UNHRC

Saka Wikipédia Jawa, bauwarna bébas abasa Jawa
Jump to navigation Jump to search
Human Rights Room Overview.jpg

Dhéwan Hak Asasi Manungsa PBB (UNHRC) iku organisasi penerus Komisi Hak Asasi Manungsa PBB ing PBB.

Ing tanggal 15 Maret 2006 Majelis Umum PBB nganakaké voting kanggo nyiptakaké organisasi hak manungsa anyar, sanadyan ana panentangan saka Amérika Sarékat. Dhéwan Hak Manungsa duwé anggota 47 nagara iki bakal ngganti Komisi Hak Manungsa kang anggotané 53 nagara. Badan hak manungsa kang anyar iki disetujoni déning 170 anggota saka 190 anggota. Papat nagara nentang pambentukan Dhéwan, ya iku Amérika Sarékat, Kapuloan Marshall, Palau, lan Israèl) lan telu nagara abstain, ya iku Belarus, Iran, lan Venezuela. Kapapat nagara kang nentang nyatakaké yèn Dhéwan anyar iki duwé kakuwasan luwih akèh lan ora nduwé pangreksan kang cukup kanggo nyegah nagara kang nglècèhaké HAM bisa ngontrol Dhéwan. [1]

Pamilihan anggota[besut | besut sumber]

Pamilihan anggota Dhéwan HAM PBB diayahi Selasa, 9 Mèi 2006, wektu Amérika Sarékat ing Gedung Markas Besar PBB, New York.

Ana 63 nagara kang nyalonaké dhiri supaya bisa lungguh ing Dhéwan HAM kang anggotané 47 nagara. Saliyané Indonésia, kanggo kawasan Asia kang éntuk jatah 13 kursi, anggota kapilih liyané ya iku Banglades, Jepang, Malaysia, Pakistan, Koréa Kidul, Cina, Jordania, Arab Saudi, lan Sri Lanka. Sauntara nagara-nagara Asia kang gagal kapilih ya iku Iran, Irak, Kirgistan, Lebanon, Thailand.

Kapilihé Indonésia minangka anggota badan HAM anyar PBB éntuk panjurung 165 nagara saka 191 nagara anggota PBB. Sajeroning pangundian, Indonésia lan India mung éntuk mangsa kalungguhan setaun. Déné Malaysia, Jordania, lan Arab Saudi éntuk mangsa kalungguhan telung taun.

Pranala njaba[besut | besut sumber]