Chilopoda

Saka Wikipédia Jawa, bauwarna mardika basa Jawa
Lithobius forficatus
Lithobius forficatus
Klasifikasi ngèlmiah
Karajan: Animalia
Filum: Arthropoda
Subfilum: Myriapoda
Klas: Chilopoda
Orders and Families

See text

Chilopoda inggih punika salah satunggaling ordho saking kelas Myriapoda ingkang kalebet filum Arthropoda.[1] Tuladhanipun Chilopoda inggih punika klabang (Lithobius forficatus).[1] Ordo Chilopoda punika padatanipun gesang ing panggènan ingkang anyep, ing sangandhaping tumpukan sampah utawa ing godhong-godhong ingkang sampun bosok.[1]

Ciri-ciri[besut | besut sumber]

Badanipun radi gèpèng, kawangun saking mustaka inggil kaliyan badan ingkang wangunipun ros-ros (15-173 ros).[2] Saben ros punika gadhah satunggal pasang suku, kejawi ros ing wingking mustakanipin kaliyan kalih ros ingkang pungkasan.[2] Ing ros wingking mustaka wonten satunggal pasang antena dawa ingkang kawangun saking 12 ros, kalih golongan mripat tunggal, kaliyan tutuk.[2] Kéwan punika mangsanipun kéwan-kéwan alit wujud gegremet, cacing, moluska, kaliyan kéwan-kéwan alit sanèsipun, saéngga Chilopoda kalebet kéwan karnivora.[2] Piranti pencernaan Chilopoda sampun sampurna inggih punika saking tutukipun ngantos dhubur.[2] Piranti èkskrèsinipun awujud kalih saluran malphigi, ambeganipun nganggé trakea ingkang nyabang mawi luwangan kabikak ing saben ros badanipun.[2]

Réprodhuksi[besut | besut sumber]

Reprodhuksi Chilopoda inggih punika mawi cara kawin lan pembuahan internal. Piranti kelamin lanang lan piranti kelaminipun bentina kapisah, Chilopoda berkembangbiak mawi cara ngendhog (ovipar).[3]

Ugi pirsani[besut | besut sumber]

Cathetan suku[besut | besut sumber]

  1. a b c Karmana, Oman.2007.Cerdas Belajar Biologi.Bandung: Grafindo
  2. a b c d e f Kelas Chilopoda(diundhuh 24 Oktober 2012)
  3. Animalia-Myriapoda(dipunundhuh 22 Fèbruari 2013)