Patrick Vieira

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Patrick Vieira
Patrick Vieira
Informasi pribadi
Jeneng pepak Patrick Vieira
Tanggal lair 23 Juni 1976 (umur 38)
Papan lair Dakar, Senegal
Dhuwur 1.93 m (6 ft 4 in)[1]
Posisi pamain Gelandang
Karir remaja
1984–1986 FC Trappes
1986–1991 FC Drouais
1991–1993 Tours
Karir senior*
Taun Tim Apps (Gls)
1993–1995 Cannes 49 (2)
1995–1996 Milan 2 (0)
1996–2005 Arsenal 279 (29)
2005–2006 Juventus 31 (5)
2006–2010 Internazionale 67 (6)
2010–2011 Manchester City 28 (3)
Total 456 (45)
Tim nasional
1995–1996 Perancis U-21 7 (0)
1997–2009 Perancis 107 (6)
* Senior club appearances and goals counted for the domestic league only.
† Appearances (Goals).


Patrick Vieira (lair ing Dakar, Senegal, 23 Juni 1976; umur 38 taun)[2] inggih punika mantan pemain Bal-balan Perancis keturunan Senegal ingkang posisinipun minangka gelandang.[3]

Piyambakipun dipunkenal kagungan operan bal ingkang apik sarta fisik ingkang kiyat, namanipun wiwit dipunkenal nalika main wonten ing klub Inggris, Arsenal wonten ing Liga Utama Inggris. Arsenal dipunbekta dados juara Liga Utama kaping 3 (1997-98, 2001-02, 2003-04) lan Piala FA kaping 4 (1998, 2002, 2003, 2005). Nalika Tony Adams damel kaputusan kanggé pènsiun wonten ing taun 2002, Vieira nggantosaken piyambakipun minangka kapten Arsenal. Sasampunipun nilaraken Arsenal wonten ing taun 2005, piyambakipun nelasaken satunggal musim wonten ing Juventus sadéréngipun gabung kaliyan Internazionale wonten ing taun 2006, nalika Juventus kadégradasi dhateng Seri B amargi kagayut skandal pengaturan pertandhingan.

Piyambakipun dipundangu dhateng Perancis ingkang kapisanan taun 1997, Vieira sampun ndhèrèk menangaken Piala Donya 1998 lan Piala Eropa 2000 sareng negara Perancis. Piyambakipun sampun kaping 107 main kanggé Perancis lan damel 6 gol.

Awal Pagesangan[sunting | sunting sumber]

Kulawarga Vieira pindhah saking Senegal dhateng Dreux, Perancis, nalika piyambakipun taksih umur 8 taun, lan boten naté kondur dhateng Senegal dumugi taun 2003.[4] Tiyang sepuhipun pisahan nalika Vieira taksih enèm, lan wiwit wekdal punika piyambakipun boten naté kapanggih kaliyan bapakipun malih.[5] Simbah kakungipun nyambut damel wonten ing Angkatan Dharat Perancis, ingkang damel piyambakipun njangkepi syarat saperlu pikantuk status kewarganegaraan Perancis nalika miyos.[5] Nama Vieira punika asalipun saking nama Portugis, inggih punika nama nalika ibunipun taksih kenya, ingkang asalipun saking Tanjung Verde.[5]

Biografi[sunting | sunting sumber]

Boten Kesupèn dhateng Afrika

Kados déné sapérangan anggota skuat Les Bleus sakmenika, Patrick Vieira ugi boten miyos wonten ing daratan Eropa. Piyambakipun miyos wonten ing Dakar, Senegal, lan sareng kaliyan ingkang raka ndhèrèkaken ibunipun, Emilienne, nyebrang dhateng Perancis rikala umuripun taksih 8 taun.

Boten jelas wonten pundi ramanipun dumunung wekdal punika. Vieira piyambak ngandharaken bilih piyambakipun boten naté tepang kaliyan ingkang rama. "Punika minangka bagéyan wonten ing pagesangan kula ingkang boten remen kula rembag," pangandikanipun wonten ing sawijining wawancara wonten ing ariwarti The Guardian.

