Éric Cantona

Saka Wikipédia Jawa, bauwarna mardika basa Jawa
Eric Cantona
Katerangan priangga
Jeneng dawa Éric Daniel Pierre Cantona
Dhuwur 6 ft 2 in (1.88 m)
Posisi main Striker
Karir nom
1980–1981 SO Les Caillols
1981–1983 Auxerre
Karir sénior*
Taun Tim Main (Gul)
1983–1988 Auxerre 82 (23)
1985–1986Martigues (pinjaman) 15 (4)
1988–1991 Marseille 40 (13)
1989Bordeaux (pinjaman) 11 (6)
1989–1990Montpellier (pinjaman) 33 (10)
1991 Nîmes 16 (2)
1992 Leeds United 28 (9)
1992–1997 Manchester United 143 (64)
Gunggung 368 (131)
Tim nasional
1987–1995 Prancis 45 (20)
2005 Prancis (bola pasisir) 1 (1)
Tim dikemunah
2005–2011 Prancis (bola pasisir)
2010– New York Cosmos (Direktur ulah raga)

* Gunggung main lan gul ing klub sénior tumrap liga dhomèstik iki mligi.


Éric Daniel Pierre Cantona utawa kang misuwur kanthi jeneng Éric Cantona (lair 24 Mèi 1966; umur 46 taun) iku salah siji artis utawa aktor lan uga mantan juru main bal-balan saka nagara Prancis. Ing babagan bal-balan Eric Cantona wis akèh pengalamane. Tim-tim kang wis tau dibela kaya ta, Auxerre, Martigues, Marseille, Bordeaux, Montpellier, Nîmes, Leeds United, lan ingkang pungkasan Manchester United F.C.. Dhèwèké uga kapilih dadi juru main ing timnas Perancis. Ing tim nasional Prancis, Eric Cantona wis main kaping 43 lan bisa gawé 19 gol.

Cantona uga dadi salah siji juru main kang gawé kuncara tim Manchester United. Eric misuwur minangka juru main bal-balan kang migunakaké nomer 7 ing seragame, nalika ing MU. Angka 7 ing MUdiangep kramat, amarga jaman biyèn angka 7 iku digunakaké déning juru main-juru main kang misuwur, kaya ta George Best lan Bryan Robson. Sawisé digunakaké déning Cantona, angka 7 digunakae déning David Beckham lan Cristiano Ronaldo.

Ing MU, Cantona éntuk jejuluk utawa parap King Eric saka para suporter MU. Cantona uga kapilih dadi juru main kang paling apik ing Manchester United miturut kalawarta ing Inggris Inside United.[1]

Cantona saliyané dadi juru main bal uga misuwur minangka aktor. Cantona dadi aktor awit pensiun saka bal-balan. Cantona mèlu main filem awit taun 1998 ing filem Elizabeth, kang diparagani déning Cate Blanchett. Banjur ing taun 2008 mèlu soting ing filem French Film, lan filem Looking for Eric ing taun 2009.

Cantona kagolong juru main kang gampang nesu.[2] Cantona tau gelut karo kancane, kaya ta nalika dhèwèké mbalang sepatu ing Jean-Claude Lemoult nalika isih ing Montpellier. Prastawa kang paling misuwur ya iku nalika Cantona nendhang gaya kungfu marang Matthew Simmons, salah siji suporte Crystal Palace kang gawé dhèwèké diukum ora éntuk bal-balan wolung sasi, lan didendha 20 èwu poundsterling.

Cantona iku salah siji juru main kang misuwuir nanging durung tau mbela timnas Prancis ing Piala Donya Fifa. Amerga dhèwèké ana prakara karo pelatih timnas Prancis nalika iku Henri Michel. Cantona dicorek saka timnasnalika Piala Donya ing Italia taun 1990 lan ing Amérikah Sarékat 1994. Ing taun 1998 uga ora bisa mèlu timnas amarga ukuman ora éntuk bal-balan nganti wolung sasi nalika ing MU.

