Michel Platini

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Michel Platini
Michel Platini in Wroclaw by Klearchos Kapoutsis tight crop.jpg
Informasi pribadi
Jeneng pepak Michel François Platini
Tanggal lair 21 Juni 1955 (umur 59)
Papan lair Jœuf, Prancis
Dhuwur 1.78 m (5 ft 10 in)
Posisi pamain Gelandhang (bal-balan)
Karir remaja
1966–1972
AS Joeuf
Karir senior*
Taun Tim Apps (Gls)
1972–1979
1979–1982
1982–1987
AS Nancy
Saint-Étienne
Juventus
Karier
181 0(98)
104 0(58)
147 0(68)
432 (224)
Tim nasional
1976–1987 Prancis 072 0(41)
Manajer tim
1988–1992 Prancis
* Senior club appearances and goals counted for the domestic league only.
† Appearances (Goals).


Michel Platini (lair ing Jœuf, Prancis, 21 Juni 1955; umur 59 taun) iku salah siji tokoh kang misuwur ing donya olahraga, khususé ing bidhang bal-balan saka Prancis.[1] Sasuwéné urip ing bal-balan, Platini kacathet ing tim AS Nancy-Lorraine (1973-1979), AS Saint-Etienne (1979-82), lan Juventus (1982-1987).[2] Ing Juventus, Platini ngasilaké juwara ing Liga Champions nalika taun 1985. Platini sasuwéné urip ing donya bal-balan piyambaké wis main kaping 501, lan nggawé 265 gol.[2]

Platini uga tau éntuk bebungah minangka pemain bal-balan paling apik ing Éropa (Ballon d'Or) kaping telu, yaiku ing taun 1983, 1984, lan 1985.[1]

Michel Platini dadi pemain nasional ing Piala Donya FIFA taun 1978, 1982 lan 1986.[1] Ing taun 1982 lan 1986 Prancis bisa nembus semifinal Piala Donya FIFA.[1] Platini main ing posisi pemain tengah. Piyambaké karo Alain Giresse, Luis Fernandez lan Jean Tigana bebarengan nyengkuyung ing lapangan tengah tim nasional Prancis ing tahun 1980-an.[2]

Piyambaké uga dadi pemain nasional Prancis kang menangké Piyala Éropa 1984. Platini uga dadi pemain kang nggawé gol paling akèh lan kapilih dadi pemain paling apik ing kajuwaraan iku[1]

Senajan dadi pemain tengah Michel Platini isih bisa gawé gol. Ing taun 1984 piyambaké malah dadi top score (pemain kang nyétak gol paling akèh) ing Piyala Eropa 1984.[2] Platini saliyané dadi pemain tengah kang apik, piyambaké uga misuwur dadi juru tendhangan bébas. Michel Platini tau nyekel rékor pemain kang ngegolaké paling akèh ing tim nasional Prancis yaiku 41 gol nganti tekan 2007. Banjur rekor iku direbut dening Thierry Henry.[2]


Platini dadi pelatih Tim Nasional Prancis awit tahun 1988 tekan 1992. Wiwit taun 1992 tekan 1998, Platini dadi co-presidhèn Piala Donya FIFA Komite Panyelenggara kanggo Piala Donya FIFA 1998 ing Prancis.[1] Saliyané iku uga dadi wakil-presidhèn Fèderasi Sépakbola Prancis (FFF) wiwit taun 2000.[1]

Saiki Michel Platini njabat dadi wakil Presidhèn Federasi Bal-balan Prancis sarta dadi Presidhèn Uni Bal-balan Eropah (UEFA).[1][3]

Wiwitane karir[sunting | sunting sumber]

Michel Platini lair ing Joeuf, Lorraine, Prancis. Platini putrané Aldo lan Anna (Piccinelli née), katurunan Italia.[4] Kaluarga Anna asalé saka propinsi Belluno, déné bapaké Aldo, Francesco Platini, iku imigran saka Agrate Conturbia, ing propinsi Novara, lan netep ing Prancis sabubaré Perang Donya I.[4] Aldo iku pemain bal kang profesional lan tau dadi direktur ing AS Nancy, tim kang dibéla Platini nalika miwiti pagawéyan ing bal-balan.[4]