Kulawarga imigran punika lajeng mapan wonten ing griya susun ing daérah Trappes, wonten ing pinggir kutha Paris, caket Versailles. Wonten ing masa-masa punika, kahanan wonten ing sakitar papan dunungipun Vieira taksih lumayan tentrem. Boten kados sakmenika ingkang asring kadadosan kanisthan, mliginipun ngèngingi bab SARA.

Wonten mrika piyambakipun wiwit ngrembakakaken bakatipun wonten ing olahraga bal-balan Kalih musim kaliyan klub Cannes (1993-1995), Vieira dipunremeni déning AC Milan. Ananging, nalika piyambakipun kagabung kaliyan klub raksasa Italia punika, piyambakipun namung main wonten ing kalih pertandhingan rikala musim 1995/96.

Namanipun wiwit kondhang rikala dipunrèkrut déning Arsène Wenger wonten ing wiwitan musim 1996/1997. Donya salajengipun dados seksi bab metamorfosis satunggaling tiyang imigran Afrika.

Saking satunggaling laré ingkang mèndel ingkang dipunagengaken déning tiyang sepuh tunggal, Vieira njalma dados salah satunggaling gelandang paling apik ing donya sarta pikantuk kathah gelar kaliyan klub Inggris, Arsenal F.C. lan timnas Perancis. Wiwit taun 2000, klub-klub sugih kados déné Real Madrid, Juventus F.C., Manchester United sami ngupaya ngrèkut piyambakipun.

Éwadéné kadhar kabintangannipun samsaya inggil, Vieira boten naté kesupèn dhateng asal-usulipun. Sesarengan kaliyan mantan pemain Perancis kados kiper Bernard Lama lan Jimmy Adjovi Boco sami kagungan inisiatif madhegaken Diambars Institute (‘Diambars’ wonten ing dialèk Wolof, Senegal, ateges ‘pejuang’), inggih punika sajinis akademi bal-balan modèrn ingkang boten namung nggladhi laré-laré ing Afrika dados atlèt bal-balan, ananging ugi nyamektakaken pawiyatan sinau kanthi formal wonten ing salebeting kelas.

Tanggal 24 Mei 2003, Vieira kondur dhateng negeri leluhuripun ingkang kapisanan sasampunipun nilaraken negara asalipun 18 taun kapengker wonten ing adicara madhegaken institut kasebut wonten ing daérah Saly, Senegal.

Piyambakipun ngendika :

   
Patrick Vieira
Idèntitas Afrika kula karaosaken samsaya wigati.
   
Patrick Vieira
   
Patrick Vieira
Nalika nilaraken Senegal kapisanan radi awrat saperlu mbiyasakaken dhiri wonten ing kahanan Paris. Begjanipun basa ingkang dipunanggé sami.
   
Patrick Vieira

“Panjengengan kapeksa nilaraken sedaya kulawarga, kanca, sedaya ingkang biasa Panjenengan mangertosi, budaya Afrika, lan sedaya margi gesang Panjenengan. Panjenengan boten mangertos badhé tindak pundi. Ananging, punika damel kula lan panjenengan sedaya sami sinau bab dhiri pribadi. Panjenengan sinau kanggé dados kiyat,” pèngetipun.

“Wigati tumrap kula kanggé wangsul nindakaken komunikasi kaliyan Senegal, wangsul dhateng mruika lan miwiti sawijining proyèk. Punika proyèk ingkang kula impèkaken wiwit dangu. Kula kepèngin paring pambiyantu dhateng negeri punika lan migunakaken bal-balan--sedaya tiyang remen bal-balan ing mrika--minangka cara kanggé maringi pendidikan tumrap laré-laré. Laré-laré punika kedah sinau bilih namung nyambut damel kanthi tumemen ingkang saged nuntun dhateng kasuksèsan.”, mekaten andharanipun.

Miturut Vieira, rikala wiwitan wonten siswa Diambars ingkang boten saged maos lan nyerat. “Ananging, sakmenika sampun wonten kemajengan. Para siswa saged maos lan nyerat manéka cariyos, sasampunipun gladhèn bal-balan,” lajengipun.

