René Cassin

Saka Wikipédia Jawa, bauwarna bébas abasa Jawa
Patung peringatan kangge René Cassin wonten ing Forbach, Prancis

René Cassin (5 Oktober 188720 Februari 1976) langkung kawentar dados hakim Perancis ingkang gadhah prabawa kaliyan aktivis HAM. Piyambakipun dianggep dados salah satunggaling panganjur utama dunya kangge kabebasan pribadhi.

Miyos wonten ing Bayonne, Prancis, Cassin miwiti karier resminipun dados pengacara wonten ing Pengadilan Paris nalika taun 1909. Nalika PD I kawiwitan, Cassin nggabung kaliyan infantri ananging gerah, dadosipun Cassin dipunbebasaken saking tugas. Sasampunipun perang, piyambakipun dados profesor ilmu hukum wonten ing Universitas Aix-en-Provence. Akiripun, taun 1929, piyambakipun pindah Universitas Paris wonten mriku angsal jabatan dados ketua fiskal sarta hukum perdata. Cassin tetep ten Université de Paris ngantos pensiun,1960. Cassin nyerat perjanjian-perjanjian sarta artikel ingkang wonten hubungane kaliyan ketaksamaan wanita nalika wonten kekerasan hak asasi manusia internasional.

Cassin punika delegasi Prancis nalika LBB saking taun 1924 ngantos taun 1938. Piyambakipun njabat wonten ing Komisi HAM Perserikatan Bangsa-bangsa kaliyan Pengadilan Arbitrasi den Haag (pimpinan antara 1950-1960). Sasampunipun Perang Dunia II, Cassin njabat dados delegasi Prancis kangge wakil PBB nalika taun 1946, 1948, 1950, 1951, kaliyan taun 1968. Ditambah nalika taun 1959 ngantos taun 1965, Cassin punika anggota ingkang kawentar wonten ing Pangadilan HAM Éropah. Nalika taun 1965, Cassin diangkat dados pimpinan sarta njabat ngantos taun 1968.

Sasampunipun PD II, kejahatan perang Nazi sampun dipunungkap, Cassin, sesarengan kaliyan Eleanor Roosevelt, nyerat Universal Declaration of Human Rights. Wonten ing satunggaling suwara kaping pisanan PBB nalika HAM, Majelis Umum sarujuk deklarasi nalika tanggal 10 Desember 1948. Sasampunipun pangambilan suwara puniku, PBB maringi kurmatan dumateng karya Cassin nalika aktivitas HAM, piyambakipun angsal pakurmatan babagan bidang HAM. Nalika taun 1968, René Cassin dipuanugerahi Bebungah Perdamaian Nobel.

Cassin seda nalika yuswa 88.

Pirsani Ugi[besut | besut sumber]

Pranala njawi[besut | besut sumber]