Cantona uga tau dadi pelatih ing Timnas Bal-balan pasisir Prancis nalika taun 2005 tekan 2008. Saliyané iku uga dadi Direktur Teknik ing tim New York Cosmos awit taun 2011.

Kulawarga[besut | besut sumber]

Cantona tau nikah karo Isabelle Ferrer lan duwé putra cacahé loro,ya iku Raphael (lair taun 1988) lan Josephine (lair taun 1995). Saiki Cantona nikah karo aktris Rachida Brakni.

Kakange Cantona, Joël, uga juru main bal-balan profésional kang tau main ing Olympique de Marseille, Újpesti TE lan Stockport County. Kayadene Cantona, Joël uga pensiun saka bal-balan lan saiki milih dadi aktor.

Sedulur tunggal simbahe, Sacha Opinel, main ing tim Harlow Town ing Southern League Premier Division.

Wiwitan urip ing bal-balan[besut | besut sumber]

Cantona asalé saka kulawarga imigran saka Sardinia, Spanyol. Kulawargane kapeksa metu saka Spanyol nalika jaman Jenderal Franco nguwasani Spanyol.

Dhèwèké seneng dolanan bal, banjur dhèwèké gabung ing SO Caillolais, tim ing dhaerahe kang uga dadi papan latihan juru main-juru main Prancis, kaya ta Jean Tigana, Roger Jouve, lan Christophe Galtier.

Bapake Cantona uga seneng bal-balan, nanging dadi kiper. Ing tim SO Caillolais Cantona main luwih kaping saka 200 tetandhingan. Amerga dhèwèké nalika main duwé semangat lan ora gampang nyerah, Cantona akèh dilirik tim.

Tim propesional pisanan nglirik Cantona ya iku Auxerre. Ing Auxerre Cantona kalebu ing tim junior suwéné rong taun. Banjur kalebu tim senior nalika sasi November 1983.

Sawisé iku Cantona miwiti urip ing bal-balan kang profésional, kaya ta ing Marseille, Bordeaux, Mont-pellier, lan Nimes. Wis dadi watake Cantona sing atos, nalika ing Marseille Cantona asring dadi cadhangan. Kui amarga dhèwèké ora cocog karo Ketua Marseille Bernard Tapie lan pelatih kang dipilih Tapie kanggo nggantekake Franz Beckenbauer, Raymond Goethals.

Banjur Cantona lunga menyang Inggris lan gabung karo Leeds United, kanthi rega transfer 900.000 poundsterling saka Nimes.

Sasuwene main ing Inggris, Cantona disenengi Sir Alex Ferguson, banjur dhèwèké ditarik main ing MU kanthi rega 1,2 juta poundsterling.

Inggris[besut | besut sumber]

Leed United[besut | besut sumber]

Nalika tanggal 6 November 1991, sawisé menang saka Liverpool 3-0, saka Auxerre ing Piala UEFA kang kaloro ing Putaran kaloro ing Anfield, manajere Liverpool Graeme Souness ketemu karo Michel Platini ing sabubaré bal-balan, lan nakonke yèn Liverpool péngin tuku Cantona. Nanging Platini, ora nampa tawaran iku.

Ing sasi Januari 1992, Cantona teka ing Inggris. Ing kono Cantona dijajal mèlu tim Sheffield Wednesday, kang dilatih déning Trevor Francis. Nalika ditawani kontrak anyar, Cantona ora gelem, lan milih mèlu Yorkshire Leeds United. Ing kono Cantona kasil gawa tim mau juwara Football League Divisi Pertama kang pungkasan, banjur diganti Liga Premier minangka liga paling dhuwur ing Inggris. Regane Cantona ing time kang anyar ya iku £ 900,000.[3]

Ing Leeds, Cantona main kaping 15, lan gawé gol cacahé 3. Sanajan sithik, nanging dhèwèké akèh mupangate nalika mènèhi operan supaya dadi gol marang Lee Chapman.

