Pasisir Guwa Cemara

Pasisir Guwa Cemara ꧌ꦥꦱꦶꦱꦶꦂꦒꦸꦮꦕꦼꦩꦫ꧍

yaiku pasisir objek wisata ing tlatah Kabupatèn Bantul, dunungé ing Patèhan, Gadingsari, Sandèn, Bantul, Daérah Istiméwa Yogyakarta. Jaraké kurang luwih 33 kilometer mbutuhaké wektu kurang luwih 1 jam saka punjering kutha Yogya tumuju ing pasisir Guwa Cemara. Pasisir iki diarani Guwa Cemara amarga akèh wit-wit cemara urang ing sakiwa tengené pasisir. Cemara urang iku sing mbentuk guwa, mulané diarani Pasisir Guwa Cemara. Wit-wit cemara urang sing ana ing pesisir iki ditandur miwiti saka taun 2003. Saben mangsa prèinan sekolah pasisir Guwa Cemara dadi salah sawijiné papan wisata plesir sing akèh ditekani para wisatawan.

Fasilitas ing Pasisir Guwa Cemara

1. Papan kanggo dolanan bocah. Pasisir Guwa Cemara kalebu papan wisata sing kondhang saliyané Pasisir Parangtritis jalaran pasisir iki ndayani para wisatawan ngrasakaké édhum lan ijoné pasisir sing duwèni wit cemara urang kang akèh. Saliyané para wisatawan bisa nyawang pasisir uga bisa dolanan ing papan sing wis dicepakaké dening pengelola papan wisata. Mula yèn dolan mréné nggawaa bocah cilik tetep dolanan kanthi aman lan nyenengaké.
2. Panggon blanja. Panggonan blanja kaya ta warung sing kalebu akèh njalari bisa duwé pilihan saka manéka werna dedanganan sing ditawakaké kaya ta asil bumi téla pendhem, kacang, lan brambang. Uga asil segara kaya ta pèyèk jingking, pèyèk suket segara, lan pèyèk urang.
3. Panggon Ibadah. Yen kaprenah nuju wektu ibadah salat bisa migunakaké mushola utawa langgar kang ana ing pérangan sajroné pasisir Guwa Cemara sing kalebu jembar lan dirumat kanthi becik
4. Séwa Jaran lan Jeep. Ana ing pasisir iki uga bisa ngrasakaké nunggang jaran ana ing sakupengé pasisir Guwa Cemara. Saben wisatawan bisa nyèwa jaran lan mengko dituntun utawa diarahaké marang gamel sing kulina ngurusi jaran. Saliyané séwan jaran, para wisatawan bisa nyèwa mobil jeep banjur bisa nyawang segara sinambi numpak jeep sing uga wis ana supiré.
5. Camping Ground. Panggon kanggo kémah utawa camping ground sing ana ing pasisir iki bisa dadi salah siji pilihan yèn arep ngrasakaké nginep ana sapinggir segara kanthi sesawangan wit-wit cemara urang sing rungkut lan katon édhum.
6. Panggon foto lan Pakiwan. Awit jembar lan éndahé panggonan ana sakupengé pasisir iki ndadèkaké papan wisata sing banget akèhè panggon sing bisa digunakaké kanggo foto-foto kanthi manéka kaperluan kaya ta shooting video clip lan film, panggon foto preweeding uga kanggo foto kulawarga. Ora prelu bingung yèn arep menyang pakiwan merga wis akèh pakiwan sing bisa digunakaké déning para wisatawan.

Jam Bukak lan Rega Tiket

Pasisir Pandhansari bukak saben dina wiwit jam 06.00-18.00 WIB kanthi rega tiket Rp10.000 saben wong  lan parikir saben motor Rp5.000

Pasisir utawa Panggo Plesir Sacedhaké Pasisir Pandhansari

1. Pasisir Parangtritis
2. Pasisir Parangkusuma
3. Pasisir Parangendhog
4. Pasisir Samas
5. Pasisir Baru
6. Pasisir Pandhansima
7. Pasisir Kuwaru
8. Pasisir Pandhansari
9. Padusan Parangwédang
10. Pasisir Dhépok
11. Pasisir Gesing

Pratelan

• Pantai Goa Cemara. garispantai.com. Diakses pada 27 September 2023.
• Desa Wisata Goa Cemara. visitingjogja.jogjaprov.go.id. Diakses pada 27 September 2023.