Adolfo Pérez Esquivel
Adolfo Pérez Esquivel (miyos 26 November 1931 wonten ing Buenos Aires, Argentina) inggih punika panampa Penghargaan Bedhamèn Nobel taun 1980. Piyambakipun dipuncathet amargi mimpin protes tumrap Wewengkon Perdagangan Bebas Amérika lan praduga bilih pulisi Argentina ngrekrut lare-lare wonten ing salebeting skuadron paramiliter, sawijining operasi ingkang dipunbandhingaken kaliyan Hitler Jugend nalika masa Jerman Nazi.[1]
Pérez Esquivel mglampahi endidikan wonten ing Escuela Nacional de Bellas Artes lan Universidad Nacional de La Plata ing pundi piyambakipun dipundidik minangka arsitek lan pemahat. Piyambakipun lajeng dipunangkat minangka guru besar arsitèktur. Sadangunipun 25 taun, piyambakipun ngajar wonten ing SD, SLTP, lan pawiyatan luhur. Piyambakipun makarya wonten ing sajumlah médhia pahatan.
Nalika taun 1960-an, Pérez Esquivel wiwit makarya wonten ing kelompok pasifis Kristen Amérikah Sarékat. Nalika taun 1974 piyambakipun mandheg anggènipun ngajara amargi kapilih minangka koordinator umum kanggé jaringan komunitas basis Amérika Latin ingkang mromosikaken kebebasan kaum miskin kanthi non-kekerasan.
Nalika panindasan sistematis nyusul kudeta militèr Jorge Videla nalika taun 1976, piyambakipun mbentuk lan ndanani gayutan antarorganisasi misuwur saperlu njagi hak asasi manungsa lan njurung kulawarga kurban Perang Kotor. El Servicio de Paz y Justicia ("Yayasan Pelayanan, Bedhamèn lan Keadilan") ingkang dipundhirikaken ngrembaka wonten ing konteks punika, lan gadhah tugas mbiyantu mbela hak asasi manungsa kanthi mromosikaken obahan internasional kanggé nentang kadurjanan ingkang dipuntindakaken déning Proceso de Reorganización Nacional (rezim militèr) punika.[2]
Nalika taun 1975, Pérez Esquivel dipuntahan déning pulisi militèr Brasil; nalika taun 1976 piyambakipun dipunkunjara wonten ing Ekuador, sareng kaliyan biskop-biskop Amérika Latin lan Amérika Utara; lan nalika taun 1977 wonten ing Buenos Aires piyambakipun dipuntangkep déning Policía Federal, dipunsiksa, lan dipuntahan tanpa dipunadili sadangunipun 14 wulan. Nalika dipunkunjara, piyambakipun pikantuk — ing antawising penghargaan sanèsipun — Peringatan Bedhamèn Paus Yohanes XXIII. Nalika taun 1980 piyambakipun dipunanugrahi Penghargaan Bedhamèn Nobel kanggé usahanipun mbela HAM. Nalika taun 1999 piyambakipun dipunanugrahi Penghargaan Pacem in Terris, ingkang dipunsukani nama miturut serat ensiklik 1963 saking Paus Yohanes XXIII ingkang kepengen sadaya tiyang ingkang gadhah itikad saé saperlu njagi perdamaian ing atawising sadaya bangsa. Pacem in Terris inggih punika tembung Latin kanggé 'Damai ing Bumi.'[3]
Cathetan suku
[besut | besut sumber]- ↑ http://nobelprize.org/peace/laureates/1980/esquivel-bio.html Esquivel di situs resmi Bebungah Nobel
- ↑ http://www.adolfoperezesquivel.org Situs resmi Adolfo Pérez Esquivel
- ↑ http://www.alastairmcintosh.com/general/1992-stations-cross-esquivel.htm Esquivel's Art-Stations of the Cross