Chelicerata

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Chelicarata

Chelicerata inggih menika salah satunggaling subfilum saking kéwan avertebrata ingkang kalebet ing filum Rrthropoda.[1] Subfilum Chelicerata kawangun saking arachnida (mangga lan kalajengking), eurypterids ingkang sampun punah, kaliyan kepiting tapal kuda ingkang taksih dianggep dados fosil ingkang gesang.[1]

Ciri-ciri[sunting | sunting sumber]

  1. Anggadhahi alat tutuk arupa chelicerata ingkang kawangun saking kalih segmen[2]
  2. Padatanipun anggadhahi suku ingkang gunggungipun wolu[2]
  3. Tuladha kéwan saking subfilum chelicerata inggih menika mangga, kalajengking, mimi, lan mintuno[2]
  4. Boten gadhah rahang kaliyan antena[3]
  5. Ambegan kanthi cara insang buku, paru-paru buku, utawi trakea[3]

Samenika, gunggungipun jinis ingkang kawentar taksih gesang lan sampun dipuntemkaken langkung saking 10.000 jinis lan ugi ingkang sampun diparingi nama.[4] Kalebet ing salebetipun jinis ingkang mega-diverse sanget inggih menka Acari lan mangga (Araneae) ingkang sansaya dangu gunggungipun temonan jinis énggal mindhak terus kanthi cepet.[4] samenika, sampun dipuntepangi wonten watawis 2000 jinis fosil Chelicerata lan amèh langkung saking 3/4 gunggungipun inggih menika klompok saking Arachnida.[4]

Fosil[sunting | sunting sumber]

Fosil-fosil ingkang dipuntemokaken ing sawetawis panggénan migunani sanget kanggé mangertosi umur paling sepuh saking klompok takson setunggal ing klompok Chelicerata, utawi mawi cara wiyaripun sedaya makhluk gesang ing bumi menika.[5]

Tuladhanipun, fosil kalajengking dipuntemokaken watawis 430 yuta taun kepengker sanadyan temonan menika saged langkung sepuh saking ingkang dimangertosi samenika. Saking kasil temonan fosil ing setunggal lapisan tartamtu, saged pikantuk informasi umur saking trah klompok kasebat utawi umur kanca celakipun. Mboten mangertos takson kagungan umur langkung enèm utawi sabotenipun sami sepuhipun kaliyan klompok takson ingkang dimangertosi fosilipun kasebat.[5]

Kanthi studi filogeni ingkang ngrembaka samenika, molekuler utawi pendekatan tradhisional lumantar morfologi, saged ditindakaké satunggaling pendekatan superimposed ing wit filogeni ingkang dipunkasilaken. Saking kasil menika dèrèng saged dimangertosi fosil. Kasil saking kombinasi wit evolusi kaliyan cathetan fosil saged dipunginakaken minangka metode kalibrasi molekuler clock ingkang kathah dipunginakaken ing pendekatan molekuler. Kajawi minangka alat kalibrasi, saking kombinasi menika saged dipunginakaken kanggé ngira-ngira divergence time kang dikasilaké saka penandha molekuler. Sanadyan kados makaten, pertentangan antawisipun kasil temonan fosil ing satunggaling lapisan stratigrafi lan kasil panggénan takson ing wit filogeni boten saged diindhari.[5]

Minangka tuladhanipun, kalajengking ingkang minangka salah satunggaling takson ingkang paling sepuh ingkang naté dipuntemokaken tanpa rangu-rangu. Ing sawetawis studi ngengingi evolusi Chelicerata, kalajengking inggih menika takson dhasar ingkang paling primitif kaliyan moyang saking sedaya trah ingkang wonten ing klompok Chelicerata. Nanging ing kajian ingkang bènten, klompok kalajengking ingkang dipunyakini minangka klompok paling sepuh malah dados klompok ingkang luwih majeng. Pertentangan kasil kados menika ingkang taksh kathah dipuntemokaken, saéngga kedah kathah panalitiyan babagan data-data ingkang saged ngrampungaken masalah kasebat.[5]

Pirsani ugi[sunting | sunting sumber]

Cathetan Suku[sunting | sunting sumber]

  1. ^ a b (en)Chelicerata(diundhuh 28 Oktober 2012)
  2. ^ a b c (id)Ciri-ciri Chelicerata](dipunundhuh 28 Oktober 2012)
  3. ^ a b (en)Ciri Chelicerata(dipunundhuh 29 Oktober 2012)
  4. ^ a b c [|D. A. Pratiwi, Sri Maryati, Srikini, Suharno, Bambang S.] (2007). BIOLOGI SMA Jilid 1 untuk Kelas X Berdasarkan Standar Isi 2006. Jakarta: Penerbit Erlangga. ISBN 979-781-726-1.
  5. ^ a b c d Biotagua.org Sejarah geologi Chelicerata. Diundhuh 19 Februari 2011


Sumber artikel punika saking kaca situs web: "http://jv.wikipedia.org/w/index.php?title=Chelicerata&oldid=835052"