Michel Platini miwiti urip ing bal-bala awit umur 16 taun, ing turnamèn Coupe Gambardella ing tim junior Jœuf mungsuh tim junior Metz.[4] Saka kono, Platini éntuk undhangan saka tim Metz, nanging nalika iku sikilé lara.[4] Amarga pelatih Metz kang nalika iku ngundang Platini pindhah saka timé, banjur Platini tetep mbela Jœuf ing liga dhaérahé. Sawisé iku Platini ngajukaké lamaran main ing Metz manèh, ing tès keséhatan dhèwèké semaput. Platini divonis déning dhokter dhèwèké nduwèni lara napas lan lemah jantung.[4] Banjur Platini mèlu gabung ing tim cadhangan Nancy kang nalika iku dilatih déning bapaké ing sasi September 1972. Ing kono Platini éntuk kenalan kiper Jean-Michel Moutier.[4]

Karir bal-balan[sunting | sunting sumber]

Nancy[sunting | sunting sumber]

Michel Platini miwiti karir ing tim cadhangan Nancy kanthi apik. Piyambake gawé telung gol utawa asring diarani hat-trick ing pertandhingan nalika mungsuh tim cadhangan Wittelsheim. Saka iku Platini banjur diusulké mlebu tim inti. Wiwitané Platini dadi pemain cadhangan mungsuh Valenciennes. Nalika iku Platini diidoni lan kaantem nalika ana gelut ing tribun. Banjur Platini mlebu ing tim cadhangan manèh, nanging dhèwèké kena lara ing pergelangan sikil.

Ing sasi Maret 1974, Platini durung bisa nudhuhake kaprigelané ing lapangan, ditambah manèh dhèwèké lara fraktur ing lengen kiwané, nalika mungsuh OGC Nice. Awit saka iku Platini ora bisa mbéla Nancy ing sisa pertandhingan liga Prancis. Ing taun kasebut Nancy mudhun ing Ligue 1. Ing taun sabnajure Nancy munggah maneh ing divisi siji Liga Prancis kanthi gampang. Ing kono Platini dadi pemain kang penting. Platini nyetak 17 gol, lan akèh-akèhe digawé saka tendhangan bébas, awit saka kuwi Platini dadi juru tendhangan bébas.

Saint-Étienne, kang dadi pimpinan klasemen Liga Prancis nalika iku kasingkir saka Piala Prancis nalika mungsuh Nancy. Ing pertandhingan kasebut Platini nyétak rong gol saka tendhangan bébas. Platini latihan tendhangan bebas karo Moutier kipere Nancy, lan nggunakaké pager kang kaya témbok.

Kanthi mbaliké Nancy ing Ligue 1, Platini uga dines ing militèr. Nanging Platini tetep ngupaya bisa mbéla Nancy ing Ligue 1. Nalika mungsuh Laval, Platini hat-trick (ngegolake telu), nanging ing kono Platini cidra ing dhengkul. Miturut dhokter Platini wis angèl mari lan ora bisa bal-balan manèh. Nanging rong minggu saka laarané iku Platini bisa mèlu gabung manèh ing Nancy kanggo Piala Prancis ing semi-final mungsuh Marseille ing Parc des Princes.

Sawisé mèlu Olimpiyade Montreal taun 1976, Platini nandhatangani kontrak rong taun kanro Nancy, iku kontrak propesional kang pisanan.

Ing taun 1978, Platini kasil nggawa Nancy dadi juwara Piyala Prancis 1978. Ing final Nancy mungsuh Nice. Ing kono Platini ngegolké siji. Presidhèn Valéry Giscard d'Estaing menehi piyala. Rong minggu saka final iku, Platini lan rombongan budhal ing Piala Donya FIFA.

