Franz Beckenbauer
 |
|||
| Informasi pribadi | |||
|---|---|---|---|
| Jeneng pepak | Franz Anton Beckenbauer | ||
| Tanggal lair | 11 September 1945 | ||
| Papan lair | München, Jerman | ||
| Posisi pamain | Sweeper/Libero | ||
| Informasi klub | |||
| Klub saiki | Pensiun | ||
| Karir remaja | |||
| 1959-1964 | Bayern München | ||
| Karir senior* | |||
| Taun | Tim | Apps (Gls)† | |
| 1965-77 1977-80+1983 1980-82 |
Bayern München New York Cosmos Hamburger SV |
396 (44) 105 (19) 28 (0) |
|
| Tim nasional | |||
| 1965-77 | Jerman Barat | 103 (14) | |
| Manajer tim | |||
| 1984-1990 1994+1996 |
Jerman Barat Bayern München |
||
| * Senior club appearances and goals counted for the domestic league only. † Appearances (Goals). |
|||
Franz Anton Beckenbauer (lair ing Muenchen, Jerman, 11 September 1945; umur 67 taun) inggih menika pemain bal-balan saking negari Jerman, pelatih tim nasional Jerman, sarta tokoh organisasi bal-balan Eropa.[1][2] Franz angsal julukan Der Kaiser ("Sang Kaisar") margi gayanipun nalika main bal ingkang sae lan anggun, sae anggenipun mimpin tim, lan dominasinipun ing lapangan minangka libero.[1] Franz dados angguta tim nasional Jerman Kilen wiwit pungkasan taun 1960-an ngantos pungkasan taun 1970-an.[2] Nalika Jerman Kilen dados juara Piala Dunia FIFA taun 1974 panjenenganipun minangka kapten tim.[2] Franz lajeng dados pelatih tim nasional sasampunipun pensiun main bal.[2] Franz nglatih tim nasional Jerman lan kasil pikantuk juara Piala Dunia FIFA taun 1990 ing Italia.[2]
Bab lan Paragraf |
Wekdal alitipun [sunting]
Beckenbauer lair nalika rampungipun Perang Donya II, putra nomer kalih saking Franz Beckenbauer, Sr. lan Antonie. Beckenbauer.[1][3] Beckenbauer ageng ing wewengkon Giesing lan wiwit latian bal ing klub lokal SC Munich 06 nalika umur 13 taun.[3] Beckenbauer nggadhahi posisi minangka pangajeng utawi striker, Beckenbauer nggadhahi pemain bal favorit saking tim nasional Jerman Kilen, Fritz Walter lan ndhukung klub 1860 Munich.[3] Nalika Beckenbauer langkung milih ndherek klub Bayern München, mengsahipun klub 1860 Munich, amargi nalika wonten turnamen junior, klubipun Beckenbauer kepanggih kaliyan 1860 Munich.[3] Nalika semanten klub 1860 Munich main balipun langkung atos, saengga Beckenbauer langkung milih klub Bayern München.[3]
Karier klub [sunting]
Bayern München [sunting]
Franz Beckenbauer nglaksanakaken debut kaliyan klub Bayern nalika wonten liga regional kidul mengsah klub Stuttgarter Kickers tanggal 6 Juni 1964.[3] Musim ingkang pisanan kaliyan klub Bayern Munich, Beckenbauer main cacah 31 adu tandhing kanthi nglebetaken 16 gol.[3] Beckenbauer saged main bal kanthi sae lan impresif saengga saged nyurung tim Bayern Munchen saged menangaken Piala Jerman lan angsal Piala Winners taun 1968/1969.[3]
