ariwisata yaiku sawijining bab kang saiki nembé dadi parembugan bebrayan. UU Pariwisata Nomer 10 taun 2009 jlèntrèhaké manawa pariwisata minangka manéka warna apa waé kang ana gegayutané kalawan kagiyatan wisata kang disengkuyung manéka warna fasilitas, sarta leladèn kang sinedya déning péhak-péhak kayata bebrayan, partikelir, pangrèh praja punjer, lan pangrèh praja dhaérah.
Miturut laman Kamantrèn Pariwisata lan Ékonomi Kréatif, tataran pariwisata Indhonésia mundhak ing 2022. Amung sajroning wektu 18 wulan, tataran wisata Indhonésia ana ing urutan 32, saka sadurungé ing urutan 44. Kanthi munggah 12 tataran, kanggo kaping sepisané Indhonésia kang dadi bagéyan saka 117 nagara ing Travel Tourism Competitiveness Index (TTCI) 2021, ana ing sadhuwuré Malaysia, Thai, lan Viétnam. Déné iku, babagan pariwisata Indhonésia ing laladan Asia–Pasifik kasil mancik ana tataran kawolu. Data kasebut dibabaraké déning World Economic Forum ing Mei 2022.
Mundhaking tataran kasebut tamtu kudu dibarengi kanthi laku cara pangupakara pariwisata kang becik kanggo mangerteni manéka sebab gumrégahé ekonomi ing babagan pariwisata. Kayadéné kang diwedharaké sajroning undang-undang pariwisata, laku cara pangupakara pariwisata yaiku “sakabèhing kundha pangrèh praja kang ana ing punjer utawa dhaérah, swasta lan bebrayan, sumber daya manungsa (SDM), sarta anggèr-anggèr magepokan pariwisata”. Déné salah siji kagiyatan pangupakara lan pangrembakakan pariwisata kang bisa dilakokaké yaiku panyathethan utawa pambabaran.
Panyathethan lan pambabaran duwèni ancas kanggo nepungaké, ndhayagunakaké, nglestarèkaké, lan ngundhahaké mutu papan wisata. Pambabaran kudu bisa milih panemu kang jumbuh kalawan butuhing bebrayan, yaiku kanthi milih médhia kang pener lan mènèhi tanggapan saka bebrayan tumrap pawarta kasebut. Kanthi mangkono, pariwisata minangka sawijining kagiyatan bisa nyandhak lan ngiguhaké bebrayan, satemah bisa gawa pangaribawa ekonomi, sosial, lan budaya tumrap bebrayan.
Salah siji médhia kang bisa kanggo pambabar kasebut yaiku Wikipédia. Nanging, artikel bab papan wisata ing Wikipédia basa Jawa (mliginé ing tlatah D.I. Ngayogyakarta, Jawa Tengah, lan Jawa Wétan)*) sakabèhané iku namung ana mung 30 artikel, kanthi rerincèn 4 artikel papan wisata ing D.I. Ngayogyakarta, 9 artikel papan wisata ing Jawa Tengah, lan 17 artikel papan wisata ing Jawa Wétan. Akèh-akèhé artikel iku mau isih arupa artikel wiwitan lan durung pepak isiné, saéngga para maos tundhoné namung bakal bisa merkolèh informasi kang sathithik saka artikel-artikel iku mau. Mula nyata yèn kahanan mangkéné iku durung jumbuh karo sesantiné Wikipédia, yaiku "Mardikakna Kawruh", sarta cap kang diwènèhaké marang Indhonésia minangka "heaven of earth" utawa suwarga donya.
Gegayutan saka mangkono iku mau, Komunitas Wikimédia Ngayogyakarta wiwit ngajokaké kagiyatan “WikiPlesir” lumantar program Dana Wiki, yaiku sawijining pasanggiri nulis lan ngrembakaké artikel-artikel bab papan wisata umum kang ana ing tlatah D.I. Ngayogyakarta, Jawa Tengah, lan Jawa Wétan. Tembung plesir ing basa Jawa nduwèni teges "lelungan" utawa "dolan". Jumbuh karo tegesing tembung iku mau, pasanggiri iki uga nduwèni ancas amrih bisa ngundhakaké kasadharan lan panyengkuyung para bebrayan marang wigatiné papan wisata lokal, sarta ngundhakaké pangaji-aji lan rasa bombongé masarakat awit mligi lan manéka warnaning papan wisata lokal. Undhak-undhakan iki bisa merbawani citra pariwisata Indhonésia ing donya intèrnasional, kang mengkoné bisa nyebabaké gumregahing ekonomi lan pariwisata.
*)Katrangan: Papan wisata umum dudu pasisir, dudu cagar budaya, lan dudu musiyum.
Warga Nagara Indhonésia (WNI) lan mapan ing Indhonésia.
Wus ngancik umur sathithiké 17 taun nalika pasanggiri diwiwiti (kaétung saka 15 Sèptèmber 2023).
Panyarta ora kena mèlu tantangan iki, manawa:
Minangka staf, konsultan, pangurus, pangawas Wikimédia Indhonésia, Wikimedia Foundation, lan afiliasi Wikimédia liyané.
Minangka kang nampa program Dana Wiki Wikimedia Indhonésia kang isih aktif.
