Umbul Besuki

Umbul Besuki ꧌ꦲꦸꦩ꧀ꦧꦸꦭ꧀ꦧꦼꦱꦸꦏꦶ꧍ minangka papan wisata sing ana ing Dèsa Kiringan, Kecamatan Polanharja, Kabupaten Klathèn, Provinsi Jawa Tengah. Wisata iki awujud tuk banyu sing dibendung kaya déné kolam kanggo slulum kanthi sesawangan sing isih katon asri yaiku wit-witan, sawah, kali, lan gunung. Umbul Besuki nduwèni 3 kolam, 2 kolam kanggo bocah, 1 kolam kanggo diwasa sing jeroné udakara 1,5 meter. Uga ana kolam mligi kanggo terapi iwak, pendhapa, pakiwan, langar utawa mushola, warung, papan kanggo outbond, uga ana panggon kanggo camping. Ing Umbul Besuki para wisatawan bisa ngrasakaké kungkum ing langsung saka sumber banyu sing isih banget alami lan ora adoh saka Kutha Klaten, udakara 18,5 kilometer liwat Dalan Klathèn-Ngupit.

Tiket Umbul Besuki

Umbul Besuki bukak saben dina udakara jam 08.00-15.00 WIB

• Rp7.000 saben wong
• Rp2.000 kanggo parkir motor
• Rp5.000 kanggo parkir mobil

Papan Wisata Umbul ing Klathèn

• Umbul Buta
• Umbul Cakra
• Umbul Jalatundha
• Umbul Kroman
• Umbul Ponggok
• Umbul Mantèn
• Umbul Pluneng Tirtamulyani

Pratelan

• Umbul Besuki. jadesta.kemenparekraf.go.id. Diakses pada 20 September 2023.
• Umbul Besuki. narasidesa.com. Diakses pada 20 September 2023.
• Umbul Besuki Polanharjo. klatenkab.go.id. Diakses pada 20 September 2023.