Tèknik sipil

Saka Wikipédia Jawa, bauwarna bébas abasa Jawa
Kreteg San Francisco-Oakland Bay
Kreteg kabel ing Bristol, Inggris

Tèknik sipil iku salah siji cabang èlmu tèhnik sing nyinaoni cara ngrancang, yasa, rénovasi ora mung gedhong lan infrastruktur, ananging uga nyakup lingkungan kanggo kamaslahatan urip manungsa.

Tèknik sipil duwé ruwang lingkup sing jembar, ing jeroné ana kawruh matématika, fisika, kimia, biologi, géologi, lingkungan nganti komputer. Tèknik sipil dikembangaké sairing karo tingkat kabutuhan manungsa lan solahbawané, saéngga bisa diarani yèn èlmu iki bisa ngowahi sawijining alas dadi kutha gedhé.

Cabang-cabang èlmu tèhnik sipil[besut | besut sumber]

  • Struktural: Cabang sing nyinaoni masalah struktural saka matèri sing dipigunakaké kanggo pangyasa. Sawijining wujud yasan manawa digawé saka sawetara pilihan jinis material kaya waja, beton, kayu, kaca utawa bahan liyané. Saben bahan kasebut duwé karakteristik dhéwé-dhéwé. Èlmu babagan struktural nyinaoni sipat-sipat material iku saéngga wusanané bisa dipilih material endi sing cocog kanggo jinis yasan kasebut. Sajeroning babagan iki disinaoni luwih jero bab sing magepokan karo perencanaan struktur yasan, dalan, kreteg, trowongan saka pangyasa pondhasi nganti yasan siyap dipigunakaké.
  • Geotèknik: Cabang sing nyinaoni struktur lan sipat manéka jinis lemah kangggo nopang yasan sing bakal madeg ing dhuwuré. Cakupané bisa arupa investigasi lapangan sing awujud panyelidikan kahanan-kahanan lemah sawijining dhaérah lan dikuwataké kanthi panyelidikan laboratorium.
  • Manajemen Konstruksi: Cabang sing nyinaoni masalah sajeroning proyèk konstruksi sing magepokan karo ékonomi, penjadwalan pegawéyan, mbalèkaké modhal, béya proyèk, kabèh bab sing magepokan karo ukum lan idin yasan nganti pengorganisasian pegawéyan ing lapangan saéngga yasan kasebut rampung tepat wektu.
  • Hidrologi: Cabang sing nyinaoni banyu, distribusi, pengendalian lan permasalahané. Nyakup babagan iki antarané cabang èlmu hidrologi banyu (gegandhèngan karo cuaca, curah udan, debit banyu sawijining kali lsp), hidrolika (sipat material banyu, tekanan banyu, gaya dorong banyu dsb) lan yasan banyu kaya palabuhan, irigasi, wadhuk/bendungan(dham), kanal.
  • Tèknik Lingkungan: Cabang sing nyinaoni permasalahan-permasalahan lan isu lingkungan. Nyakup babagan iki antarané panyadian sarana lan prasarana banyu resik, pengelolaan limbah lan banyu reged, pencemaran kali, polusi swara lan udara nganti tèhnik panyehatan.
  • Transportasi: Cabang sing nyinaoni sistem transportasi sajeroning perencanaan lan pelaksanaané. Nyakup babagan iki antarané konstruksi lan pengaturan dalan gedhé, konstruksi papan anggegana, terminal, stasiun lan manajemené.
  • Informatika Tèknik Sipil: Cabang anyar sing nyinaoni panerapan Komputer kanggo pétungan/pemodelan sawiji sistem sajeroning proyèk Pangyasa utawa Panelitèn. Nyakup babagan iki antarané pemodelan Struktur Yasan (Struktural saka Matèri utawa CAD), pemodelan owahan banyu lemah utawa limbah, pemodelan lingkungan nganggo Teknologi GIS (Geographic information system).

Prabédan saka arsitèk, arsitèk nyumbangaké rancangan, idhé, kamungkinan pelaksanaan pangyasa ing sadhuwuring kertas. Asil rancangan kasebut sabanjuré dipasrahaké marang staf ahli babagan tèhnik sipil kanggo pelaksanaan pangyasa. Tahapan iki, ahli tèhnik sipil ndandani /mènèhi saran saka pelaksanaan perencanaan, koordinasi sajeroning proyèk, ngamati proyèk supaya miturut rencana. Saliyané iku, ahli tèhnik sipil uga yasa konsèp finansial lan manajemen proyèk.

Ahli tèhnik sipil ora mung urusan karo pangyasa proyèk yasan, nanging ing babagan liya kaya sing magepokan karo informatika, kanggo memodelisasi sawijining wangun nganggo pitulung program CAD, pemodelan karusakan akibat lindhu, banjir. Bab iki wigati banget ing nagara maju minangka tolok ukur kelayakan pangyasa sawijining yasan vital sing duwé risiko bisa nyebabaé kurban manungsa kaya réaktor nuklir utawa bendungan, amarga anané kagagalan perencanaan tèknis. Rancangan yasan kasebut biyasané dimodhèlaké nganggo komputer lan diwènèhi faktor-faktor ancaman yasan kasebut kaya ta lindhu lan keruntuhan struktur material. Peran ahli tèhnik sipil uga isih ana senadyan fase pangyasa gedhong wis rampung, kaya ta ana ing babagan pangopènan fasilitas gedhong kasebut.

Matèri utama[besut | besut sumber]

Aplikasi èlmu tèhnik sipil ing Indonésia[besut | besut sumber]

Tokoh tèhnik sipil Indonésia[besut | besut sumber]

Pranala njaba[besut | besut sumber]