Minangka kang nampa WikiTeroka 4.0, beasiswa daring utawa dukungan laptop, lan internet Wikimédia Indhonésia kang durung ngrampungaké kuwajibané.
Minangka pawongan kang juwara ing kumpetisi kang dianakaké déning Wikimédia Indhonésia katiti-mangsa telung taun pungkasan, ing antarané yaiku:
WikiTeroka 1.0.
Wiki Jelajah 2.0.
EUforia Wiki4HumanRights.
Proyek Jatayu.
Proyek Yuwana.
Wiki Cinta Budaya 2020.
Wiki Cinta Alam 2020.
EUforia Wiki4Women.
WikiKaleidoskop.
Wiki Cinta Alam 2022.
WikiGalir.
Kompetisi Wikisource 2020.
Kompetisi Wikisource 2021.
Kompetisi Wikisource 2022.
Kompetisi Wikipustaka 2022.
Kompetisi Wikistories untuk GLAM.
Kompetisi Penyajian Data 2022.
Panyarta kang bisa mèlu pasanggiri yaiku kang gunggung besutan ing Wikipédia basa Jawa durung ana 100 besutan.
Panyarta namung bisa mèlu ing salah siji kumpetisi kang didanani Dana Wiki (ora kena mèlu kumpetisi Dana Wiki liyané).
Panyarta ora nembé diblokir ing situs proyèk Wikimédia.
Panyarta dudu minangka naraguna siluman (pawongan kang padha, nanging mèlu kumpetisi nganggo akun sing béda-béda). Lamun konangan minangka naraguna siluman banjur déning panitya bakal nyorèk saka kumpetisi iki.
Panitya nduwèni wenang kanggo nyorèk panyarta, lamun ngrigoni lakuning kumpetisi iki.
Putusaning panitya asipat final lan ora kena diganggu gugat.
Lamun panyarta tumuju nemahi kangèlan bab tèhnis utawa pranatan, sumangga bisa sesambungan marang panitya lumantar layang èlèktronik yogyakartawikimedia.or.id.
Artikel kang ginawé kudu nggatèkaké tandha wacan, dhiakritik, huruf miring, éjaan, lan kapitalisasiné.
Artikel saben paragrafé kudu ngemot sathithiké 1 rujukan kang pinercaya.
Panyarta ora kena mertal utawa narjamahaké artikel saka Wikipédia basa liya asil saka pertalan mesin.
Artikel dibiji wiwit tanggal 15 Sèptèmber 2023 tabuh 07.00 WIB nganti 14 Oktober 2023 tabuh 23.59 WIB.
Lamun nyaguhi, panyarta bisa muwuhi gambar, tabel, kothak info (infobox), utawa gambar ilustrasi liyané kanggo njangkepi isining artikel.
Panitya nduwèni wenang kanggo mbusak pérangan kang sekirané keluwih-luwih kang ancasé namung kanggo minangkani utawa ngluwihaké gunggunging bèt, lan bakalé ngganti kalawan ukara kang luwih ringkes. Lamun tundhoné njalari sudaning cacah bèt, mangka panyarta kudu muwuhi manèh kontèn artikelé.
Artikel kang ora minangkani pranatan mangka ora bakal diétung déning panitya.
Artikel kang ginawé isih bisa didandani nganti pungkasaning titi mangsa kumpetisi.
Sakabèhaning update, pranatan, lan tata cara kumpetisi bakal kawedharaké lan kawuwuhaké lumantar kaca iki.
Cara mèlu
Ndaptar lumantar blangko ing ngisor iki. Panjenengan cukup ndaptar sepisan thok sasuwéné kumpetisi lumaku. Uga lebokna témplat {{Panyarta WikiPlesir 2023}} ing kaca naragunané panjenengan.
Temtokna artikel kang kepéngin panjenengan tulis utawa kembangaké kanthi ndeleng pratélan ing ngisor iki.
Isinen blangko pangumpulan artikel ing ngisor iki.
Panitya bakal mriksa artikel panjenengan lan bakal mènèhi panemu manawa artikel iku mau prelu didandani. Lamun artikel panjenengan wis ditampa, panitya bakalé nyathet poin lan wektu anggoné ngrampungké artikelé panjenengan.
Saben seminggu sepisan panitya bakal medharaké update gunggunging poiné panyarta lumantar akun resmi Wikipédia Jawa.
Pakèt 
: Muwuhi kontèn cacah 3.000 bèt, muwuhi sathithiké 1 sub-sirah, lan muwuhi sathithiké 3 rujukan (30 poin).
: Muwuhi kontèn cacah 5.000 bèt, muwuhi sathithiké 1 sub-sirah, lan muwuhi sathithiké 5 rujukan (60 poin).
: Muwuhi kontèn cacah 7.500 bèt, muwuhi sathithiké 2 sub-sirah, lan muwuhi sathithiké 10 rujukan (110 poin).
: Muwuhi kontèn cacah 10.000 bèt, muwuhi sathithiké 2 sub-sirah, lan muwuhi sathithiké 15 rujukan (260 poin).
panyarta kang paling cepet kalawan poin sathithiké 100 bakal merkolèh pigegel mirunggan.