Paolo Maldini

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Paolo Maldini
Maldini2008.JPG
Informasi pribadi
Jeneng pepak Paolo Cesare Maldini
Tanggal lair 26 Juni 1968 (umur 46)
Papan lair Milan, Italia
Dhuwur 186 m (Cithakan:Convert/rand in)
Posisi pamain Pemain bertahan
Karir remaja
1978–1985 Milan
Karir senior*
Taun Tim Apps (Gls)
1984–2009 Milan 647 (29)
Tim nasional
1986–1988 Italia U-21 12 (5)
1988–2002 Italia 126 (7)
* Senior club appearances and goals counted for the domestic league only.
† Appearances (Goals).


Paolo Maldini (lair ing Milan, Italia, 26 Juni 1968; umur 46 taun) inggih punika salah satunggaling pemain bal-balan asal negara Italia. Sadangunipun karier, piyambakipun namung wonten ing klub AC Milan, ing pundi piyambakipun paling asring dipunposisikaken dados bèk kiwa lan bèk tengah. Piyambakipun kagungan inggil antawis 188 cm. Maldini inggih punika salah satunggaling legenda bal-balan Italia ingkang dipunhurmati. Ewadene sakmenika yuswanipun sampun ngancik 40an, ananging piyambakipun tetep konsisten kaliyan permainanipun. Wonten ing Milan, piyambakipun kapasangaken kaliyan Alessandro Nesta nalik main dados bek tengah.[1]

Wonten ing pentas Seri A, Paolo Maldini kasil nyamakaken rekor penampilan Dino Zoff ing Seri A kanthi angka 570 kali ing 18 September 2005 nalika pertandhingan nglawan Sampdoria. Pertandhingan kasebut ugi minangka ingkang kaping 800 wonten ing karieripun kaliyan AC Milan. Kontrak Maldini wiwitanipun badhe telas nalika akhir musim 2007-08 ananging lajeng dipunperpanjangaken dumugi musim 2008-09. KAngge dedikasi tumrap klubipun, AC Milan, seragam kanthi angka 3 badhe dipunpensiunaken dumugi putranipun, Christian, mlebet skuad utama AC Milan.[2]

Karier klub[sunting | sunting sumber]

Debut Maldini ing Seri A kadadosan ing taun 1985 nglawan Udinese, nalika yuswanipun taksih 16 taun. Wiwit wekdal punika piyambakipun kagungan karier ingkang cemerlang, menangi kathah trofi kaliyan Milan (dumugi 2007: 7 gelar Seri A lan 5 gelar Liga Champions). Maldini saged dipunsebutaken minangka bek paling apik ing donya wonten ing puncak karieripun. Bab punika dipuntandhani kanth kasuksesanipun Maldini ngrebut peringkat tiga ing Ballon d'Or versi majalah France Football nalika taun 1994 lan 2003.

Wonten ing debutipun, Maldini kapasang dening pelatih Nils Liedholm minangka bek tengen. Musim candhakipun, posisi Maldini dipunewahi dados bek kiwa, kanthi kemampuanipun migunakaken kekalih samparanipun. Ing posisi punika Maldini melegenda dumugi taun-taun candhakipun minangka bek kiwa. Nalika taun 1997, sasampunipun Franco Baresi (kapten lan bek tengah Milan) pensiun, Maldini wiwit dipuncoba posisi minangka bek sentral. Peran punika dipunlakoni kanthi sae, dumugi wekdal punika Paolo Maldini ugi misuwur minangka bek sentral. Maldini ugi dipunkenal minangka kepemimpinanipun ingkang kagungan pangaruh, temperamenipun ingkang anteng lan pertahananipun tanpa cacat.[3]

Maldini minangka tiyang angka 5 ingkang tampil kaping 100 ing Liga Champions sadanguning sajarah sesarengan kaliyan penampilanipun nglawan Glasgow Celtic ing babak angka 2 Liga Champions Eropa 2006/2007. Sasampunipun 25 taun mbela Milan, Maldini medalaken pernyataan babagan kemungkinan piyambakipun bandhe pensiun ing pungkasaning musim 2007/2008, kanthi telasipun kontrak piyambakipun kaliyan Milan. Ananging, ngancik yuswa angka 40 ing wulan Juni 2008, Maldini taksih badhe main kangge Milan ing musim 2008/2009. Maldini bener-bener pensiun ing musim 2009, piyambakipun sampun milih kangge pensiun saking AC milan, klub ingkang sampun ngagengaken namanipun.

Pagesangan Pribadi[sunting | sunting sumber]

Paolo Maldini miyos saking kulawarga pemain bal-balan. Bapakipun, Cesare, minangka kapten AC Milan nalika taun 1960-an ingkang ndherek njuwarani Piala Champions nalika taun 1963. Generasi angka 3 Maldini ingkang minangka putra mbarep Paolo kanthi model asal Venezuela Adriana Fossa, Christian Maldini, sakmenika ugi mlebet ing klub AC Milan kangge kategori tim enem.

Cathetan Suku[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Paolo_Maldini&oldid=836801"