Moluska

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Moluska (Mollusca)
Temporal range: Ediacaran/Kambrium - kini
Cumi-cumi Karibia, Sepioteuthis sepioidea
Klasifikasi èlmiah
krajan: Animalia
filum: Mollusca
Linnaeus, 1758
Kelas

Caudofoveata
Aplacophora
Polyplacophora
Monoplacophora
Bivalvia (kerang-kerangan)
Scaphopoda
Gastropoda (siput-siputan)
Cephalopoda (gurita, cumi-cumi, dan sotong)
Rostroconchia
Helcionelloida
† ?Bellerophontida

Moluska (filum Mollusca, saka basa Latin: molluscus = empuk) minangka kéwan triploblastik selomata sing awaké empuk. Jroning filum iki kalebu kabèh kéwan empuk mawa cangkang utawa ora, kayadéné manéka jinis siput, kiton, kerang-kerangan, sarta cumi-cumi lan kerabaté.

Moluska minangka filum paling gedhé kaloro jroning krajan kéwan sawisé filum Arthropoda. Wektu iki dikira-kira ana 75 èwu jinis, ditambah 35 èwu jinis jroning wangun fosil. Moluska urip ing segara, banyu tawar, payau, lan dharat. Saka palung bawana ing segara nganti pagunungan sing dhuwur, malah uga gampang tinemu ing saubengé omah.

Moluska disinaoni jroning cawang zoologi sing disebut malakologi (malacology).

Ciri awak[sunting | sunting sumber]

Awaké ora nganggo sègmèn. Simetri bilateral, dumadi saka "sikil" muskular, kanthi endhas sing tuwuh werna-werna miturut kelasé. Sikil dianggo adhaptasi supaya tahan ing substrat, ndhudhuk lan ngebur substrat, utawa obah (mlaku).

Ukuran lan wangun awak[sunting | sunting sumber]

Ukuran lan wangun awak moluska iku akèh variasiné. Upamané, bekicot sing dawané mung sawetara milimèter kanthi wangun bunder lonjong. Nanging, ana uga cumi-cumi raseksa kanthi wangun torpedo mawa swiwi sing dawané luwih saka 18m.

Strukur lan fungsi awak[sunting | sunting sumber]

Tubuh hewan ini terdiri dari tiga bagian utama, yaitu kaki, badan, dan mantel.

Sistem saraf moluska dumadi saka cincin saraf sing nduwèni esofagus kanthi serabut saraf sing nyebar. Sistem pancernaané pepak, dumadi saka cangkem, esofagus, lambung, usus, lan anus.

Anatomi moluska relatif mèmper karo vertebrata. Bab iki nyebabaké akèh ahli ngira yèn vertebrata lan moluska isih nduwèni hubungan évolusi. Bab iki dikuwataké uga kanthi kanyatan yèn moluska, utamané Cephalopoda, nduwé utek sing tuwuh apik lan ana sing kabukti nduwèni kamampuan pangéling-éling sing kuwat.


Sumber artikel punika saking kaca situs web: "http://jv.wikipedia.org/w/index.php?title=Moluska&oldid=830117"