Menyang kontèn

Alun-Alun Banjarnegara

Saka Wikipédia Jawa, bauwarna mardika basa Jawa
Alun-Alun Banjarnegara
ꦲꦼꦩ꧀ꦧꦸꦁꦥꦠꦫꦤ
Alun-Alun Banjarnegara dipun tingali saking ngajeng
JinisWisata Alam
PapanDesa Kutabanjar, Kecamatan Banjarnegara, Kabupaten Banjarnegara
Dibuka1930
Kang ngrumatPemerintah Kabupaten Banjarnegara
StatusDipun bikak (sakdawane dinten)
Sarana
  • papan panggenan ingkang wiyar
  • toilet
  • papan palenggahan
  • parkir

Alun-Alun Banjarnegara yaiku lapangan kutha ana ing tengah-tengahe Kabupaten Banjarnegara ingkang papan panggonane wonten ing Jalan Pemuda, Kelurahan Kutabanjar, Kecamatan Banjarnegara, Kabupaten Banjarnegara. [1] Alun-Alun Banjarnegara papan ing puser kabupaten batesan kaliyan Kantor BRI cabang Banjarnegara lan wande bakso ing sisi kidul, Masjid An-Nur lan pinten-pinten wande alit ing sisi kulon, SMP Nageri 1 Banjarnegara lan pandhapi kabupaten ing sisi ler, saha batesan kaliyan kantor Sekretariat Daerah (Setda) ing sisi wetan. [2] Panggenan iki dados salah suwijining panggenan ingkang dados obyek wisata ana ing Banjarnegara.[3] Saben dina Minggu biasane dianakna acara Car Free Day (CFD) yaiku larangan nganggo tumpakan ingkang nganggo mesin ana ing sajeroning alun-alun saben dina Minggu awit enjing dumugi wekdal luhur. [4]

Fasilitas

[besut | besut sumber]

Fasilitas ingkang wonten ing Alun-Alun Banjarnegara antawis sanes Musholla (papan ibadah), papan MCK (wingking), area parkir kendaraan ingkang wiyar, area wisata kuliner ingkang cekap jangkep, kathah papan lenggah dados papan bersantai, ngantos papan informasi bab Kabupaten Banjarnegara. [5]

Kejawi puniku, Alun-Alun Banjarnegara nggadhahi lapangan ingkang cekap wiyar. Limrahipun lapangan puniki dipunangge kangge pinten-pinten macem kegiatan nggih dening pamarintah, instansi, utawi masyarakat. Pinten-pinten kegiatan ingkang limrah dipunlampahaken ing Alun-Alun Banjarnegara antawis sanes upacara dinten kamardikan Republik Indonesia utawi upacara pengetan sanesipun, peken rakyat, pesta rakyat, konser, sholat ied, pelatihan keamanan, parade budaya lan taksih kathah kegiatan sanesipun. [2] [6] [7] [8]

Kelewihan

[besut | besut sumber]

Dados salah suwijining obyek wisata, Alun-alun Banjarnegara anduweni kelewihan-kelewihan, inggih punika biaya melbu gratis alias boten disuwun biaya melbu, bukak 24 jam, ana reca ikonik Dawet Ayu Banjarnegara, fasilitas lengkap, panggonane kepenak tur sejuk.[9]

Reca Dhawet Ayu

[besut | besut sumber]
Alun-Alun Banjarnegara sakderenge dipun renovasi

Reca Dhawet Ayu Banjarnegara ana ing bagian ngarep alun-alun dadi maskot Kabupaten Banjarnegara. Reca dawet kang dumadi saka gerobak dawet lan wong loro sing dodolan Dhawet Ayu. [10] Wonten ing gerobak wayang Semar lan Garèng.

