Gendéra PBB

Saka Wikipédia Jawa, bauwarna bébas abasa Jawa
FIAV normal.svgRanting Zaitun melambangkan perdamaian.

Gendéra Perserikatan Bangsa-Bangsa pisanan dipigunakaké ing 20 Oktober 1947. Gendéra PBB ngamot lambang PBB awarna putih kanthi latar wuri awarna biru. Lambang PBB dumadi saka proyèk peta donya sing punjeré ing kutub lor sing diapit déning pang godhong Zaitun. Pang Zaitun nglambangaké simbol kanggo perdamaian, sarta peta donya sing nglambangaké kabèh masarakat donya. Sawijining gendéra sing mèh padha pisanan dipresentasèkaké sajeroning wangun sing béda sethithik saka wangun saiki sajeroning konferènsi ing San Fransisco, April 1945. Sing béda jakuwi panggambaran bumi. Gendéra mau sabanjuré disebaraké marang saben wakil lan media. Taun 1946, sawijining komité UNO (United Nations Organization jeneng wiwitan PBB) diwènèhi tugas nggaé membuat rancangan sing dipresentasèkaké ing tanggal 2 Dhésèmber 1946 banjur ditampa déning sidang UNO tanggal 7 Dhésèmber 1946. Peta donya ing gagrag sadurungé kaputer 90 derajad mangétan dibandingaké karo gagrag saiki. Owah-owahan mau, miturut konferènsi pers ya iku kanggo mindahaké Amérika Lor saka pusat lambang.[1]

FIAV historical.svg Gagrag pisanan saka gendéra PBB, 1945.

Putih lan biru minangka warna-warna resmi saka PBB.

Gendéra-gendéra turunan[besut | besut sumber]

Badan Tenaga Atom Internasional (sawijining badan independen ananging lapur marang PBB) duwé gendéra kanthi warna-warna sing padha lan pang Zaitun kaya déné ing gendéra PBB. Lambang ing tengah gendéra IAEA yakuwi atom Modèll Rutherford.

Gendéra UNESCO duwé warna-warna sing padha karo gendéra PBB, kanthi lambang kuil Yunani (kamungkinan Parthenon) sing nglambangaké ngèlmu kawruh lan kabudayan.

Gendéra Organisasi Kaséhatan Donya padha karo gendéra PBB kanthi tambahan tongkat Asclepius, sawijining lambang tradisional medhis.

Gendéra UNICEF duwé pang lan peta donya kaya gendéra PBB ananging peta donya diganti nganggo ikon ibu lan anak.

Gendéra Badan Telekomunikasi Internasional duwé warna biru lan putih kanthi peta donya, kilat lan tuliasn "ITU".

Gendéra Organisasi Penerbangan Sipil Internasional mèmper karo gendéra PBB kanthi tambahan wing penerbang.

Gendéra Organisasi Meteorologi Donya mèmper karo gendéra PBB ditambah tulisan "OMM/WMO" ing sadhuwuring peta donya.

Pranala njaba[besut | besut sumber]