Pasisir Nglambor
Pasisir Nglambor ya iku pasisir kang ana ing Désa Purwadadi, Tepus, Gunungkidul.[1][2] Pasisir Nglambor kalebu istiméwa amarga ing pesisir iki bisa kanggo nyawang sesawangan éndah ing njero banyu kanthi snorkeling. Saliyané sonrkeling, ing kono uga bisa kanggo nglangi. Racaké ombak ing pesisir kidul pulo Jawa gedhé, nanging ing pasisir iki banyuné cethèk lan anteng amarga kalangan watu gedhé loro kang diarani Watu Kalong lan Watu Kuntul ing sebrangé. Kanggo njaga lestariné watu karang lan kéwan kang manggon ing banyu, masyarakat gawé wewaler kanggo sapa waé ora diidini nyekel iwak ing pasisir iki.[3] Sesawangan pasisir Nglambor tambah apik kanthi anané watu karang ing ngarep pasisir iki. Banyu sagara kang bening, watu karang ing sajeroné banyu lan grombolan iwak loh kang manéka warna nambah éndahing pasisir iki. Ora nggumunaké menawa pasisir iki akèh diparani para wisata saka Ngayogya lan kutha-kutha liyané.[4] Emané, durung ana sinyal komunikasi sèlulèr ing Pasisir Nglambor.[5]
Rujukan
[besut | besut sumber]- ↑ "Wow… Ada 69 Pantai di Gunungkidul Jogja". Jogja Istimewa (ing basa Inggris Amérika Sarékat). 2014-12-24. Dibukak ing 2018-02-01.
- ↑ "Daftar 70 Wisata Pantai di Gunungkidul Yogyakarta". Diarsip saka sing asli ing 2021-01-20.
- ↑ "Pantai Nglambor: Akuarium Semesta yang Dijaga Sepasang Kura-Kura Raksasa". www.yogyes.com (ing basa Indonesia). Dibukak ing 2018-02-06.
- ↑ "10 Spot Foto Terbaru di Pantai Nglambor Jogja yang Lagi Hits 2017". Eksotisjogja.com (ing basa Indonesia). 2016-08-12. Diarsip saka sing asli ing 2017-07-06. Dibukak ing 2018-02-05.
- ↑ Media, Nina Atmasari - Solopos Digital. "Di Sejumlah Pantai Gunungkidul Ini Tak Ada Sinyal Seluler". SOLOPOS.com (ing basa Indonesia). Dibukak ing 2018-02-06.