UN-HABITAT

Saka Wikipédia Jawa, bauwarna bébas abasa Jawa

United Nations Human Settlements Programme (UN–HABITAT) iku badan Perserikatan Bangsa-Bangsa tumrap padunungan manungsa (human settlements). UN Habitat didegaké ing taun 1978 lan nduwé markas ing Kantor PBB ing Nairobi, Kenya. Organisasi iki ditugasi déning Sidang Umum PBB kanggo ningkataké kutha-kutha supaya luwih tahan / abadi (sustainable) ing babagan sosial lan lingkungan kanthi sasaran nyediakaké papan kang cukup kanggo sakabèhané.

Miturut laporan taunan 2006, lan tengah taun 2007, mayoritas padunung ing donya bakal urip ing kutha (cilik lan gedhé), kanggo kang sepisanan ing sajarah; bab iki sarujuk karo tekané "urban millennium". Taun 2007 padunung mlarat uga bakal ngancik angka sak milyar. Kanggo trèn mangsa ngarep, dikira-kira 93% pertumbuhan kutha bakal kadadéyan ing Asia lan Afrika, lan sethithiké uga ing Amérika Latin lan Karibia. Taun 2050 luwih saka 6 milyar manungsa, rong proteloné manungsa urip, bakal manggon ing kutha.

Dokumèn utama kang nggambaraké mandat organisasi iki ya iku Dhéklarasi Vancouver (Vancouver Declaration on Human Settlements), Agéndha Habitat, Dhéklarasi Istambul (Istanbul Declaration on Human Settlements), Dhéklarasi Kutha (Declaration on Cities and Other Human Settlements in the New Millennium), lan Resolusi 56/206.

UN Habitat nduwé telu kantor regional, Nairobi, Rio de Janeiro, lan Fukuoka.

Kontroversi[besut | besut sumber]

UN Habitat mbantu proyèk pambrantasan laladan kumuh ing Durban, Afrika Kidul kang akèh dikritik amarga kanthi peksan lan ora manut hukum. [1]

Referensi[besut | besut sumber]

Delengen uga[besut | besut sumber]

Pranala jaba[besut | besut sumber]

Cithakan:United Nations


Cithakan:Humanrights-stub

Sumber artikel punika saking kaca situs web: "https://jv.wikipedia.org/w/index.php?title=UN-HABITAT&oldid=1015459"