Piyambakipun ngendika “Dados pemain bal-balan profèsional punika boten gampil. Mungkin namung satunggal napa kalih laré ingkang saèstu badhé suksès. Ing mriki pendidikan dados samubarang ingkang wigati. Saèngga ugi wonten pambiyantu kanggé para siswa saperlu nglajengaken kuliah dhateng universitas ing Eropa. Sasampunipun punika sami saged kondur dhateng Senegal, nindakaken bisnis lan madhep masa samangké ingkang langkung saé,” mekaten pangandikanipun.

Karièr Klub[sunting | sunting sumber]

Cannes (1994–1996) lan Milan (1996)[sunting | sunting sumber]

Patrick Vieira nalika taksih main kanggé Ac Milan

Vieira ingkang kapisanan main kanggé tim AS Cannes,[6] ing pundi piyambakipun nindakaken debut rikala yuswanipun 17 taun, déné kaptèn timipun saweg gandik yuswa 19 taun.[4] Wonten ing musim panas 1995, piyambakipun napak asmani kontrak kaliyan klub raksasa Italia Milan, ananging piyambakipun namung asring mlebet cadhangan lan namung main wonten ing kalih pertandhingan.

Arsenal[sunting | sunting sumber]

1996–2002[sunting | sunting sumber]

Wonten ing tanggal 10 Agustus 1996, Daily Mirror nglaporaken bilih Vieira langkung milih pindhah dhateng klub Inggris, Arsenal, nalika piyambakipun boten katampi wonten ing Ajax.[7] Sekawan dinten sasampunipun boten katanmpi ing Ajax, piyambakipun kagabung kaliyan Arsenal kanthi béa £ 3,5 yuta.[8] Ingkang unik Vieira lan kanca satunggal negaranipun Rémi Garde, dugi wonten ing klub punika, lan ugi dipunpecatipun manajer Bruce Rioch sadèrèngipun musim dipunwiwiti, ingkang maringi pamrayogi bilih Arsenal kagungan pengaruh èkstèrior.[8] Vieira lajeng ngandharaken bilih piyambakipun napak asmani kontrak kaliyan Arsenal amargi kanca satunggal negaranipun, Arsène Wenger badhé dados manajer klub candhakipun: "Kula remen saged kagabung kaliyan Arsenal, wonten ing wekdal ingkang sareng, Wenger dados pelatihipun. Ingkang saged pirembagan kanthi basa Perancis dhateng piyambakipun saèngga damel lampahipun langkung gampil kanggé kula.”[9] Wenger kanthi resmi wonten ing parèntah bab manajerial wonten ing Arsenal wiwit awal Oktober, ananging Vieira sampun damel tandha, ingkang main minangka pemain pengganti nglawan Sheffield Wednesday rikala tanggal 16 September taun 1996, wonten ing The Times laporan pertandhingan nggambaraken piyambakipun minangka "pamikiran manungsa Carlton Palmer ... ingkang, tundhanipun, maringi lini tengah Arsenal manéka variasi."[10] Vieira damel debut kapisananipun rikala nglawan Middlesbrough wonten ing Stadion Riverside, tigang dinten candhakipun.[11] Piyambakpun damel gol kapisananipun wonten ing Arsenal rikala nglawan klub Derby County tanggal 8 Desember 1996 – wonten ing pertandhingan ingkang pungkasan kasil imbang 2-2.[12] Penampilanipun kanggé Arsenal wonten ing wulan-wulan candhakipun damel piyambakipun dados pemain favorit tumrap pendhukung Arsenal' lan dipunpuja minangka "... playmaker Arsenal sampun dipunpadosi wiwit Paul Davis narik kawigatosan wonten ing tim nalika juara taun 1991."[13] Davis piyambak nyathet bilih Vieira dipunskors wonten ing sadangunipun pèriode Natal, Arsenal ngupaya kanggé ngrengkuh kamenangan.[13] Piyambakipun mungkasi musim kapisananipun wonten ing Arsenal kanthi 38 pertandhingan lan Arsenal dumunung wonten ing posisi angka tiga, kicalan panan kanggé main ing Liga Champions amargi kalah cacahing gol.[14]