Cantona pindhah menyang Manchester United kanthi rega £ 1.200.000 nalika tanggal 26 November 1992.[4]

Manchester United[besut | besut sumber]

Mangsa 1992-1993[besut | besut sumber]

Cantona pisanan bela MU nalika mungsuh Benfica ing Lisbon nalika mengeti tanggap warsa kaping 50 mark Eusebio, migunakaké kaos nomer 10. Ing Inggris, Cantona miwiti bela MU nalika mungsuh Manchester City ing Old Trafford nalika tanggal 6 Dhésèmber 1992, migunakaké kaos nomer 12. Nalika iku MU menang 2-1.

Nalika liga Inggris dadi Premier Leage, Cantona durung bisa gawé MU dadi juwara. Ing taun iku MU kangelan mungsuh Aston Villa lan Blackburn Rovers, lan Norwich City sarta Queens Park Rangers, sanajan loro iku mau tim kang nembé munggah ing Liga Premier.

Nalika Dion Dublin sikile cuklek, Cantona bisa dadi juru main kang bisa gawé gol lan asring mènèhi operan kang dadi gol. Gole kang pisanan ya iku nalika imbang 1-1 mungsuh Chelsea ing Stamford Bridge nalika 19 Dhésèmber 1992, lan kang sabanjuré nalika Boxing Day kanthi asil imbang 3-3 mungsuh Sheffield Wednesday ing Hillsborough. Nalika Cantona main ing Elland Road mungsuh Leeds dhèwèké ngidoni suporter banjur didhendha £ 1.000 olèh FA.

Ing taun pisanan Cantona ing Old Trafford, United menang éntuk 10 point ing Liga Premier-lan menangke gelar wiwit taun 1967. Kanthi mangkono, Cantona dadi wong kang mbela 2 tim kang menang Liga Inngis.

Mangsa 1993-1994[besut | besut sumber]

Ing mangsa 1993-1994, MU ngalahake Chelsea 4-0 lan Cantona ngegolke 2 saka pinalti. MU dadi juwara 2 ing piala liga kalah 3-1 saka Aston Villa. Ing taun iki Cantona kapilih dadi Player of the Year.

Eric Cantona asring gawé reribut, ing taun iki uga. Cantona éntuk kartu abang nalika ing Liga Champions mungsuh Galatasaray, lan kartu abang kaping pindho ing Liga Premier, nalika m,ungsuh Swindon Town lan mungsuh Arsenal. Awit saka iku Cantona ora éntuk mèlu bal-balan kaping lima bela MU. Ngepasi nalika semifinal FA mungsuh Oldham Athletic, imbang 1-1. Banjur main manèh Cantona bisa mèlu lan MU menang 4-1.

Mangsa 1993-94 dadi mangsa pisanan Cantona migunakaké nomer 7. Nanging nalika ing liga Champions Cantona migunakaké kaos nomer 9.

Mangsa 1994-95[besut | besut sumber]

Ing taun 1994, United menangi liga Inggris kaping telu. Ing taun iku MU miwiti mangsa kanthi menang 2-0 saka Blackburn Rovers ing Charity Shield, ing kono Cantona nyetak gol saka pinalti.

Cantona asring gawé gol ing mangsa 94-95. Tim kang dadi kurban goe Cantona ya iku Blackburn Rovers kanthi menang 4-2 ing Ewood Park ing sasi Oktober. Saliyané iku uga nalika MU menang 5-0 nalika mungsuh Manchester City, ing tanggal 22 Januari.

Nanging nalika tanggal 25 Januari 1995 Cantona dadi sumber pawarta kang gawé geger donya bal-balan. Nalika mungsuh Crystal Palace, Cantona ditundhung wasit amarga dhèwèké ndhupak beke Crystal Palace Richard Shaw sawisé Shaw mbatek kaose Cantona. Nalika Cantona lumaku tumuju kamar salin, Cantona nyadhuk kanthi gaya kungfu marang suporter Crystal Palace, Matthew Simmons, lan jotosan.

Amerga prakara iku Cantona diukum ing kunjara suwéné rong minggu. Ing bandhing Cantona diukum 120 jam pelayanan masarakat.

