Bekicot
| Bekicot | |
|---|---|
.jpg) |
|
| Achatina fulica di Bali | |
| Status konsèrvasi | |
|
NE[1]
|
|
| Klasifikasi èlmiah | |
| krajan: | Animalia |
| filum: | Mollusca |
| kelas: | Gastropoda |
| (unranked): | clade Heterobranchia
informal group Pulmonata |
| Superkulawarga: | Achatinoidea |
| kulawarga: | Achatinidae |
| Subkulawarga: | Achatininae |
| Genus: | Achatina |
| Subgenus: | Lissachatina |
| Species: | A. fulica |
| Jeneng binomial | |
| Achatina fulica (Férussac, 1821) |
|
Bekicot utawa Achatina fulica[2] yaiku sijining gastropoda darat kang ginolong ing suku Achatinidae.
Kewan iki asale saka Afrika Wetan banjur sumebar ing kabeh negara merga kegawa prau dagang, utawa sengaja digawa kanggo ingon-ingon utawa sumber pangan lan sabanjure dadi spesies invasif paling ala lan gawe rusak ing bumi[3], sahengga pira-pira negara gawe aturan kang nyegah wargane ndadekakae kewan iki [ingon-ingon]][4] kalebu Amerikah Sarekat. Kewan iki rumatane gampang lan ing pira-pira panggon uga dipangan, kalebu ing Indonesia. Senajan bisa uga nggawa parasit, bekicot ingon biasane ora nggawa parasit. Parasit kang digawa yaiku jinis cacing Angiostrongylus cantonensis kang njalari meningitis tumrape manungsa, kang nular kanthi cara mangan bekicot mentah utawa ora diolah kanthi sampurna.
Bab lan Paragraf |
Sub spesies[sunting]
- Achatina fulica hamillei Petit, 1859
- Achatina fulica rodatzi Dunker, 1852
- Achatina fulica sinistrosa Grateloup, 1840
- Achatina fulica umbilicata Nevill, 1879
Dheskripsi[sunting]
Bekicor diwasa gedhene udakara 7 cm lan dawane bisa nganti 20 cm utawa luwih.
Cangkange bentuk conthong lan umume mlungker ora searah jarum jam (dextral). Werna cangkange rupa-rupa, gumantung saka pangane, utamane wern asoklat.
Habitat[sunting]
Bekicot asale saka Afrika Wetan, utamane saka Kenya lan Tanzania, asline urip ing pasir kang teles, uga dhaerah-dhaerah tropis kang lembab. Kewan iki invasiv. Bekicot saiki bisa tinemu ing dhaerah tetanen, atol, alas, karang padesan lan liyane.
Pakan[sunting]
Bekicot mangan tanduran, kluban lan woh-wohan sembarang jenis. Kadhang uga mangan pasir utawa krikil lan bathang kewan liya Kanggo sumber kalsium.
Cara manak[sunting]
Kewan iki kagolong hermaprodit, yaiku saben kewan nduweni sifat lanang lan wadon. Nanging kewan iki merlokake individu liya kanggo kawin lan bekicot kang luwih gedhe dadi kewan kang wadon. Nalikane ngendhog, bekicot bisa ngetokake cacah 200 iji, kaping 5-6 saben taun lan kemungkinan netes 90%.
Anakan bekicot bisa dadi diwasa ing wektu 6 sasi, umure bisa nganti 6-10 taun. Kewan iki sesaba ing wektu bengi lan nalika awan ndhelik ing njero lemah utawa ngisor uwuh, watu utawa kayu mati.
Nalikane ketiga dawa, bekicot bisa urip tanpa pangan nganti 3 taun, kanthi gawe lembaran kanggo nutup cangkange sahengga senajan sakiwa-tengene kurang banyu bekicot ora kelangan cairan.
Referensi[sunting]
- ^ IUCN 2009. IUCN Red List of Threatened Species. Version 2009.1. <www.iucnredlist.org>. Downloaded on 10 July 2009.
- ^ "Achatina fulica". Integrated Taxonomic Information System. http://www.itis.gov/servlet/SingleRpt/SingleRpt?search_topic=TSN&search_value=76978.
- ^ Global Invasive Species Database: 100 of the Worst Invasive Species
- ^ Should Giant African Land Snails Be Kept as Pets At All?
