Le Duc Tho

Saka Wikipédia, bauwarna bébas basa Jawa
Tokoh Vietnam

Le Duc Tho (Lê Ðức Thọ) (14 Oktober 191113 Oktober 1990) ya iku sawijining pejuang, jendral, diplomat, lan pulitikus saka Vietnam.[1] Taun 1930, Le mèlu awèh dana Parté Komunis Indochina.[1] Pamaréntah kolonial Prancis njeblosaké Le menyang pakunjaran saka taun 1930 nganti tekan taun 1936 lan uga sepisan manèh saka taun 1939 nganti tekan taun 1944.[1] Sakwisé bébas saka pakunjaran nalika taun 1945, Le mèlu mbantu mimpin Viet Minh, gerakan kamardikan Vietnam kang nglawan Prancis, nganti tekan Parsetujon Jenewa kang ditandhatangani nalika taun 1954.[1] Le banjur mèlu gabung karo Politbiro Lao Dong saka Parté Buruh Vietnam taun 1955, kang saiki dadi Parté Komunis Vietnam.[1] Le mimpin pambrontakan komunis kang wiwit taun 1956 nglawan pamaréntahan Vietnam Kidul.[1]

Pasetujon Damai Paris[besut | besut sumber]

Amérika Sarékat kanthi aktif mèlu ana ing Perang Vietnam nalika wiwitan taun 1960-an.[2] Xuan Thuy kang mimpin tim perundhingan resmi kang makili Républik Demokratik Vietnam ana ing rembugan ing Paris, Le lan Penasihat Kaamanan Nasional Amérika Sarékat Dr.[2] Henry Kissinger wiwit Februari 1970 mèlu ana ing rembugan wadi kang pungkasané ngasilaké gencatan senjata ana ing Pasetujon Damai Paris tanggal 27 Januari 1973.[2] Sajarah dhasar pasetujon iku kalebu: pambébasan tahanan perang saksuwéné 80 dina; gencatan senjata kang dimonitor déning Komisi Pengendhalian lan Pangawasan Internasional (ICC); pemilu bébas lan démokratis kang arep dianakaké ing Vietnam Kidul; bantuan saka Amérika Sarékat marang Vietnam Kidul kang terus lumaku; wadyabala RDV tetep ing Vietnam Kidul; pamanunggalan manèh Vietnam.[2]

Cathetan sikil[besut | besut sumber]


Sumber artikel punika saking kaca situs web: "https://jv.wikipedia.org/w/index.php?title=Le_Duc_Tho&oldid=974490"