UNDP

Saka Wikipédia Jawa, bauwarna bébas abasa Jawa

United Nations Development Programme (UNDP) utawa Badan Program Pangyasa PBB (Basa Arab: برنامج الامم المتحده الانماءي , Basa Prancis: Programme des Nations Unies pour le développement, Basa Spanyol: Programa de désarrollo de Naciones Unidas ) iku organisasi multilateral kang gedhé dhéwé mènèhi bantuan teknis lan pangyasa ing donya.

Nduwèni kantor punjer ing New York City la uga minangka organisasi gedhé dhéwé sajeroning Perserikatan Bangsa-Bangsa. Organisasi iki dibiayai déning donor. Donor-donor iki biyasané mbiyantu nyediaké ahli lan penaséhat, pelatihan, lan perlengkapan pangyasa kanggo nagara berkembang, kanthi nambah bantuan kanggo nagara berkembang

Sajarah[besut | besut sumber]

UNDP diyasa ing taun 1965 minangka penggabungan rong organisasi sadurungé (Program Bantuan Teknis PBB lan Program Dana Khusus PBB). Organisasi iki disawang minangka organisasi kang nglakokaké tugas pokok PBB saliyané minangka perdamaian lan kaamanan donya.

Kauangan[besut | besut sumber]

Total dana Operasional PBB nganti taun 2004 ya iku watara $ 4 milliar (setara Rp. 36.900.000.000.000 'Telung puluh enem triliun sangang atus milyar rupiah', ya iku yèn 1$ = Rp. 9.225)

Donor (Bantuan)[besut | besut sumber]

Nagara donor gedhé dhéwé ya iku Amérika Sarékat, nyumbang $ 243 yuta, nuli Karajan Manunggal, kang nyumbang $ 233 yuta menyang UNDP. Jepang, Walanda, Norwegia lan Swedia nyumbang punjul $ 100 yuta. Sauntara, Uni Éropah nyumbang punjul $921 yuta ($ 226 yuta asal saka Komisi Éropah lan sisané asal saka nagara-nagara anggota Uni Éropah.

Informasi Umum[besut | besut sumber]

Kaanggotaan[besut | besut sumber]

UNDP nduwé anggota luwih kurang 166 nagara ing donya, nyambut gawé bebarengan karo bantuan pamaréntah lan LSM lokal.

Fungsi[besut | besut sumber]

Fungsi umum UNDP, antarané:

  • Mujudaké dhémokrasi sajeroning sawijining nagara
  • Penanggulangan kamiskinan
  • Mbantu nagara kanggo bangkit saka keterpurukan
  • Perluasan Energi lan Kaseimbangan Lingkungan
  • Penanggulangan HIV/AIDS

Uga delengen[besut | besut sumber]

Pranala njaba[besut | besut sumber]

Organisasi Internasional