Vieira kekancan kaliyan kanca wonten ing timnasipun, Emmanuel Petit, ingkang wonten ing musim candhakipun maringi kathah pambiyantu tumrap Arsenal mungkasi Liga kanthi ngrengkuh gelar domèstik lan gelar gandha. Vieira damel gol ingkang angka pisan rikala kampanye nglawan Manchester United FC kanthi kamenangan 3-2 tanggal 9 November 1997.[15] Ananging piyambakipun, nyepengi dhengkulipun sadanguning pertandhingan lan kagantosaken saking pertandhingan punika saha boten saged main wonten ing wekdal satunggal wulan.[16] Vieira wangsul malih kanggé main nglawan Wimbledon rikala tanggal 22 Desember 1997, ingkang dipuntundha amargi perkawis cuaca lan panerangan.[17] Wonten ing pertandhingan nglawan Coventry City rikala tanggal 16 Januari 1998, Vieira pikantuk kertu abirt ingkang kapisanan amargi migunakaken tetembungan ingkang saru lan kasar dhateng wasit Stephen Lodge.[18] Vieira dipunlarang main malih satunggal wulan candhakipun, sakmenika wonten ing pertandhingan semi-final Piala Liga nglawan Chelsea "Punika saèstu damel lingsem", sawijining pangandikan saking Wenger.[19] Pinuju pungkasaning kampanye, Vieira mbiyantu Arsenal ngasoraken pamimpin klasemen Liga, Manchester United saha cathetan kertu ingkang samasaya saé, "... kanthi satunggal kertu wonten ing pungkasaning musim."[20] Sasampunipun kasukèsanipun wonten ing Piala Donya 1998 kaliyan timnas Perancis, Vieira nglampahi musim kanthi produktif wonten ing Arsenal taun 1998-1999. Éwadéné Arsenal boten saged ngrengkuh Gelar Premier League, Penampilan Vieira pikantuk aprésiasi lan mlebet wonten ing PFA Team of the Year, sesarengan kaliyan Petit.[21]

Rikala nglawan West Ham United tanggal 2 Oktober 1999, Vieira dipunusir medal saking pertandhingan sasampunipun pikantuk kertu kuning kaping kalih amargi nglanggar striker Paolo Di Canio.[22] Piyambakipun, sasampunipun kadadosan, ngidoni Neil Ruddock, ingkang nabrak piyambakipun lajeng ngendika dhateng petugas.[22] Vieira lajeng dipuntuntut. Dipunlarang main wonten ing enem pertandhingan lan dipundendha £ 45.000 adhedhasar kaputusan The Football Association.[23] Musim punika pungkasan kanthi nguciwani tumrap Vieira lan Arsenal, amargi wonten ing pungkasaning musim ketinggalan 18 poin saking juara, Manchester United, lan mapan ing posisi angka kalih. Arsenal dumugi babak final UEFA Cup taun 2000, ing pundi Vieira ndhèrèk main ananging Arsenal kasor wonten ing adu tendhangan pènalti, amarghi tendhangan pènalti Vieira nabrak tiang gawang.[24]

