Umbul Ponggok
Umbul Ponggok iku mlébu salah sawijining papan panggon wisata ing Desa Ponggok, Polanharja, Klathén, Jawa Tengah.[1] Papan wisata iki awujud bèji. Umbul Ponggok dikemunah déning Badan Usaha Milik Desa (BumDes) Tirta Mandiri sing bahuné diisi karo warga sekitar umbul, kaya petugas lokèt, manajemen, petugas reresik, lan petugas keslametan utawa SAR.[2] [3]
| Umbul Ponggok | |
| Informasi tempat wisata | |
|---|---|
| Lokasi | Desa Ponggok, Polanharja, Klathen, Jawa Tengah |
| Nagara | Indonesia |
| Pangelola | BumDes Tirta Mandiri |
| Jenis objek wisata | Kolam renang |
Kahanan
[besut | besut sumber]Umbul Ponggok iku salah sawijining papan panggon wisata awujud umbul utawa bèji. Saliyane Umbul Ponggok, uga ana Umbul Mantèn lan Umbul Cakra sing manggon ing cedhak Umbul Ponggok. Umbul Ponggok duwé panjang 70 meter, lebar kira-kira 40 meter, lan jeroné umbul yaiku antara 2-3 mèter. Umbul sing jero kerep dimanfaataké wisatawan kanggo snorkeling lan jupuk poto ing jero banyu umbul. Banyu Umbul Ponggok teka saka tuk sumber cèdhak umbul. Banyu umbul panggah resik amarga ing ngisor umbul ana sumber banyu sing mili liwat kali cedhak umbul.[4]
Sujarah
[besut | besut sumber]Ing jaman kepungkur Umbul Ponggok dadi papan tampungan banyu (resevoir) kanggo pabrik pabrik-pabrik gula ing kawasan Désa Ponggok ing taun 1800-an. Nanging pabrik-pabrik gula pada kukut ing taun 1930 amarga krisis ékonomi lan Umbul Ponggok dadi panggon adus lan umbah-umbah klambi déning masyarakat désa.[5] Saliyane iku, Umbul Ponggok uga duwé fungsi dadi sarana irigasi tetanèn. Ing taun 1980-an, Pamaréntah Désa Ponggok duwe wacana kanggo manfaataké Umbul Ponggok dadi panggon wisata nganggo sistem kerja sama karo masyarakat setempat. Ing taun 2009, BumDes Tirta Mandiri katetepake dadi badan sing ngurusi panggon wisata ing Désa Ponggok, salah sawijiné yaiku Umbul Ponggok.[6]
Aktipitas
[besut | besut sumber]Manéka warna aktipitas isa dilakoni dening wisatawan ing Umbul Ponggok, kaya renang karo maneka warna iwak seng ana ing umbul, snorkeling, lan diving kaliyan penyewaan alat-alate. Ing Umbul Ponggok uga ana panggon dolan kanggo bocah, kolam renang kanggo bocah, lan fasilitas kanggo swafoto njero banyu Umbul Ponggok.[7] Sanadyan ana iwak ing bagiyan ngisor, banyu ing umbul terus mili iki marai banyu umbul mboten ambu amis sanadyan ana iwak ing umbul.[8] Sak liane iku, wisatawan ing Umbul Ponggok uga isa njupuk foto njero banyu ing panggon-panggon sing wes dicepak karo pengelola umbul. Pangurus Umbul Ponggok uga nawani maneka jenis paket wisata, yaiku: paket safety, paket biasa, lan paket lengkap. Paket safety wisatawan entuk tiket mlebu lan isa snorkeling ing Umbul Ponggok. Paket lengkap wisatawan mung entuk tiket mlebu Umbul Ponggok. Paket lengkap wisatawan ora mung isa mlebu kanggo renang ing Umbul Ponggok nanging uga isa nginep ing home stay sing disediake pangurus.[3]
Rujukan
[besut | besut sumber]- ↑ Syauqi, Achmad. "Tahukah Kamu? Umbul Ponggok Dulunya Reservoir Pabrik Gula Belanda". detikjateng (ing basa Indonesia). Dibukak ing 2023-09-17.
- ↑ Pink, Bidara; Baskoro, Sandy (2023-05-29). "Umbul Ponggok, Surga Wisata Air di Klaten yang Melimpahkan Rejeki Desa". kontan.co.id (ing basa Indonesia). Dibukak ing 2023-09-17.
- ↑ a b Utami, Salmah Tri; Sapuntala, Anggik; Karebet, Ismail; Pasha, Athariq Navega Khalifa; Fauziah, Siti Maulani Nurfariz; Wibowo, Yunus Aris (2022-04-03). "DAMPAK PANDEMI CORONAVIRUS DISEASE 2019 (COVID-19) TERHADAP PENGELOLAAN WISATA UMBUL PONGGOK, KABUPATEN KLATEN, JAWA TENGAH". Indonesian Journal of Environment and Disaster. 1 (1): 9–17. doi:10.20961/ijed.v1i1.65. ISSN 2829-9418.
- ↑ "Obyek Wisata Air Umbul Ponggok – Sensasi Snorkeling di Air Tawar". klatenkab.go.id. 2016-05-02. Dibukak ing 2023-09-17.
- ↑ Syauqi, Achmad. "Tahukah Kamu? Umbul Ponggok Dulunya Reservoir Pabrik Gula Belanda". detikjateng (ing basa Indonesia). Dibukak ing 2023-09-17.
- ↑ Izzah, Kholilah Dzati; Kolopaking, Lala M. (2020-01-30). "Manfaat Badan Usaha Milik Desa dan Kesejahteraan Masyarakat Lapisan Bawah". Jurnal Sains Komunikasi dan Pengembangan Masyarakat [JSKPM] (ing basa Indonesia). 4 (1): 37–54. doi:10.29244/jskpm.4.1.37-54. ISSN 2338-8269.
- ↑ Kiswantoro, Amin; Rudi Susanto, Dwiyono (2019). "Pengaruh Sarana Dan Prasarana Pendukung Wisata Terhadap Kepuasan Wisatawan Di Umbul Ponggok, Klaten". Khasanah Ilmu:Jurna Pariwisata dan Budaya. 10 (2): 106–112.
- ↑ Ramadhian, Nabilla (2020-08-08). "Umbul Ponggok di Klaten, Wisata Bawah Air yang Instagramable Halaman all". KOMPAS.com (ing basa Indonesia). Dibukak ing 2023-09-18.