Umbul Mantèn

Umbul Mantèn ꧌ꦲꦸꦩ꧀ꦧꦸꦭ꧀ꦩꦤ꧀ꦠꦺꦤ꧀꧍ katelah ing Dhusun Janti Boto, Kalurahan Wunut, Kecamatan Tulung, Kabupatèn Klathèn, Provinsi Jawa Tengah. Miturut crita saka masarakat ing sakiwa tengen umbul jeneng Umbul Matèn dipercaya jalaran saka crita yèn jaman biyèn ana temantèn sajodho sing diwéling ora diparengaké metu saka omah nalika sawisé wayah surup sadurungé ngancik 40 dina anggoné rabi. Ananging pengantèn sajodho mau nglanggar wewalér, metu sawisé surup utawa wayah magrib mlaku-mlaku ngliwati wit-witan sing rungkut ana sacedhaké umbul. Nanging, dumadakan pengantèn kekaroné ora ditemokaké, jalaran anggoné ilang tanpa lacak ana sacedhaké umul mula banjur diarani Umbul Mantèn tekan saiki.

Beningé banyu Umbul Mantèn ndadekaké salah sawijiné papan wisata sing narik kawigatèn para wisatawan. Saliyané bisa ngrasakaké segeré banyu sing saka tuk sumber banyu para wisatawan bisa nyawang ijoné sawah wit-witan sakiwa tengen umbul sing isih katon asri. Umbul Mantèn sing jembar lan dawané udakara 40 meter x 70 meter, dene jeroné 1,5 meter.

Fasilitas sing bisa digunakaké déning para wisatawan yaiku.

1. Nglangi utawa kungkum ana ing kolam umbul

2. Nyoba foto underwater

3. Pendhapa lan gazebo

4. Panggon snorkling

5. Sewan hammock

6. Nyoba terapi iwak

7. Panggon jajan utawa warung

8. Panggon parkir sing jembar

9. Mushola utawa langar

10. Pakiwan

Jam Bukak lan Rega Tiket

Umbul Mantèn bukak saben dina wiwit jam 06.00 – 18.00 WIB.

Rega tiket mlebu umbul yaiku Rp10.000

Papan Wisata Umbul ing Kabupaten Klathèn

1. Umbul Buta

6. Umbul Cakra

7. Umbul Pluneng Tirtamulyani

8. Umbul Besuki

Pratelan

Umbul Manten, Wisata Air Sarat Mitos di Klaten Archived 2023-09-30 at the Wayback Machine.. javatravel.net. Diakses pada 21 September 2023.
Wajah Baru Umbul Manten. detik.com. Diakses pada 21 September 2023.
Wisata Umbul Manten. travelpromo.com. Diakses pada 21 September 2023.