Perkawis disiplin terus nandang Vieira wonten ing Piala FA taun 2000. Piyambakipun dipunusir malih wonten ing pertandhingan pambuka nglawan Sunderland lan ingkang angka kalihipun nalika dados tuan rumah wonten ing pertandhingan nglawan Liverpool.[25] Vieira saged damel kalih gol, wonten ing pertandhiang candhakipun nglawan Charlton Athletic, punika pertandhingan pungkasanipun sadèrèngipun Vieira kaukum boten pikantuk main wonten ing gangsal pertandhingan. Punika ingkang badhé dipunkirangi déning Vieira wonten ing Liga Inggris amargi piyambakiun rumaos dados korban - Wenger, sapérangan pemain Arsenallan sapérangan suporter ingkang ndhukung kanthi saèstu,[26][27] wonten ing sadengahing pawarta bilih klub Italia, Juventus siap kanggé dados pelabuhan salajengipun kanggé Vieira.[28] Vieira piyambak, sasampunipun paukuman, ngandharaken bilih piyambakipun taksih remen main wonten ing Arsenal, ananging piyambakipun ugi ngendika bilih boten saged ngéwahi cara mainipun:. "Ananging kula boten badhé éwah amargi, dhasaripun, kula boten kepèngin ngéwahi dhiri kula, kula saèstu remen bal-balan Inggris lan pagesangan ing Inggris, kula remen wonten ing ngriki.. "[29] Sasampunipun pertandhingan panyisihan grup nglawan Lazio tanggal Oktober 2000, Vieira ngandharaken bilih piyambakipun dados sasaran "pelecehan rasial" saking Siniša Mihajlović, ingkang lajeng perkawis punika dipunslidhiki déning UEFA.[30] Mihajlović lajeng ngakoni lan ngandharaken perkawis punika ngrujuk dhateng warni kulitipun Vieira, ananging piyambakipun ugi ngendika bilih piyambakipun dipunprovokasi. Pemain punika lajeng kaukum kanthi larangan kalih pertandhingan amargi "tumindak ingkang boten sportif".[31] Kanthi Arsenal mapan ing posisi angka kalih wonten ing liga kanggé wekdal inkang kaping tiga wonten ing tigang musim pungkasan lan dados runner-up sasampunipun Liverpool wonten ing Piala FA musim 2001, Vieira boten purun ngrembag bab piyambakipun wonten ing klub kanthi ngandharaken dumugi ing April musim 2001, minangka kasil ingkang "rata-rata ".[32] Wondéné penampilanipun sampun mateng wiwit Petit késah, piyambakipun ngandharaken bilih keputusan Arsenal kanggé nyadé piyambakipun lan Marc Overmars dhateng Barcelona: "Tamtu kémawon punika bisnis ingkang saé, ananging punika bakal dados kuciwa tumrap kula. Menawi taksih kagungan tim ingkang sami sakmenika, mapanaken Overmars lan Petit wonten ing lebetipun, punika langkung saé lan kiyat, boten ateges kula kangen dhateng Petit -.. tim mbetahaken piyambakipun".[32]

Wonten ing wulan Mei 2001, kalaporaken bilih Manchester United saweg ngrantam sawijining upaya saperlu ngrawuhaken Vieira dhateng Stamford Brigde, sasampunipun Ferguson kasengsem dhateng Vieira wonten ing wekdal ingkang dangu, saha kaparingan panyengkuyang saking déwan klub saperlu ngadani pasarujukan.[33] Sadangunipun musim panas, Vieira ngécé pawiyatan transfer Arsenal, kanthi ngandharaken bilih wonten ing pungkasaning musim klub boten badhé mapan ing "posisi gangsal besar ing liga - lan nglalèkaken Liga Champions," saha ngendika bab masa ngajengipun: "Satebih ingkang kula mangertos, perkawis punika badhé pungkasan. Kula nilaraken Arsenal lan ingkang kula andharaken punika sampun jelas sanget.. "[34][35] Klub nolak kanggé maringi panyaruhè saking andharanipun, ananging wakil ketua, David Dein ingkang boten remen dhateng agèn Vieira, Marc Roger, amargi nilaraken perkawis ingkang nganggu punika.[36] Ananging,Wenger, ngendika bilih punika amargi gelar ingkang karengkuh déning Manchester United: "Manchester nindakaken panyelakaken dhateng Patrick tanpa ngubungi Arsenal, lan punika saèstu boten ngurmati aturan."[37] Vieira medal wonten ing gladhèn pra-musim wonten ing wulan Juli 2001, kados biasanipun, lajeng saking klub dipunsukani tanggel jawab dados wakil kaptèn, saperlu dados suksèsoripun Tony Adams minangka kaptèn klub.[38][39] kasuksèsan pungkasanipun rawuh dhateng Vieira wonten ing musim 2001-02, Arsenal wangsul dhateng liga lan ngasoraken Chelsea wonten ing pertandhiang Final Piala FA taun 2002 saèngga Arsenal saged ngrengkuh gelar gandha ingkang angka kalih.