AS St. Etienne[sunting | sunting sumber]

Kurang luwih 7 tahun Platini ing AS Nancy, Platini pindhah ing AS St. Etienne (1979-1982). Ing AS St. Etienne, piyambaké main kaping 145 lan gawé 82 gol. Nalika iku Platini umuré isih 19 taun, nanging amarga anggoné main ing tengah lapangan iku apik, mula bisa gawé tim-tim Eropa kepincut. Tim gedhé kang kepincut kayata Valencia lan Inter Milan kepincut banget marang Platini. Malahan Platini wis tandha tangan pra-kontrak karo Inter Milan. Nanging amerga ana règulasi kang gawé wates pindhahé pemain, Platini banjur ora sida pindhah Inter Milan, lan tetep ing AS St. Etienne. Sawisé telung taun ing AS St. Etienne, Platini pindhah ing Juventus, kang dadi tim kang pungkasan kang dibéla.

Platini lan Juventus[sunting | sunting sumber]

Platini nalika ing Juventus.

Ing Juventus Platini menangi kabèh apa sing dikepingini. Platini ing Juventus wiwit 1982 nganti 1987. Ing Juventus Platini main kaping 224 lan gawé 104 gol. Ing Italia Platini menangké rong Scudetto, siji Coppa Italia, lan Liga Champions UEFA, sarta siji Piala Super Eropa, siji Piala Interkontinental lan siji Piala Cup Winners. Platini ora mung ngagungaké jenengé tim Juventus nalika iku.

Ing Liga Italia Platini uga gawé prèstasi dhéwé, yaiku dadi capocannonieri ing serie A (pemain kang gawé gol paling akèh) telung taun yaiku ing taun 1983 kanthi 16 gol, 1984 kanthi 20 gol, lan ing taun 1985 18 gol. Awit saka iku Platini olèh Ballon d’Or kaping telu ing taun 1983, 1984, lan 1985. Sanajan Platini iku mung pemain tengah, nanging piyambaké bisa gawé gol kang akèh saka tendhangan bèbas.

Platini lan Tragedi Heysel (29 Mei 1985)[sunting | sunting sumber]

Tragedi Heysel kang kadadéyan ing tanggal 29 Mei 1985 ora bakal bisa dilalékaké déning para suporter Juventus lam Livepol. Final Piala Champions, nalika iku antarané Juventus lan Liverpool, ing Stadion Heysel, Brussels, Belgia. Kacathet ana 39 wong kang mati lan 600 wong kang lara, amerga ketiban témbok kang ambruk.

Kedadéyan iku kawiwitan saka para suporter kang padha écé-écénan sadurungé bal-balan diwiwiti. Hooligan Liverpool nyerbu suporter Juventus. Suporter Juventus ora nglawan. Banjur suporter Juventus mlayu ing témbok kang dadi wates. Amerga saking akèhé suporter kang mara menyang tembok kasebut, ndadèkaké tembok kasebut ambruk ngebruki para suporter. Ana 32 suporter Juventus, 4 warga negara Belgia, 2 warga negara Prancis lan 1 warga negara Irlandia, katiwasan ing papan panggonan iku.

Bal-balan iku tetep diterusaké sanajan ana karusuhan. Suporter Juventus uga ana sing nglawan. Bal-balan kasebut dimenangaké Juventus 1-0 lan gol iku dicithak déning Platini saka sépakan pénalti. Saka kadadéyan kasebut, tanggal 30 Mei 1985 UEFA kang diwakili déning penyidhik resminé, Gunter Schneider, njléntrèhaké yèn sing salah suporter Liverpool. Saka prastawa iku tim-tim saka Inggris ora dièntukaké main bal-balan suwéné 5 tahun.

