Myriapoda

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Myriapoda
Temporal range: Late Silurian–Recent
Lithobius forficatus, minangka Chilopoda
Klasifikasi èlmiah
krajan: Animalia
filum: Arthropoda
Subfilum: Myriapoda
Latreille, 1802
Kelas 

Myriapoda yaiku salah sawijiné kelas saka filum Arthropoda.[1] Tuladha kéwan sing kalebu Myriapoda yaiku klabang (Lithobius forficatus) lan luwing (Spirobolus sp.).[1] Tembung Myriapoda asalé saka basa Yunani, yaiku myriad sing tegesé akèh lan podos sing tegesé sikil.[2] Dadi Myriapoda yaiku kéwan sing sikilé akèh.[2] Myriapoda kapérang dadi rong ordo, yaiku Diplopoda lan Chilopoda.[1]

Struktur Awak[sunting | sunting sumber]

Awak Myriapoda kawangun saka endhas dhuwur (capuk) lan awak bagéyan buri utawa weteng (abdomen), Myriapoda ora nduwé dhadha.[3] Ing saben ros luwing ana rong pasang sikil, déné ing klabang ana sapasang sikil ing saben ros. Myriapoda nduwé sistem trakea kanggo respirasi.[3] Trakea yaiku saluran hawa sing gunané ngedharaké oksigen menyang kabèh bagéyan awak.[3]

Ciri-Ciri[sunting | sunting sumber]

  • Bantuk awaké ros-ros (segmen), ora nduwé dhadha mung nduwé endhas lan weteng[4]
  • Saben ros ing weteng ana sapasang utawa rong pasang sikil[4]
  • Ing endhasé ana kelopak mripat tunggal (ocellus) sing cacahé ana loro, sapasang antena, lan alat lembé. Alat lambé iki kawangun saka telung pasang rahang, yaiku sepasang mandibula lan rong pasang maksila[4]
  • Susunan saraf tangga tali[4]
  • Sistem ambegané nganggo trakea sing nduwèni spirakel ing saben ros awakè kanggo mlebu metu hawa
  • Sistem peredaran getih tarbuka[4]
  • Alat kelamin lanang lan wadon kapisah, kalebu kéwan ovipar (ngendhog)[4]
  • Urip ing dharat, kaya ing ngisor watu, jero lemah, humus, utawa ing panggonan sing lembab[4]

Klasifikasi[sunting | sunting sumber]

Myriapoda kapérang dadi rong ordo, yaiku Chilopoda lan Diplopoda

Chilopoda[sunting | sunting sumber]

Ordo Chilopoda padatan urip ing panggonan sing lembab, ing ngisor tumpukan sampah utawa godhong-godhongan sing wis bosok.[1] Reprodhuksi Chilopoda kanthi cara kawin lan pembuahan internal.[1] Alat rèspirasiné yaiku trakea sing nyabang menyang kabèh bagéyan awaké.[1]

Kéwan sing kalebu ing ordo Chilopoda yaiku klabang. Klabang yaiku kéwan predator sing mangan kéwan-kéwan cilik. Mangsané dipatèni nganggo racun. Kelenjar racun kuwi ana ing alat lambéné. Awak klabang gèpèng. Kéwan iki nggolèk pangan ing wayah bengi.[5]

Diplopoda[sunting | sunting sumber]

Luwing kalebu kelas Diplopoda

Awak Chilopoda bentuké bunder ndawa lan nduwèni ros (sègmèn) sing akèh.[1] Awaké ditutupi lapisan sing ngandhut garam kalsium lan wernané mengkilap.[1] Endhasé nduwé sepasang mripat tunggal, sepasang antena cendhèk, lan sepasang mandibula.[1] Toraks Chilopoda kawangun saka patang ros sing saben ros nduwé sepasang sikil, kajaba ing ros sing sepisan.[1] Kéwan iki nduwé abdomen sing dawa sing kawangun saka 25 nganti 100 ros, gumantung jinis spèsièsé.[1] Saben ros ana rong pasang spirakel, ostia (luwangan), ganglion saraf, lan rong pasang sikil.[1] Alat réprodhuksi Diplopoda diarani gonopod, sing ana ing ros kaping pitu.[1] Fertilisasiné kanthi cara internal. Kéwan sing wadon nggawé susuh kanggo nyimpen endhogé. Kéwan Diplopoda padatan urip ing panggonan sing peteng lan lembab, kaya ing ngisor watu utawa kayu sing ora kena sinar srengéngé.[1]

Kéwan sing kalebu klompok Diplopoda yaiku luwing. Awaké dawa silindris. Ing endhasé ana sepasang antena lan ing aben ros awaké dijangkepi sepasang sikil. Luwing mangan tetanduran sing wis mati lan seneng panggonan sing lembab lan peteng. Ing kahanan sing mbebayani, luwing ngruntelaké awaké. Luwing kalebu kéwan ovipar (ngendhog).[5]

Deleng Uga[sunting | sunting sumber]



Cathetan Suku[sunting | sunting sumber]

  1. ^ a b c d e f g h i j k l m n Karmana, Oman.2007.Cerdas Belajar Biologi.Bandung : Grafindo
  2. ^ a b (id)Ciri Myriapoda(diundhuh 14 Oktober 2012)
  3. ^ a b c (id)Struktur dan Fungsi Tubuh Myriapoda(diundhuh 14 Oktober 2012)
  4. ^ a b c d e f g (id)Ciri-ciri Umum Myriapoda(diundhuh 15 Oktober 2012)
  5. ^ a b (id)Klasifikasi Myriapoda(diundhuh 15 Oktober 2012)


Sumber artikel punika saking kaca situs web: "http://jv.wikipedia.org/w/index.php?title=Myriapoda&oldid=834957"