Menyang kontèn

Alun-Alun Klathèn

Saka Wikipédia Jawa, bauwarna mardika basa Jawa
Alun-Alun Klathèn

Alun-Alun Klathèn yaiku sawijining lapangan kutha kang ana ing tengah-tengahing Kabupaten Klathèn. Papan panggonan iki dadi salah sawijining panggonan kang dadi papan pariwisata ing Klathèn. Alun-Alun Klathèn dadi sawijining ikon lan dadi salah sawijining panggonan wisata kebanggaane warga Klathèn.[1]

Alamat Alun-Alun Klathèn[besut | besut sumber]

Alamat Alun-Alun Klathèn yaiku ana ing Jl. MH. Thamrin, Kecamatan Klathèn Tengah, Kabupaten Klathèn, Provinsi Jawa Tengah. Rute dalan nuju marang Alun-Alun Klathèn iku bisa saka Patung Tenung Lurik Klathèn jarake udakara telung kilomèter, bisa ditempuh kira-kira pitung menitan. Sakdurunge teka ing Alun-alun bisa nglewati Gedhung DPRD lan Kantor Bupati Klathèn ndhisik.

Alun-Alun iki sering didadekake papan panggonan santè, amarga panggonane kang ana ing tengahing kutha agawe gampang diaksès saka ndi panggonan. Wit-witan kang ana ing sakupenge Alun-Alun Klathèn agawe adhem lan ora panas nalika wayah awan. Biasane papan wisata gratis ing Klathèn iki ramè ing wayah esuk lan bengi. Sakwise direvitalisasi Alun-Alun Klathèn dadi saya apik kanggo ditekani amarga nduweni tata taman kang rapi lan apik, saèngga bisa dimanfaatake pengunjung kanggo papan santè ing sangisore wit-witan. Uga bisa dadi papan kanggo golek kuliner utawa maneka werna panganan. Ing Alun-Alun Klathèn uga ana piranti utawa wahana kanggo dolanan bocah-bocah cilik kang bisa dianggo gratis.[2]

Jam Operasional Alun-alun Klathèn[besut | besut sumber]

Wisata taman kutha ing Klathèn iki buka saben dina 24 jam. Artiné, kawasan alun-alun iki ora pernah sepi. Saya bengi pengunjunge biasane sansaya akeh lan ramè. Keramean ing kene uga biasane disebabake anane komunitas-komunitas kang seneng kumpul ing Alun-alun.

Alun-Alun Klatèn dadi salahsawijining opsi utawa pilihan destinasi wisata paling apik kanggo wisatawan lokal utawa wisatawan njaba Dhaèrah Klathèn amarga mapan ing jantung kutha.[2]

Cathetan suku[besut | besut sumber]

  1. (ing basa Indonésia)nativeindonesia.com. "Alun-Alun Klaten, Tempat Bersantai Bersama Keluarga Yang Nyaman". nativeindonesia.com. Dibukak ing 16 September 2023.
  2. a b (ing basa Indonésia)salsawisata.com. "Alun-alun Klaten". salsawisata.com. Dibukak ing 16 September 2023.