cathetan Suku[besut | besut sumber]

  1. ^ [1]
  2. ^ [2]
  3. ^ a b [3]
  4. ^ [4]

Pranala Njaba[besut | besut sumber]



Sumber artikel punika saking kaca situs web: "https://jv.wikipedia.org/w/index.php?title=Bernard_Katz&oldid=1098465"