David Beckham

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
David Beckham
David Beckham 2010 LA Galaxy.jpg
Beckham nalika main ing Los Angeles Galaxy
Informasi pribadi
Jeneng pepak David Robert Joseph Beckham
Tanggal lair 2 Mei 1975 (umur 39)
Papan lair Leytonstone, London, Inggris
Dhuwur 1.83 m (6 ft 0 in)[1]
Posisi pamain Sayap Kanan
Gelandang Tengah
Informasi klub
Klub saiki AC Milan
Nomer 32
Karir remaja
1991–1993 Manchester United
Karir senior*
Taun Tim Apps (Gls)
1993–2003
1995
2003–2007
2007–
2008-
Manchester United
Preston North End (dipinjamkan)
Real Madrid
Los Angeles Galaxy
AC Milan (dipinjamankan)
265 (61)
5 (2)
116 (13)
5 (1)
Tim nasional
1994–1996
1996–
Inggris U21
Inggris
9 (0)
107 (17)
* Senior club appearances and goals counted for the domestic league only and correct as of 22:12, 26 Oktober 2008 (UTC).

† Appearances (Goals).

‡ National team caps and goals correct as of 12:00, 22 Oktober 2008 (UTC)


David Beckham ingkang ngadhahi nama jangkep David Robert Joseph Beckham (lair ing Leytonstone, London, 2 Mei 1975; umur 39 taun) inggih menika satunggal pemain pemain bal-balan Inggris.[2] Wiwit taun 1 Juli 2007 Beckham main wonten LA Galaxy ing Major League Soccer Amerika Serikat.[3] Sakderengipun wonten ing LA Galaxy Beckham main wonten ing tim Manchester United lan Real Madrid.[4] Beckham miwiti karier bal-balane wonten ing akademi bal-balan kagunganipun Manchester United.[3] Beckham gadhah kemampuan ingkang sae babagan umpan silang lan tendangan bebas melengkung.[4] Kemampuan ingkang sami kalihan kancanipun wonten AC Milan, Andrea Pirlo.[4]Garwanipun Victoria Beckham, minangka mantan personil grup musik Spice Girls.[5]

Karier[sunting | sunting sumber]

Wonten ing 1994/1995 David Beckham mlebet ing skuad senior Manchester United.[6] Mlebetipun Beckhan wonten ing tim senior angsal tentangan saking kathah pihak.[6] Tentangan-tentangan menika amarga nalika jaman semanten yuswanipun Beckham taksih enem sanget.[6] Ananging wonten ing pungkasan musim, Beckham saged mbuktikaken menawi pilihan pelatihipun inggih menika Sir Alex Ferguson boten lepat.[6] Beckham lan Manchester United saged menangaken liga inggris lan FA Cup. Sasi Agustus 1996 David Beckham damel gol ingkang spektakuler tumuju gawangipun Wimbledon ingkang nalika semanten dipunjagi dening Neil Sullivan.[6] Beckham damel gol ingkang jarakipun saking tengah lapangan. Beckham nglakokaken debutipun kangge tim nasional Inggris nalika tanggal 1 September 1996 wonten ing pertandingan kualifikasi Piala Dunia ngadepi Moldova.[6] Wonten Piala Dunia 1998, Beckham boten main wonten ing kalih pertandingan awal ananging main wonten ing pertandingan kaping tiga nalika Inggris ngadepi Kolombia lan Beckham saged damel 1 gol wonten ing pertandingan menika.[6] Nalika nglawan Argentina Beckham angsal kartu abrit saksampunipun nendang Diego Simeone kanthi sengaja.[6] Pertandingan menika dipunmenangaken Argentina ngangge adu penalti.[6] Masyarakat Inggris nganggep kegagalan Inggris menangaken Piala Dunia dipunsebabaken dening Beckham.[3]

Ing taun 1998 utawi1999, Manchester United saged ngraih tiga gelar: Premiership, FA Cup, lan Liga Champions.[2] Ngantos gelar Liga Champions saged dipunraih kanthi spektakuler.[5] Wonten ing pertandingan final Liga Champions, Manchester United kalah 0-1 ngantos menit ke-89.[2] Teddy Sheringham sasampunipun saged kasil manfaataken umpan saking tendanganipun penjuru Beckham.[2] Kirang langkung 30 detik sasampunipun kick-off, Manchester United pikanthuk tendangan saking penjuru malih.[2] David Beckham ingkang mendhet tendangan sudut lan umpanipun Beckham saged dipunmanfaataken Ole Gunnar Solskjær dados gol.[2] Beckham dados kapten tim inggris nalika tanggal 15 November 2000 wonten ing kualifikasi Piala Dunia.[2] Beckham uga dadi kapten nalika nglawan Jerman wonten ing Muenchen.[4] Nalika taun 2000 Beckham dados BBC Sports Personality of the Year lan dados nomer 2 Pemain Terbaik Dunia, namung kalah saking Luis Figo.[4]

Tanggal 10 April 2002 piyambakipun gerah metatarsal sasampunipun dipuntekel pemain Deportivo La Coruna, Aldo Duscher.[5] Beckham divonis boten saged main malih ngantos akhir musim, Prakawis menika gawe publik Inggris kawatir, amarga wekdal menika nembe wonten ing puncak penampilanipun lan dipunkhawatiraken Beckham boten saged main ing Piala Dunia. [6]

