Profésor

Saka Wikipédia Jawa, bauwarna bébas abasa Jawa

Profésor (Latin: "Sawijining wong kang dikenal déning publik minangka nimpuna"; basa Inggris: Professor) (utawa prof cekake) ya iku sawijining guru senior, dosen lan/utawa panaliti kang padatan dikanggokake déning lembaga-lembaga/institusi pendhhidikan perguruan tinggi utawa universitas.

Minangka nimpuna, profesor padatan duwé patang jejibahan tambahan:

  1. Menehi kuliah lan mimpin seminar ing babagan ilmu kang dikwasai ing babagan ilmu murni, sastra, utawa babagan-babagan kang ditrapake langsung kaya ta seni rancang (désain), musik, pengobatan, hukum, utawa bisnis;
  2. Nindakake panalèn ing babagan ilmuné;
  3. Ngabdi marang masarakat, kalebu konsultatif (ing babagan pamréntahan utawa babagan-babagan liyané kang asipat non-profit);
  4. Nggladhi para akadhemisi mudha/mahasiswa supaya bisa mbantu dadi asistèn utawa nggentèni panjenengane mbesuke.

Keseimbangan saka 4 fungsi iki gumantung banget ing institusi, panggonan (nagara), lan wektu. Tuladhané, profesor kang ndedikasikake panjenengane ing panaliten lan ilmu pengetahuan ing universitas-universitas ing Amérika Sarékat (lan universitas-universitas ing nagara Éropah) dipromosikake supaya éntuk bebungah, mliginé ing babagan ilmu saka subyek panalitene.

"Profesor" bisa digunakaké (mliginé déning para pelajar ing Amerika) minangka istilah kang luwih sopan kanggo sawijining wong kang éntuk

gelar kesarjanaan PhD (S3) saka pawiyatan luhur, tanpa ngawigatekake tingkatan/rating saka pawiyatan luhur mau.