Cantona uga diukum MU kanthi dhendha £ 20.000, lan ukuman 4 sasi ora mèlu tim MU ing taun 1994-95. FA nambahi ukuman nganti wolung sasi (nganti tanggal 30 September 1995) lan didhendha £ 10.000. Pimpinan FA Graham Kelly nggambaraké kedaden iku minangka rereged ing bal-balan lan gawé isin donya.

Ora mung iku, Cantona uga diukum FIFA, ora dintukake pindhah saka MU. Dhèwèké uga dicopot kalungguhan kaptene ing timnas Prancis. Saliyané iku, Mu uga kelangan gelas Liga Premier, kang dimenangke déning Blackburn Rovers.

Sawisé ukuman wis entek, ana kabar Cantona arep metu saka MU, nanging Alex Ferguson ngrayu Cantona supaya tetep ing MU. Cantona nalika iku ditawani pindhah ing Inter Milan.

Cantona mutusaké tetep ing MU, lan nandhaatangani kontrak anyare. Tanggal 8 Agustus, Cantona jaluk mandheg saka kontrake, amarga dhèwèké wis ora gelem main ing Inggris. Nanging panjalukane Cantona ora disetujoni, lan Cantona tetep ing MU.

Mangsa 1995-96[besut | besut sumber]

Nalika mungsuhan karo Liverpool Cantona mbalik manèh mbela MU lan gawé gol saka pinalti amarga Ryan Giggs dilanggar.

Nalika iku cacahé biji MU karo Newcastle kacek 10. Nanging sithik mbaka sithik MU bisa nututi Newcastle lan nyalip Newcastle. MU dadi pimpinan Liga Inggris kanthi unggul cacahé gol karo Newcastle. Ing kono Cantona asring gawé gol. Ing minggu pungkasan MU mungsuh Middlesbrough. Nalika iku MU menang 3-0 ing Stadion Riverside, lan dadi juwara liga ing taun iku.

Manchester United uga dadi juwara Piala FA. Ing pinal MU mungsuh Liverpool. Ing kono Cantona dadi kapten ngganteni Steve Bruce kang ora mèlu amarga lara. Ing kono Cantona gawé gol kang gawa MU menang 1-0. Cantona dadi wong pisanan saka sajabane nagara Inggris kang njunjung piala FA minangka kapten tim MU. Nalika iku MU dadi tim kang pisanan menang Piala FA lan Liga Ingris bebarengan kaping pindho.

Mangsa 1996-97[besut | besut sumber]

Ing mangsa 1996-97 Cantona dadi kaptene Manchester United amarga Steve Bruce pindah ing Birmingham City. Ing taun iki United uga dadi juwara liga. Cantona kasil menang patang gelar sasuwéné limang taun bareng MU. Ing mangsa iki Cantona ngumumake yèn pensiun saka bal-balan amarga umuré wis 30 taun. Pungkasane dhèwèké bela MU nalika mungsuh West Ham ing tanggal 11 Mèi 1997 lan ing tanggal 16 Mèi Cantona pensiun.

Cantona gawé 64 gol bareng MU, 11 ing liga domestik, lan 5 gol ing Liga Champion, cacahé dadi ana 80 gol ing 5 taun mbela MU.

Nyalon Présidhèn[besut | besut sumber]

Pemain bal-balan saka Prancis lan kang dadi salah siji juru main kang misuwur nalika main ing MU iki gawé pawarta kang nggegerke, Eric Cantona mèlu nyalon dadi Présidhèn Prancis ing taun 2012. Cantona kudu nglumpukake 500 tandha tangan saka para pejabat kanggo bukti panyengkuyung marang awake.[5]

Cantona mèlu nyalon présidhèn amarga dhèwèké rumangsa kuciwa marang pamaréntahan. Cantona ngrasa mesake marang warga Prancis. Ing kalawarti Liberation ing situse, Senin (9/1), ngemot setumpuk salinan surat Cantona kang dikirim marang kabèh wali kutha ing Perancis. Ing sajerone surat mau, Cantona nerangake yèn dhèwèké arep gawé kaanan kang ora imbang ing babagan sosial warga Prancis digawé imbang.

