Cephalopoda

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Cephalopoda
(gurita lan saduluré)
Temporal range: Kambrium Akhir - Kini
Klasifikasi èlmiah
krajan: Animalia
filum: Mollusca
kelas: Cephalopoda
Cuvier, 1797
Ordo

Subklas Nautiloidea

Subklas †Ammonoidea

Subklas Coleoidea

Cephalopoda yakuwi anggota kelas filum moluska. Tuladhané kayatakabehé gurita, cumi-cumi, lan sotong. Jenengé duweni arti "sikil ning endas"— dijupuk saka ciriné kewan kang khas yakuwi duweni tentakel ning pinggiré endasé, kang gunané kanggo tangan lan sikil. Ilmu kang njlentrehaké Cephalopoda dijenengi ilmu teutologi (theutology, "ilmu babagan cumi-cumi"), lan kagolong ing cabang saka malakologi.

Cephalopoda duweni utek kang bisa tumbuh apik lan ana uga jenisé sing kamampuan sing bisa ngeling-eling kanti apik, malah bisa sinau.

Wong manfaataké anggota-anggota Cephalopoda dadi bahan pangan lan ning industri.

Strukturé Awak[sunting | sunting sumber]

Menawa dititeni, kewan iki duweni ciri kang kas, yakuwi duweni tentakel kang dijangkepi karo piranti sing bisa nyedot. Alat iki ana ning endas kang gunnané kanggo nyekel panganan. Misalé, ning cumi-cumi lan sotong duweni 8 tentakel céndhek lan 2 tentakel kang dawa. Nautilus duweni nganti kira-kira 60-90 tentakel. Gurita duweni 8 tentakel. Ning endhas ana sapasang mata kang wis bisa digunakaké kanthi fungsi kang wis apik, yakuwi duweni lensa mata lan iris, ananging ora duweni kelopak mata, bisa mbedakaké waneka werna lingkungan. Karo mata kang titen bisa cepet ngindari mungsuh sahingga jinis Mollusca iki luwih maju dibandingaké karo liyané. Ana uga tangan sing fungsiné kanggo nyekel wujudé dadi siji mbentuk gulu, corong, sifon (kanggo dalam mlebu metuné banyu). Sifon iki gunané kanggo piranti nyemprot banyu.

Ning sebelahé weteng ana kantung mangsi kang ngandung pigmen melanin. Kabeh anggota saka kewan iki duweni, kejaba Nautilus. Gunané mangsi kuwi yakuwi kanggo nghindari mungsuh. Nalika mungsuh teka, mangsi iki bakal disemprotaké liwat sifon. Sawise banyu butek, dheweké bakal ngadohi panggonan kasebut. Cephalopoda iki uga duweni mantel, ana ing bageyan geger (dorsal) kang nemplek ning awak, ananging ning bageyan wateng (ventral) mantelé ora nemplok mula awaké ana ronggané. [1]

Sistem Organ[sunting | sunting sumber]

Sistem pencernaané saka cangkem, kerongkongan, wetang, usus, lan anus kang ana ing bagiyan awak sing ana ning pinggir ngisoré sifon. Respirasiné migunakaké insang, ananging sistem sirkulasiné yakuwi predaran getih kang katutup. Jantung duweni sabilik lan rong serambi. Sistem ekskresiné kayata rong kantong ginjal. Sistem saraf kewan iki yakuwi kayata simpul otak, simpul kaki, lan simpul alat-alat njero. Alat kelamin ning kewan iki wis dipisahaké. [1]

Perkembangbiakan[sunting | sunting sumber]

Nalika masa kawinan, kewan lanang nyaluraké sel sperma maring rongga mantel kewan wadon migunakaké lengan kang ana ing bageyan ventral, nuli kedaden pembuahan. Ovum bakal tumbuh lan berkembang ning sakjeroning awak, nuli netes. Sawise cukup dewasa bakal metu saka njeroning awak lan urip bebas. [1]

Referensi[sunting | sunting sumber]

  1. ^ a b c Buku sekolah elektronik [|Idun Kistinnah, Endang Sri Lestari] (2009). Biologi 1 : Makhluk Hidup dan Lingkungannya Untuk SMA/MA Kelas X. Jakarta: Pusat Perbukuan Departemen Pendidikan Nasional. ISBN 978-979-068-129-3 (no. jilid lengkap) / ISBN 978-979-068-131-6.
Sumber artikel punika saking kaca situs web: "http://jv.wikipedia.org/w/index.php?title=Cephalopoda&oldid=834886"