Konstruksi

Saka Wikipédia Jawa, bauwarna bébas abasa Jawa
Sawijining konstruksi gedhong pencakar langit

Konstruksi iku kagiatan yasa sarana utawa prasarana. Sajeroning babagan arsitèktur utawa tèhnik sipil, sawijining konstruksi uga misuwur minangka yasan utawa satuan infrastruktur ing sawiji aréa utawa lahan.

Sanajan kagiatan konstruksi misuwur minangka sawijining pegawéyan, nanging nyatané konstruksi iku arupa satuan kagiatan sing dumadi saka sawetara pegawéyan liya sing béda-béda.

Umumé kagiatan konstruksi diawasi déning manajer proyèk, insinyur disain, utawa arsitèk proyèk. Wong-wong iki nyambutgawé ing kantor, déné pangawasan lapangan biyasané dipasrahaké marang para mandhor proyèk sing ngawasi buruh yasan, tukang kayu, lan ahli yasan liyané kanggo ngrampungaké sacara fisik sawijining konstruksi.

Sajeroning prosès konstruksi lumrahé dianakaké perencanaan terpadu. Bab iki kagandhèng karo métodhe nemtokaké gedhéné béya sing diperlokaké, rancang-bangun, lan èfèk liya sing bakal kadadéan wektu pegawéyan konstruksi. Sawijinig jadwal perencanaan sing apik bakal nemtokaké sukses orané sawiji pangyasa kagandhèng marang pendanaan, dampak lingkungan, kaamanan lingkungan konstruksi, kacumawisan material yasan, logistik, gangguan publik kanthi anané pegawéyan konstruksi, persiapan dhokumèn dan tender, lan sapanunggalané.

Tipe-jinis proyèk konstruksi[besut | besut sumber]

Konstruksi omah préfab ( prefabricated home)

Umumé, ana telung jinis konstruksi, ya iku:

  1. Konstruksi yasan
  2. Konstruksi sipil/abot (Heavy / civil construction)
  3. Konstruksi Industrial

Saben jinis proyèk konstruksi mbutuhaké tim sing unik kanggo gawé rencana, design, yasa lan miara proyèk.

Konstruksi yasan[besut | besut sumber]

Sawijining situs blok apartemèn ing Cambridge
Gambar:Unfinishedbuilding.jpg
A large unfinished building

Konstruksi yasan iku prosès panambahan struktur marang lahan (real property) sing ana. Akèh-akèhé proyèk konstruksi yasan awujud rénovasi cilik-cilikan, kaya panambahan kamar, utawa rénovasi padusan. Sajeroning proyèk cilik-cilikan kaya iki, sing duwé properti (owner) tumindak minangka tukang, juru bayar, lan tim désain kanggo proyèké dhéwé. Sanajan mangkono, kabèh proyèk konstruksi yasan kudu ana èlemèn umum - désain, finansial, estimasi lan tetimbangan ukum. Konstruksi yasan komersial diprosès kanthi migunakaké werna-werna tatacara, kalebu èstimasi béya, palélangan, negosiasi rega, manajemen kontrak,manajemen konstruksi lan résiko, rancang bangun lan design-build bridging.

Konstruksi indhustrial[besut | besut sumber]

Konstruksi indhustrial, senadyanmung sébagéyan cilik saka indhustri konstruksi, minangka komponèn sing wigati. Owner saka proyèk-proyèk iki biyasané korporasi indhustri gedhé.