Jody Williams

Saka Wikipédia Jawa, bauwarna mardika basa Jawa
Jody Williams

Jody Williams (lair ing Putney, Vermont, 9 Oktober 1950; umur 73 taun) inggih punika salah satunggaling guru lan pekerja sosial Amérikah Sarékat ingkang pikantuk Bebungah Nobel Bedhamèn taun 1997[1] sesarengan kaliyan obahan ingkang dipunpimpinipun, International Campaign to Ban Landmines (ICBL) (Kampanye Internasional kanggé Nglarang Ranjau Darat). Williams nalika wiwitan sinau minangka guru English as a Second Language (ESL). Piyambakipun pikantuk gelar BA saking Universitas Vermont nalika taun 1972 lan gelar magister wonten ing ngajar basa Spanyol lan ESL saking School for International Training (ugi wonten ing Vermont) nalika taun 1974. Nalika taun 1984 piyambakipun pikantuk gelar magister ingkang angka 2 wonten ing Hubungan Internasional saking School of Advanced International Studies ing Universitas Johns Hopkins. Piyambakipun ngajar ESL ing Meksiko, Britania Raya, lan pungkasanipun Washington, D.C. Saderengipun katunjuk kanggé makarya wonten ing program bantuan, dados koordinator "Proyek Pendidikan Nikaragua-Honduras" saking taun 1984 dumugi taun 1986. Lajeng piyambakipun dados wakil direktur badan amal ingkang basisipun wonten ing Los Angeles, "Medical Aid for El Salvador". Jabatan punika dipuncepeng dumugi taun 1992 nalika piyambakipun pindhah dhateng ICBL ingkang nembé dipunbentuk.[2]

Pungkasanipun, ancas saking organisasi punika saged kasembadan nalika taun 1997 nalika siji perjanjian internasional (Perjanjian Ottawa) nglarang ranjau darat anti manungsa ingkang dipuntapakasmani ing Ottawa nalika taun 1997 (déné sapérangan nagara, mliginipun Amérikah Sarékat,RRC, lan Ruslan dèrèng napakasmani).[3]

Salah satunggaling aspek ingkang langkung wiyar saking karya Williams inggih punika irntisanipun wonten ing migunakaken Kekiyatan Rakyat: kerja sama ingkang langkung wiyar lan ageng-agengan wonten ing aksi pulitik trans-nasional, wiwitanipun lumantar fax lan pungkasanipun lumantar e-mail, makaten dipunandharekan déning Williams piyambak,

Bayangaken kados pundi caranipun njangkau atusan organisasi – masing-masing independen lan makarya wonten ing kathah isu – supados ngraosaken bilih piyambak-piyambak minangka unsur wigati wonten ing pengembangan siji obahan ingkang énggal. Kula kepéngin piyambak-piyambak rumaos bilih punapa ingkang dipunngendikakaken babagan perencanaan, pamikiran, program, lan aksi kampanye punika wigati. Amargi punika, tinimbang ngirim serat, kula kirimaken fakx dhateng saben tiyang. Tiyang kabiasa ngirim fax balik. Punika gadhah 2 ancas – tiyang badhé menggalih babagan punapa ingkang badhé dipuntindakaken saperlu ndamel saderengipun nyerat, lan kula gadhah cathetan kaserat ingkang permanen saking meh sedayanipun wonten ing perkembangan kampanye saking dinten kapisan. [1]

Williams lajeng nglayani wonten ing ICBL minangka utusan kanggé kampanye punika lan panyunting laporan organisasi ipunika babagan [ranjau darat. Piyambakipun ugi dados profesor tamu ing babagan pekerjaan sosial ing Universitas Houston kanggé taun akademik [2003]]-2004.

Piyambakipun kathah nyerat lan micara babagan prakawis ranjau darat.

Cathetan suku[besut | besut sumber]

  1. http://www.nobelprize.org/nobel_prizes/peace/laureates/1997/williams-cv.html
  2. "Archive copy". Diarsip saka sing asli ing 2013-01-16. Dibukak ing 2013-02-03.{{cite web}}: CS1 maint: archived copy as title (link)
  3. http://www.icbl.org/index.php/icbl/About-Us/Ambassadors/jody