Trivia[sunting | sunting sumber]

  • Wonten ing AC Milan, piyambakipun namung main kalih pertandhingan sadanguning musim. Ananging, sasampunipun kagabung kaliyan Arsenal wonten ing Highbury kanthi nilai transfer sekawan yuta poundsterling taun 1996, Vieira langsung dados idola. Wonten ing musim candhakipun piyambakipun ndhèrèkaken The Gunners ngrengkuh kalih gelar: juara liga lan juara Piala FA.
  • Piyambakipun minangka bagèyan saking persyaratan ingkang dipunsuwun déning manajer Arsène Wenger. Sadèrèngipun resmi dados manajer Arsenal, Wenger nyuwun Vieira dipunboyong langkung rumiyin. Vieira lajeng tèken kontrak wulan Agustus 1996, déné Wenger satunggal wulan candhakipun.
  • Kalebet pemain ingkang paling asring kènging kertu, lan naté dipunusir wasit saking lapangan kalih pertandhingan pambuka musim 2000-01.
Patrick Vieira nalika ngangkat Trophy Piala FA
  • Kadisiplinanipun samsaya saé sasampunipun nggantosaken Tony Adams, ingkang pènsiun, minangka kaptèn énggal wonten ing musim 2002-03. Ananging, wonten ing musim punika piyambakipun kènging cedera lan Arsenal kicalan gelar juara. Piyambakipun ugi absèn wonten ing final Piala FA nalika The Gunners ngasoraken Southampton 1-0.
Patrick Vieira nalika ngangkat Trophy Juara Liga kanthi rèkor klub boten naté kasor
  • Wonten ing lèvel klub, kadadosan paling gemilang inggih punika nalika piyambakipun minangka kapèn Arsenal ngangkat trofi juara ing musim 2003/04 kanthi rékor boten naté kasor.
  • Wonten kalih anggota skuat Perancis ingkang ngrengkuh gelar juara dunia 1998 ingkang kagungan zodiak Cancer lan kabetulan sami-sami naté dados kaptèn: Zinedine Zidane lan Patrick Vieira. Ingkang wigati kekalihipun kagungan tanggal lair ingkang sami, inggih punika 23 Juni. Bédanipun, Zidane miyos wonten ing taun 1972 lan yuswanipun sekawan taun langkung sepuh. Pendahulu kekalihipun, Jean Tigana, anggota “kuartet ajaib” Les Bleus ingkang ngrengkuh Piala Eropa 1984ugi miyos wonten ing tanggal 23 Juni 1955.
  • Bukunipun, Vieira: My Autobiography, dipunanggep kirang ngandharaken bab-bab pribadi lan langkung mligi dhateng lelampahan karièripun wonten ing Arsenal lan timnas. Wonten sapérangan pernyataan unik lan kontrovèrsial wonten ing buku terbitan Orion kasebut, kalebet kecamanipun dhateng Ruud van Nistelrooy lan kekagumanipun dhateng Manchester United, ingkang dipunanggep minangka klub paling apik ing Inggris.

Statistik karièr[sunting | sunting sumber]