Wonten ing Piala Dunia 2002, piyambakipun main wonten ing sedaya pertandingan.[6] Beckham uga damel gol ing gawangipun Argentina ngangge tendangan penalti, uga bales dendam dhumateng Argentina.[6] Amargi gol Beckham, Argentina saged sumingkir saking Piala Dunia 2002.[6] Langkahipun Inggris mandheg ing babak 8 sasampunipun kalah 2-1 kaliyan Brasil.[6]

Ing taun 2002 hubunganipun Beckham kaliyan pelatihipun Sir Alex Ferguson dados boten sae sasampunipun Ferguson ngamuk nalika Manchester United kalah saking Arsenal.[6]

Tanggal 12 Juni 2002 Beckham pikantuk gelar OBE saking Ratu Inggris.[6] OBE menika singkatan saking order of the british empire.[6]

Real Madrid, Euro 2004, LA Galaxy[sunting | sunting sumber]

Taun 2003/2004 Beckham dipunsadé ing Réal Madrid kanthi rega 35 Yuta Euro.[6] Ing mrika piyambakipun ngagem kaos nomor 23.[6] Wonten Réal Madrid Beckham kanthi cepat dados idola penggemar Réal Madrid. [5]Ing Euro 2004 piyambakipun main ing kabeh pertandingan, nanging damel kuciwa lan boten kasil mengeksekusi penalti kang jumlahipun 2, inggih menika nalika ngadepi Prancis ing penyisihan grup lan ing babak 8 besar nalika menghadapi Portugal nganggé adu penalti.[6][5]

11 Januari 2007, Beckham nyaguhi kontrak lima taun ingkang dipuntawakaké klub Amerika Serikat LA Galaxy lan badhé gabung ing wulan Agustus sasampunipun kontrakipun ing Madrid sampun rampung. [5]Amargi legawa lan kersa usaha nampilaken kang saé sanged,piyambakipun balik malih dados starter sasampunipun naté dipunbuang dening Capello.[5] Pelatih Steve Mc Claren balik nimbali malih supados gabung ing skuad tim nasional.[5] Amargi saged main kanthi saé, Beckham kasil mboyong Réal Madrid dados juara La Liga 2006/2007.[5]

Beckham ing Milan[sunting | sunting sumber]

Tanggal 22 Oktober 2008, AC Milan ngumumaken kepengin supados Beckham gabung malih ing wulan Januari 2009.[7] Nanging Beckham boten badhè nilaraken MLS lan badhé balik ing Galaxy nalika awal kompetisi MLS 2009.[7] Tanggal 30 Oktober 2008, Milan saged ngampil Beckham lan Beckham bakal gabung kaliyan tim ing tanggal 7 Maret 2009.[7]

Piala Dunia 2006[sunting | sunting sumber]

Wonten piala dunia 2006, Inggris mbekta kathah pemain ném ingkang potensial.[7] Ing babak penyisihan, grup Inggris menang 1-0 kaliyan Paraguay, salajengipun menang 2-0 kaliyan Trinidad lan Tobago kanthi gol Peter Crouch ingkang dipunmanfaataken dening Beckham lan maringi umpan sanesipun kanggé Steven Gerrard, sarta main sami 2-2 kaliyan Swedia.[7] Ing babak 16 besar piyambakipun dados pahlawan sasampunipun dados tiyang ingkang saged ngasilaken gol ing pertandingan kaliyan Ekuador nganggéé tendangan bebas.[7] Sadéréngipun pertandingan, Beckham gerah lan sasampunipun saged nyetak gol piyambakipun kenging déhidrasi lan muntah ing pinggir lapangan.[7] Inggris kalah kaliyan Portugal kanthi adu penalti 3-1.[7] Sedinten sasampunipun dipunsingkiraken, Beckham pensiun saking jabatanipun dados kapten timnas Inggris, nanging taksih pengin main kanggé timnas Inggris.[7] Pelatih Steve McClaren ingkang dipungantos damelaket Beckham boten dipuntimbali malih ing timnas ngantos wulan Méi 2007.[7]

Beckham ing Sabendinané[sunting | sunting sumber]

Taun 1997 Beckham duwé hubungan kaliyan Victoria Adams, ingkang misuwur dados anggota band Spicé Girls.[5] Taun 1999 piyambakipun palakrama kaliyan Victoria wonten ing Irlandia nalika tanggal 4 Juli 1999.[5] Beckham gadhah 3 putra jaler ing dipunparingi nama Brokklyn Joséph (lair 4 Maret 1999), Romeo Jamés (lair 1 September 2002), lan Cruz David (20 Februari 2005}.[5] Piyambakipun tumbas omah.[5] Amargi omah menika saé sanget, dados misuwur kanthi nama Beckingham Palacé lan dados anekdot saking Buckingham Palace, ingkang wonten lebetipun omah menika wonten tiyang ingkang dipunutus kanggé ngurusi omah menika cacahé kirang langkung 400 tiyang.[5] Januari 2005, Beckham dados ikon organisasi anak dunia, UNICEF.[5] Piyambakipun ugi gadhah kanca artis-artis ingkang misuwur, ingggih menika Robbié Williams, Snoop Dogg, lan Tom Cruise.[5]

Pranala njawi[sunting | sunting sumber]

Cathetan Suku[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=David_Beckham&oldid=870409"