Platini Gantung Sepatu[sunting | sunting sumber]

Platini rumangsa awaké wis rada tuwa lan nduwèni niyat pènsiun saka bal-balan nalika mur 32 taun. Ing taun 19861987, Platini mutusaké pènsiun saka bal-balan. Apa kang ditindakaké Platini akèh nemoni pandangon, amarga ing umur semono Platini anggoné bal-balan isih lincah lan isih apik permainané, lan isih bisa main ing pirang-pirang musim manèh.[5]

Dina kang nrenyuhaké. Salah siji anugrah saking Gusti marang kita kabèh, teka lan lunga. Platini bakal dikenang minangka pemain kang kondhang ing Juvèntus. ujare Gianni Agnelli (Juvèntus).[5]

Sawisé Platini pènsiun, piyambaké ora bisa adoh saka donyané bal-balan. Platini tau dadi timnas Prancis nalika taun 1988 tekan 1992. Nalika nglatih timnas Prancis, Platini kasil nggawa timnas ora kalah ing 19 pertandhingan. [5]

Sawisé iku, Platini dadi Ketuwa Panitiya Pelaksana ing Piala Donya FIFA 1998 ing Prancis. Kasuksésané Platini, nggawa awaké dadi Prèsidhén UEFA kaping pindho. Ingkang pisanan kapilih dadi Prèsidhén UEFA nalika taun 2007. Nalika iku Platini saingan karo Prèsidhén UEFA sadurungé Lennart Johansson. Platini menang tipis saka pilihan iku. Platini menang 27 suwara, déné Johansson mung 23 swara. Nanging ing taun 2011, Paltini kepilih manèh amarga ora ana saingan. Malahan pemain bal saka Brazil, Pele, njaluk Platini dadi Prèsidhén FIFA ing taun 2015. [5]

Antarané Platini lan Juvèntus isih raket banget hubungané. Platini terus mènèhi dhukungan marang Juvèntus supaya dadi tim kang gedhé.[5]

Karir dadi pelatih[sunting | sunting sumber]

Platini nglatih pisanan nalika nglatih tim nasional Prancis. Ing tanggal 1 November 1988, Platini resmi nggantèkaké Henri Michel, kang kapeksa mundur amerga imbang mungsuh Siprus (1-1) ing kuwalifikasi Piala Donya 1990.[5] Lan Prancis ora bisa melu ing Piala Donya. Banjur tujuwan pelatih ngalih ing kuwalifikasi Piala Éropa taun 1992 ing Swedia. Ing kono Prancis kasil, lan lolos penyisihan. Pertandhingan kang penting yaiku nalika mungsuh Spanyol lan Cekoslovakia. Nalika dadi pelatih, Platini gawé rekor 19 pertandingan ora kalah. Sawisé iku timnas Prancis diunggulaké. Nanging saya suwe timnas Prancis anggone main saya èlèk, banjur Platini mundur saka kepelatihan.[5]

Bebungah[sunting | sunting sumber]

Michel Platini wis akèh anggoné èntuk bebungah. Bebungah bareng tim, bebungah bareng tim nasional, uga bebungah kanggo awaké dhéwé. Ing taun 1984 Michel Platini èntuk bebungah minanggka pemain kang nyithak gol paling akèh ing Piala Eropa kanthi nyithak sangang gol.[2]

Ing tim nasional Platini nggawa Prancis ing Piala Ndonya FIFA kaping telu, yaiku ing taun 1978, 1982, lan 1986. Ing rong taun kang pungkasan tim nasional Prancis tekan semi final. Platini kaping 72 mbéla tim nasional Prancis, kaping 49 dadi kaptèn, lan ngegolaké kaping 41.[2]

Sasuwéné bal-balan, Michel Platini tau main ing telung tim, yaiku AS Nancy-Lorraine (1973-1979), AS Saint-Etienne (1979-82) ing Liga Prancis, lan Juventus (1982-1987) ing Liga Italia. Sasuwéné iku dhéwéké main kaping 501 lan gawé 265 gol. Platini menangaké Ballon d'Or (bebungah pemain paling apik ing Eropa) kaping telu yaiku ing taun 1983, 1984, lan 1985.

Platini uga nglatih tim nasional Prancis ing taun 1988-1992. Sawisé iku banjur dhéwéké dadi pegawé administrator ing babagan bal-balan.