Klub Liga Cup Piala Liga Continental Total
Season Club League Main Gol Main Gol Main Gol Main Gol Main Gol
Perancis Liga Coupe de France Coupe de la Ligue Europe Total
1993–94 Cannes Division 1 5 0 1 0 - 6 0
1994–95 31 2 2 0 1 1 4 1 38 4
1995–96 13 0 4 0 17 0
Italia Liga Coppa Italia Liga Piala Europe Total
1995–96 Milan Serie A 2 0 1 0 - 2 0 5 0
England League FA Cup League Cup Europe Total
1996–97 Arsenal Premier League 31 2 3 0 3 0 1 0 38 2
1997–98 33 2 9 0 2 0 2 0 46 2
1998–99 34 3 5 1 1 0 3 0 43 4
1999–2000 30 2 2 0 1 0 14 0 47 2
2000–01 30 6 6 1 12 0 48 7
2001–02 36 2 7 0 - 11 1 54 3
2002–03 24 3 5 0 1 0 12 1 42 4
2003–04 29 3 5 0 3 0 7 0 44 3
2004–05 32 6 6 1 - 6 0 44 7
Italia Liga Coppa Italia Piala Liga Europe Total
2005–06 Juventus Serie A 31 5 3 0 1 0 7 0 42 5
2006–07 Internazionale Serie A 20 1 3 0 1 2 4 1 28 4
2007–08 16 3 3 0 1 0 3 0 23 3
2008–09 19 1 2 0 - 3 0 24 1
2009–10 12 1 1 0 1 0 2 0 16 1
Inggris Liga FA Cup League Cup Europe Total
2009–10 Manchester City Premier League 13 1 1 0 0 0 - 14 1
2010–11 15 2 8 3 1 0 8 0 32 5
Total Perancis 49 2 3 1 1 0 8 1 61 4
Italia 100 11 13 0 4 2 21 1 138 14
Inggris 307 32 57 6 12 0 76 2 452 40
Career total 456 45 73 7 17 2 105 4 651 58
  • Wonten ing Piala Liga, kalebet Charity Shield lan Supercoppa Italia[40][41]
France national team
Taun Main Gol
1997 5 0
1998 5 0
1999 8 0
2000 17 0
2001 13 2
2002 12 2
2003 5 0
2004 11 0
2005 7 0
2006 17 2
2007 4 0
2008 2 0
2009 1 0
Total 107 6


Prèstasi[sunting | sunting sumber]

Klub[sunting | sunting sumber]

AC Milan

Arsenal

Juventus
Internazionale
Manchester City

Negara[sunting | sunting sumber]

Perancis

Individu[sunting | sunting sumber]

  • Tim Pilihan UEFA wonten ing Kajuaraan Eropa (1): 2000
  • Pencetak gol paling kathah Piala Konfederasi FIFA (1): 2001
  • Tim Pilihan FIFA ing Piala Donya (1): 2006
  • PFA Team of the Year (6): 1998–99, 1999–00, 2000–01, 2001–02, 2002–03, 2003–04
  • Pemain Paling Apik Taunan Liga Utama Inggris (1): 2000-01
  • UEFA Team of the Year (1): 2001
  • Pemain Paling Apik Perancis (1): 2001
  • FIFA 100


Cathetan Suku[sunting | sunting sumber]

