Snorkeling

Saka Wikipédia Jawa, bauwarna bébas abasa Jawa

Snorkeling ya iku selam lumah utawa ngambang ing banyu nganggo piranti snorkel lan kaki katak supaya gampang anggoné nglangi.

Snorkel ya iku piranti kanggo nglangi kang wujudé kaya aksara J kang ana palindung kanggo lambe ing pucuk ngisor. Piranti iki bisa kanggo dalan mlebu angin nalika ambegan nganggo lambe tanpa kudu metu saka banyu. Sinambi renang bisa ndelok kaendahan ana ing sajeroning banyu saka lumah banyu lan ambegan sarana snorkel.

Sapa baé bisa nyoba snorkeling. Penyelam kang ora bisa renang utawa ora bisa ngapung bisa nganggo pelampung. Nalika nyelam ana ing banyu kang suhune cendhèk, penyelam bisa nganggo klambi kanggo nyelam supaya bisa njaga suhu lan ora kademen. Klambi selam iku mau uga bisa kanggo sarana supaya awak ora tatu amarga kena terumbu karang utawa entuban ubur-ubur.

Snorkeling ora perlu pendhidhikan mirunggan. Pemula bisa mèlu kursus singkat saka pemandu selam. Kepiya carane nganggo masker, snorkel, lan sikil kodhok diwarahi marang pemandu selam. Snorkeling iki dilakoni kanthi bebarengan utawa kelompok ora bisa dhéwé-dhéwé.

Snorkeling iki rekreasi kang wus kondhang, mliginé ana ing resor pasisir tropis. Snorkeling uga bisa ana ing telaga utawa kali.