Kejawi patung Dhawet Ayu Banjarnegara, pinten-pinten penjaja dhawet ugi gampil dipunpanggihi ing alun-alun. Dhawet Ayu Banjarnegara mboten ubahipun es cendol. Wedang tradisional puniki gadhah isi buliran ingkang didamel saking glepung wos ingkang dipunsukani pewarna ijem saking ron pandan, banjur dipuncampur kaliyan toya santen lan gendhis aren utawi gendhis klapa ingkang sampun dipun cairaken. Kejawi puniku limrahipun ugi dipuntambahaken cita raos mambet pandan, nangka utawi duren.[11]

Dhawet Ayu Banjarnegara piyambak inggih punika wedang kas saking Banjarnegara. Asal usul Dawet Ayu Banjarnegara dados terkenal wiwitan saking sekar ingkang dipundamel seniman Banjarnegara naminipun Bono ingkang nggadahi sesirah ”Dawet Ayu Banjarnegara”. Wonten ing warsa 1980 an sekar puniki dipopulerkan malih dening grup seni calung lan lawak Banyumas Peang Penjol ingkang terkenal ing Karesidenan Banyumas wonten ing era 1970-1980 an.[12]

Rujukan

[besut | besut sumber]
  1. ↑ "Alun Alun Banjarnegara dan icon kota yang istimewa | Visit Banjarnegara" (ing basa Indonesia). Diarsip saka sing asli ing 2023-09-28. Dibukak ing 2023-09-21.
  2. ↑ a b Hartono, Uje. "Jelang HUT RI, Pemkab Banjarnegara Bikin 'Istana Negara' di Alun-alun". detikjateng (ing basa Indonesia). Dibukak ing 2023-09-26.
  3. ↑ VIVA, PT VIVA MEDIA BARU- (2023-08-21). "5 Fakta Alun-Alun Banjarnegara, Rekomendasi Tempat Wisata Bareng Keluarga Gratis". bandung.viva.co.id (ing basa Indonesia). Dibukak ing 2023-09-15.
  4. ↑ Ichsan, Nurul, dkk (2019). "Penerapan Arsitektur Humanisme dalam Perancangan Pasar Kuliner di Kota Banjarnegara". Jurnal SENTHONG. 2: 863–874.
  5. ↑ admin (2022-05-16). "Pesona Alun-alun Banjarnegara Malam Hari yang Sayang Dilewatkan". Cilacap.org (ing basa Inggris Amérika Sarékat). Diarsip saka sing asli ing 2023-12-11. Dibukak ing 2023-09-21.
  6. ↑ Hamidi, Muchlas. "Jelang Pemilu 2024, Ada "Keributan" di Alun - Alun Banjarnegara - TIMES Indonesia". timesindonesia.co.id (ing basa Indonesia). Dibukak ing 2023-09-26.
  7. ↑ Ari Wibowo, Fajar (2023-08-24). "Jangan Sampai Terlewatkan! Akan Ada Gelar Parade Budaya di Alun Alun Banjarnegara, Intip Disini Tanggalnya!". Wonosobozone. Dibukak ing 2023-09-26.
  8. ↑ Asadillah, Maula (2023-04-20). "Alun-Alun Banjarnegara Dipakai untuk Dua Kali Salat Idulfitri, Ini Jadwal dan Khotibnya". Serayunews. Dibukak ing 2023-09-26.
  9. ↑ VIVA, PT VIVA MEDIA BARU- (2023-08-21). "5 Fakta Alun-Alun Banjarnegara, Rekomendasi Tempat Wisata Bareng Keluarga Gratis". bandung.viva.co.id (ing basa Indonesia). Dibukak ing 2023-09-15.
  10. ↑ Fatmafitri, Duwi, dkk (Desember 2021). "Dawet Ayu sebagai Icon Banjarnegara". Jurnal Dinamika Sosial Budaya. 23: 2580–8524. {{cite journal}}: Check date values in: |date= (pitulung)
  11. ↑ Media, Kompas Cyber (2011-08-26). "Mudiknya Dawet Ayu Banjarnegara Halaman all". KOMPAS.com (ing basa Indonesia). Dibukak ing 2023-10-08.
  12. ↑ Fatmafitri dan rencang-rencang, Duwi (2021-12-01). "Dawet Ayu sebagai Icon Kota Banjarnegara". Dinamika Sosial Budaya. 23: 333–337.
Wikimedia Commons duwé médhia ngenani Alun-Alun Banjarnegara.
Dijupuk saka "https://jv.wikipedia.org/w/index.php?title=Alun-Alun_Banjarnegara&oldid=1697634"