Eleanor Roosevelt

Saka Wikipédia Jawa, bauwarna mardika basa Jawa
Eleanor Roosevelt (1933)

Anna Eleanor Roosevelt (11 Oktober 18847 November 1962) punika Ibu Nagara Amérika Sarékat wiwit taun 1933 dumugi taun 1945. Eleanor punika panyengkuyung kawicaksanan New Deal garwanipun, Présidhèn Franklin D. Roosevelt, sarta gadhah peran minangka pejuwang hak sipil. Sasampunipun garwanipun tilar donya ing taun 1945, Eleanor tetep dados panulis lan pamicara wigatos kanggé koalisi New Deal. Panjenenganipun ugi ngupados minggahaken drajat wanita buruh.

Ing taun 1940-an, Eleanor dados salah satunggiling pangadeg Freedom House lan nyengkuyung pambentukan Perserikatan Bangsa-Bangsa. Eleanor Roosevelt ngedegaken UN Association of the United States ing taun 1943 kanggé ngempalaken panyengkuyung dhumateng dipunwangunipun PBB. Panjenenganipun dados wakil Amérika Sarékat dhateng Majelis Umum PBB saking taun 1945 dumugi taun 1952, dipuntunjuk déning Présidhèn Harry S. Truman lan dipunsarujuki déning Senat Amérika Sarékat. Nalika wekdalipun ing PBB, Eleanor dados ketua komité ingkang ngrancang lan nyarujuki Pranyatan Umum ngenani Hak-Hak Asasi Manungsa. Présidhèn Truman nélakaken bilih Eleanor punika "Ibu Nagari Donya", amargi jasanipun ing hak asasi manungsa.[1]

Réferènsi[besut | besut sumber]

  1. "First Lady of the World: Eleanor Roosevelt at Val-Kill". National Park Service. Dibukak ing 2008-05-20.

Pranala njawi[besut | besut sumber]