  1. ^ "General info". Goal.com. http://www.goal.com/en/people/france/1143/patrick-vieira.
  2. ^ players, soccerbase.com. Retrieved 8 April 2013.
  3. ^ http://patrickvieirainter.blogspot.com/2007/12/patrick-vieira-biography.html
  4. ^ a b [sdadashttp://www.imdb.com/name/nm1352849/bio Patrick Vieira – Biography], imdb.com. Retrieved 29 May 2007.
  5. ^ a b c Vieira, Patrick (2005). Vieira: My Autobiography. ISBN 978-0-7528-7260-5.
  6. ^ http://www.soccer-fans-info.com/patrick-vieira.html
  7. ^ Ryan, Mark. "French Gunner", 10 August 1996, p. 29. 
  8. ^ a b Hughes, Rob. "Arsenal sign two but wait for Wenger", 15 August 1996, p. 32. 
  9. ^ Stenson, Tony. "I only signed for Wenger by Arsenal's Patrick Vieira", 16 August 1996, p. 38–39. 
  10. ^ Hughes, Rob. "All Wright on the night for Arsenal", 17 September 1996, p. 28. 
  11. ^ Taylor, Louise. "Arsenal on the Wright track", 22 September 1996, p. 26. 
  12. ^ Tench, Matt. "Football: Sturridge stuns the ruling class", 9 December 1996, p. S8. 
  13. ^ a b Connolly, Kevin. "How Vieira steers the Gunners", 19 January 1997, p. 48. 
  14. ^ Shaw, Phil. "Football: Three Gunner salute for Baseball Ground", 12 May 1997. diaksès tanggal 11 April 2013. 
  15. ^ Lacey, David. "Arsenal check United's march to glory", 16 November 1997, p. 32. 
  16. ^ Stenson, Tony. "Adams on the mend", 13 November 1997, p. 46. 
  17. ^ Lacey, David. "Bad play stops light amid Arsenal gloom", 23 December 1997, p. 20. 
  18. ^ Callow, Nick. "Dublin penalty draws the Arsenal sting", 18 January 1998, p. 20. 
  19. ^ Harris, Nick. "Football: Wenger outburst over Chelsea `divers'", 21 February 1998. diaksès tanggal 11 April 2013. 
  20. ^ Moore, Glenn. "Football: Vieira vies for Double glory and French passage", 16 May 1998. diaksès tanggal 11 April 2013. 
  21. ^ "Ginola pips Yorke for PFA award", 26 April 1999, p. 54. 
  22. ^ a b Thorpe, Martin. "Di Canio dons a two-goal disguise", 3 October 1999. diaksès tanggal 11 April 2013. 
  23. ^ Dickinson, Matt. "FA hits Vieira with record £45,000 fine", 29 October 1999, p. 32. 
  24. ^ "Penalty heartbreak for Arsenal", BBC News, BBC, 17 May 2000. diaksès tanggal 11 April 2013. 
  25. ^ Lacey, David. "Vieira off again as three see red", 22 August 2000. diaksès tanggal 11 April 2013. 
  26. ^ Stammers, Steve. "Don't go Patrick", 22 August 2000, p. 88. 
  27. ^ Hart, Michael. "Fans unite to condemn Poll as Vieira sees red", 22 August 2000, p. 86. 
  28. ^ McGarry, Ian. "We want Vieira", 23 August 2000, p. 78. 
  29. ^ "Vieira will never leave Arsenal", BBC Sport, BBC, 4 October 2000. diaksès tanggal 11 April 2013. 
  30. ^ Brodkin, Jon. "Lazio player called me 'monkey' says Vieira", 19 October 2000, p. 32. 
  31. ^ "Is this the nastiest man in football?", 6 November 2003. diaksès tanggal 11 April 2013. 
  32. ^ a b Brodkin, Jon. "Vieira fires warning to 'average' Arsenal", 19 April 2001. diaksès tanggal 11 April 2013. 
  33. ^ "Ferguson sets sights on Vieira", 25 May 2001. diaksès tanggal 11 April 2013. 
  34. ^ "Arsenal to play Vieira in reserves", 25 June 2001. diaksès tanggal 11 April 2013. 
  35. ^ "Vieira's Highbury feud turns ugly", 25 June 2001. diaksès tanggal 11 April 2013. 
  36. ^ Beasley, Rob. "Dein: I'll win Vieira war", 8 July 2001, p. 71. 
  37. ^ Kempson, Russell. "United tried to poach unsettled Vieira, says Wenger", 18 July 2001, p. 30. 
  38. ^ Thorpe, Martin. "Arsenal relief as Vieira weighs in", 17 July 2001, p. 27. 
  39. ^ Pierson, Mark. "Football: Arsenal name Vieira as heir to Adams' legacy", 9 August 2001, p. 24. 
  40. ^ .. Player – Patrick Vieira. National Football Teams (23 June 1976). Retrieved on 10 April 2013.
  41. ^ Patrick Vieira – Century of International Appearances. Rsssf.com (16 July 2009). Retrieved on 10 April 2013.

Pranala Njaba[sunting | sunting sumber]

Sporting positions
Sing mengku  sadurungé:
Tony Adams
Kapten Arsenal F.C.
2002–2005
Diganti déning:
Thierry Henry
Sing mengku  sadurungé:
Marcel Desailly
Kapten Perancis
2004–2005
Diganti déning:
Zinedine Zidane
Sing mengku  sadurungé:
Zinedine Zidane
Kapten Perancis
2006–2008
Diganti déning:
Thierry Henry
Sumber artikel punika saking kaca situs web: "http://jv.wikipedia.org/w/index.php?title=Patrick_Vieira&oldid=865155"