Ing sajerone surat kang ditulis Cantona ngemot babagan perumahan lan kemlaratan. Rong prakara mau kang ndadèkaké pikiran warga Prancis.

Pamilihan présidhèn Prancis dilakokake ing sasi April 2012.

Statistik Pagawéan[besut | besut sumber]

Statistik Main ing Tim[besut | besut sumber]

Ing ngisor iki kapacak statistik uripé Cantona ing bal-balan, awit ing Liga Prancis nganti Liga Inggris. [6][7][8][9]

Club Mangsa Liga Cup Liga Cup Continental Liyane[nb 1] Total
Main Gol Main Gol Main Gol Main Gol Main Gol Main Gol
Perancis Liga Coupe de France Coupe de la Ligue Europe Liyane Total
Auxerre 19831984 2 0 0 0 2 0
19841985 5 2 0 0 0 0 5 2
19851986 7 0 0 0 1 0 8 0
Martigues (loan) 19851986 15 4 0 0 15 4
Auxerre 19861987 36 13 4 4 40 17
19871988 32 8 5 1 2 1 39 10
Marseille 19881989 22 5 0 0 22 5
Bordeaux (loan) 1988–89 11 6 1 0 0 0 12 6
Montpellier (loan) 19891990 33 10 6 4 39 14
Marseille 19901991 18 8 0 0 3 1 21 9
Nîmes 19911992 17 2 0 0 17 2
Inggris Liga FA Cup Liga Cup Europe Liyane Total
Leeds United 19911992 15 3 0 0 0 0 15 3
19921993 13 6 0 0 1 0 5 2 1 3 20 11
Manchester United 19921993 22 9 1 0 0 0 0 0 23 9
19931994 34 18 5 4 5 1 4 2 1 0 49 25
19941995 21 12 1 1 0 0 2 0 1 1 25 14
19951996 30 14 7 5 1 0 0 0 38 19
199697 36 11 3 0 0 0 10 3 1 1 50 15
Perancis 198 58 16 9 6 2 220 69
Inggris 171 73 17 10 7 1 21 7 4 5 220 96
Total Karir 369 131 33 19 7 1 27 9 4 5 440 165

Internasional[besut | besut sumber]

Ing ngisor iki dituduhake grafik anggoné Cantona main bal-balan lan cacahé gol kang wis digawé.[9][10]

Timnas Perancis
Taun Main Gol
1987 3 1
1988 2 0
1989 4 3
1990 7 6
1991 4 2
1992 9 2
1993 7 5
1994 8 1
1995 1 0
Total 45 20

Cathetan[besut | besut sumber]

  1. Includes appearances in the FA Charity Shield

Pranala njaba[besut | besut sumber]

Cathetan sikil[besut | besut sumber]

  1. Ganguly, Aubrey (March 2001). Ganguly, Aubrey. ed. "Eric and us". United (Manchester: Future Publishing) (100): 42–48
  2. Profil Eric Cantona Archived 2014-04-28 at the Wayback Machine. (diundhuh tanggal 8 April 2013)
  3. Lovejoy, Joe (15 August 1992). "Football: Kick-off 92–93". The Independent.
  4. Wilson, Steve (4 March 2011). "Eric Cantona: kung-fu kick on hooligan was like a dream for some fans". Daily Telegraph. London. Dibukak ing 4 March 2011.
  5. Cantona ke Presidhèn (diundhuh tanggal 9 April 2013)
  6. "Cantona career stats". Football Database.eu. Dibukak ing 17 July 2012.
  7. "Cantona UEFA profile". UEFA.com. Dibukak ing 2 February 2013.
  8. "Cantona Manchester United stats". Stretfordend.co.uk. Dibukak ing 2 February 2013.
  9. a b "Éric Cantona". National Football Teams.com. Retrieved 17 July 2012.
  10. "Eric Cantona – International Matches". RSSSF. Retrieved 2 February 2013.