Saka taun 1992 nganti taun 1998, Platini dadi co-prèsidhén Piala Donya FIFA Komité Panyelenggara kanggo Piala Donya 1998 ing Prancis, lan wakil-prèsidhén Fèderasi Bal-balan Prancis (FFF) saka taun 2000.[1]

Ing FIFA, Michel Platini awit taun 2002 dadi anggota Komité Eksekutif FIFA, ketuwa Komité Pembangunan Teknis, wakil ketuwa Komité Bal-balan lan wakil ketuwa saka proyek GOAL.[1] Platini iku anggota Piala Donya FIFA Komité Penyelenggara kanggo Piala Donya FIFA 2006 ing Jerman.[1]

Saka taun 1988 tekan 1990, Michel Platini dadi anggota Komité Teknis Pembangunan UEFA. Saka taun 2002, Platini dadi anggota saka Komité Èksekutif UEFA, lan makili Komité Èksekutif ing Komité Tèknis Pembangunan UEFA. Platini uga nduwèni tugas ing klompok kerja UEFA ing tim lan liga.[1]

Michel Platini kapilih minangka prèsidhén kaping enem ing Kongrés UEFA kang kaping XXXI ing Dusseldorf nalika tanggal 26 Januari 2007, lan kapilih manèh kanthi aklamasi kanggo masa jabatan kaping papat kang kapindho ing Kongrès UEFA kaping XXXV UEFA kang dianakaké ing Kutha Paris tanggal 22 Maret 2011. Platini uga dadi wakil prèsidén FIFA.[1]

Bebungah kang ditampa Platini[sunting | sunting sumber]

  1. AS Nancy-Lorraine
  2. French Cup winner: 1978
  3. Division 2 champion: 1975

Ing AS Saint-Étienne[sunting | sunting sumber]

  1. French champion: 1981

Ing Juventus[sunting | sunting sumber]

  1. European Champion Clubs' Cup winner: 1985
  2. UEFA Cup Winners' Cup winner: 1984
  3. European/South American Cup winner: 1985
  4. UEFA Super Cup winner: 1984
  5. Italian champion: 1984, 1986
  6. Italian Cup winner: 1983
  7. FIFA Club Mundialito: 1983
  8. Serie A top scorer: 1983, 1984, 1985
  9. European Champion Clubs' Cup top scorer: 1985 (7 gol)

Ing Tim Nasional Prancis[sunting | sunting sumber]

  1. Capped 72 times, Michel Platini was France captain suwéné 49 pertandhingan wiwit taun 1979 nganti taun 1987
  2. UEFA European Championship winner: 1984
  3. UEFA European Championship top scorer: 1984 (9 gol)
  4. Artemio Franchi Trophy winner: 1985

Bebungah liya[sunting | sunting sumber]

  1. Ballon d'Or: 1983, 1984, 1985
  2. Onze d'Or: 1983, 1984, 1985
  3. Guerin d'Oro: 1984
  4. Best player in the UEFA European Championship: 1984
  5. Best player in the European/South American Cup: 1985
  6. Best player, FIFA Club Mundialito: 1983
  7. World Soccer World Player of the Year: 1984, 1985
  8. Chevron Award for goals-to-games ratio: 1983, 1985
  9. Best player, English Football League Centenary Silver Trophy: 1987
  10. World Soccer World Coach of the Year: 1991
  11. El País World Coach of the Year: 1991

Pranala jaba[sunting | sunting sumber]

Cathetan sikil[sunting | sunting sumber]

  1. ^ a b c d e f g h i j k l m (en)uefa.com
  2. ^ a b c d e f g (en)www.planetworldcup.com
  3. ^ (id)Michel Platini, Juventus juara Liga Champions tergantung mentalitas (diundhuh tanggal 1 April 2013)
  4. ^ a b c d e f g (it)buon compleanno monsieur calcio
  5. ^ a b c d e f g (id)Michel Platini sang Juara Sejati Eropa (diundhuh tanggal 26 Maret 2013)


Sumber artikel punika saking kaca situs web: "http://jv.wikipedia.org/w/index.php?title=Michel_Platini&oldid=859598"